ഒന്നോ അതിലധികമോ വീടുള്ള പലരും വീടുകള്‍ വാടകയ്ക്കു കൊടുക്കുന്നവരാണ്. ഇനി വാടകയ്ക്കു കൊടുക്കാന്‍ വേണ്ടി മാത്രം വീടുണ്ടാക്കുന്നവരും ഉണ്ട്. അതായത് ഒരു സ്ഥിരവരുമാന സ്രോതസായി ഇതിനെ കാണുന്നു. 
 എന്നാല്‍ ഇതത്ര എളുപ്പമല്ല. അത് വെല്ലുവിളികളും ഉത്തരവാദിത്തങ്ങളും നിറഞ്ഞതാണ്. ചിലപ്പോള്‍, നിങ്ങള്‍ക്ക് അനുയോജ്യമായ ഒരു വാടകക്കാരനെ കണ്ടെത്താന്‍ കഴിയുകയില്ല. ഒരു ബ്രോക്കര്‍ നിങ്ങള്‍ക്ക് കാണിച്ചു തരുന്നയാള്‍ മോശമായ, കൃത്യസമയത്ത് വാടക തരാത്തവരോ വാടകക്കാരന്‍ വീട് ഒഴിയാന്‍ വിസമ്മതിക്കുന്നവരോ ആവാം. 

വെല്ലുവിളികള്‍ പല തരത്തിലുണ്ട്. നിയമപരമായ ബാധ്യതകള്‍ മുതല്‍ ശരിയായ വാടകക്കാരനെ തിരഞ്ഞെടുക്കുന്നത് വരെ ഇതില്‍ പെടുന്നു. താക്കോല്‍ കൈമാറുന്നതിന് മുമ്പ് നിങ്ങള്‍ എടുക്കുന്ന തീരുമാനം ഉടമസ്ഥന്‍ എന്ന നിലയില്‍ നിങ്ങളുടെ അനുഭവത്തെ സന്തോഷിപ്പിക്കുകയോ തകര്‍ക്കുകയോ ചെയ്‌തേക്കാം. നിങ്ങളുടെ വീട് വാടകയ്‌ക്കോ മറ്റോ കൊടുക്കാന്‍ നിങ്ങള്‍ ചിന്തിക്കുന്നുണ്ടെങ്കില്‍, ഒരു വാടകക്കാരനെ കണ്ടെത്തി വാടക ഈടാക്കുക എന്നതിനപ്പുറത്തേക്കു പോകേണ്ടത് പ്രധാനമാണ്. 

 

അടിസ്ഥാന കാര്യങ്ങളും നിങ്ങളുടെ നിയമപരമായ ഉത്തരവാദിത്തങ്ങളും അറിയുക

നിങ്ങള്‍ നല്‍കുന്ന വീടിന് ഒരു വീട്ടുടമസ്ഥന്‍ എന്ന നിലയില്‍, സുരക്ഷിതവും സുഖകരവുമായ ഒരു അന്തരീക്ഷം നല്‍കാന്‍ നിങ്ങള്‍ നിയമപരമായി ബാധ്യസ്ഥനാണ്. പ്രാദേശിക നിയമങ്ങള്‍, ഭവന കോഡുകള്‍, വാടക നിയന്ത്രണങ്ങള്‍ എന്നിവയെക്കുറിച്ച് സ്വയം ബോധ്യപ്പെടുക. യൂട്ടിലിറ്റികള്‍ ശരിയായി പ്രവര്‍ത്തിക്കുന്നുണ്ടെന്ന് ഉറപ്പാക്കുക. ആവശ്യമെങ്കില്‍, നിങ്ങളുടെ സ്വത്ത് തദ്ദേശ അധികാരികളില്‍ വാടകയ്ക്ക് രജിസ്റ്റര്‍ ചെയ്യുകയുമാവാം.

