കോഴിക്കോട്: യാത്രക്കാരുടെ നിരന്തരമായ അഭ്യർത്ഥനപ്രകാരം കോഴിക്കോട്- പാലക്കാട് റൂട്ടിൽ പുതിയ ട്രെയിൻ സർവീസ് ആരംഭിച്ചു. ആഴ്ചയിൽ ശനിയാഴ്ച ഒഴികെ ആറ് ദിവസങ്ങളിലും സർവീസ് നടത്തുന്ന ട്രെയിൻ ആണ് ഇത്. 

 

രാവിലെ 10 മണിക്ക് കോഴിക്കോട് നിന്നും പുറപ്പെട്ട് ഉച്ചയ്ക്ക് 1.05ന് പാലക്കാട് എത്തുന്ന രീതിയിലാണ് ട്രെയിൻ സർവീസ്. പാലക്കാട് നിന്ന് ഉച്ചയ്ക്ക് 1.50ന് ആരംഭിച്ച് രാത്രി 7.40ന് കണ്ണൂരിലും എത്തും. ഈ മാസം 23 മുതലാണ് ട്രെയിൻ സർവീസ് ആരംഭിക്കുന്നത്. ഷോർണൂർ- കണ്ണൂർ ട്രെയിൻ ആണ് പാലക്കാട്ടേക്ക് നീട്ടിയത്. 

 

നിലവിൽ പാലക്കാട് നിന്ന് കോഴിക്കോട്ടേക്ക് രാവിലെ 11.15ന് പോകുന്ന മംഗലാപുരം എക്സ്പ്രസ് കഴിഞ്ഞാൽ പിന്നീട് 3.30ന് മാത്രമേ അടുത്ത ട്രെയിൻ ഉള്ളൂ. ഇതു കഴിഞ്ഞാൽ രാത്രി എത്തുന്ന വെസ്റ്റ് കോസ്റ്റ് എക്സ്പ്രസ് മാത്രമാണ് പാലക്കാട് നിന്ന് ഉള്ളത്. ഈ സാഹചര്യത്തിലാണ് പാലക്കാട്- കോഴിക്കോട് റൂട്ടിൽ കൂടുതൽ ട്രെയിനുകൾ ആരംഭിക്കണമെന്ന് ആവശ്യം ശക്തമായത്.

 

Good news for passengers New train service coming on Kozhikode-Palakkad route