പാലക്കാട്: ദേശീയ പതാക വിവാദത്തിൽ പാലക്കാടിലെ ബിജെപി നേതാവ് എൻ ശിവരാജനെതിരെ പരാതി നൽകി കോൺഗ്രസ്. പാലക്കാട് ബ്ലോക്ക് കമ്മിറ്റിയാണ് പരാതി നൽകിയത്. രാജ്യദ്രോഹ കുറ്റത്തിന്റെ വിവിധ വകുപ്പുകൾ ചുമത്തണം എന്നാണ് കോൺഗ്രസ് പരാതിയിൽ ആവശ്യപ്പെട്ടത്. 

ഇന്ത്യയുടെ ദേശീയ പതാക ത്രിവർണ പതാകയ്ക്ക് പകരം കാവിക്കൊടി ആക്കണം എന്നായിരുന്നു ശിവരാജൻ നടത്തിയ പ്രസംഗം. ഭാരതാംബ വിവാദത്തിൽ പുഷ്പാർച്ചനക്ക് ശേഷം പ്രതികരിക്കുമ്പോഴായിരുന്നു ശിവരാജന്റെ ഈ പരാമർശം. 

ഇതിനു പിന്നാലെ മന്ത്രി ശിവൻകുട്ടിയെ ശവംകുട്ടി എന്നും ശിവരാജൻ ആക്ഷേപിച്ചിരുന്നു. ദേശീയ പതാകയ്ക്ക് സമാനമായ പതാക രാഷ്ട്രീയ പാർട്ടികൾ ഉപയോഗിക്കുന്നത് നിരോധിക്കണമെന്നും ശിവരാജൻ പറഞ്ഞിരുന്നു. കോൺഗ്രസ് പാർട്ടി പച്ച പതാക ഉപയോഗിക്കട്ടെ, ഇന്ത്യയുടെ ചരിത്രങ്ങൾ അറിയാത്ത രാഹുൽ ഗാന്ധിയും സോണിയ ഗാന്ധിയും ഇറ്റാലിയൻ കൊടി ഉപയോഗിക്കട്ടെ എന്നും ശിവരാജൻ വ്യക്തമാക്കിയിരുന്നു. ബിജെപി മുൻ ദേശീയ കൗൺസിൽ അംഗം കൂടിയായിരുന്നു എൻ ശിവരാജൻ.

National flag controversy Congress files complaint against BJP leader N Shivarajan