 

 

വാടകക്കാരെ കൃത്യമായി പരിശോധിക്കുന്നതിന്റെ പ്രാധാന്യം കുറച്ചുകാണരുത്. വാടകയ്ക്ക് കൊടുത്തു കഴിഞ്ഞാല്‍ തന്നെ പണം കിട്ടണമെന്ന് നിങ്ങള്‍ ആഗ്രഹിച്ചേക്കാം. എന്നാല്‍ നിങ്ങളുടെ വീടും പണവും സുരക്ഷിതമായിരിക്കണമെങ്കില്‍ വിശ്വസനീയനായ ഒരു വാടകക്കാരനെയാണ് ലഭിക്കേണ്ടത്. ഒരു നല്ല വാടകക്കാരന്‍ കൃത്യസമയത്ത് വാടക നല്‍കും. അവര്‍ തന്റെ സാമ്പത്തിക സ്ഥിരത വിലയിരുത്തുന്നതിന് ശരിയായ പശ്ചാത്തല പരിശോധനകളും നടത്തും. മുന്‍ വീട്ടുടമസ്ഥരുമായും തൊഴിലുടമകളുമായും റഫറന്‍സ് പരിശോധനയും നടത്താം. ശരിയായ അപേക്ഷാ പ്രക്രിയയിലൂടെ കടന്നുപോകുക, ഇതിന് സമയമെടുത്തേക്കാം. പക്ഷേ ഇത് ഭാവിയില്‍ ഉണ്ടാകാവുന്ന പ്രശ്‌നങ്ങള്‍ നിങ്ങള്‍ക്ക് ഒഴിവാക്കാനാവും.

 

വിശദമായ ഒരു വാടക കരാര്‍ തയാറാക്കുക

എന്തെങ്കിലും തരത്തില്‍ തര്‍ക്കമുണ്ടായാല്‍, നന്നായി എഴുതിയതും വിശദമായതുമായ ഒരു വാടക കരാര്‍ നിങ്ങളുടെ ആദ്യ പ്രതിരോധമായിരിക്കും. പ്രതിമാസ വാടകയും അവസാന തിയതിയും സെക്യൂരിറ്റി ഡെപ്പോസിറ്റും നിബന്ധനകളും വ്യവസ്ഥകളും പരിപാലന ഉത്തരവാദിത്തങ്ങള്‍, സൊസൈറ്റിയുടെ നിയമങ്ങളും ചട്ടങ്ങളും പാട്ടക്കാലാവധി, കരാര്‍ അവസാനിപ്പിക്കല്‍ വ്യവസ്ഥകള്‍ എന്നിവ കരാറില്‍ വ്യക്തമാക്കി തന്നെ എഴുതണം. കരാര്‍ തയ്യാറാക്കുന്നതിനും അവലോകനം ചെയ്യുന്നതിനും ഒരു നിയമ വിദഗ്ദ്ധനെ ഉള്‍പ്പെടുത്തുന്നതും പരിഗണിക്കാവുന്നതാണ്.

വാടക നിശ്ചയിക്കുക

ഉചിതമായ തുക വാടകയായി തീരുമാനിക്കുക. നിങ്ങളുടെ സ്ഥലത്തിന് അമിതവിലയാണ് ഈടാക്കുന്നതെങ്കില്‍ അത് നീണ്ട ഇടവേളകള്‍ക്ക് കാരണമായേക്കാം. അതേസമയം വിലക്കുറവ് നിങ്ങളുടെ വരുമാനത്തെ ബാധിക്കുകയും ചെയ്യാം. എന്നാല്‍ ആ ചുറ്റുവട്ടത്തുള്ളവരുടെ സമാനമായ വാടകകള്‍ താരതമ്യം ചെയ്ത് വസ്തുവിന്റെ അവസ്ഥയും വലുപ്പവും വാഗ്ദാനം ചെയ്യുന്ന സൗകര്യങ്ങള്‍, സ്‌കൂളില്‍ നിന്നുള്ള ദൂരം, മാര്‍ക്കറ്റുകള്‍, ആശുപത്രികള്‍, പ്രാദേശിക ഗതാഗതം, പരിപാലന ചെലവുകള്‍ തുടങ്ങിയ ആനുകൂല്യങ്ങള്‍ പരിശോധിക്കുക. ഇതിന്റെ അടിസ്ഥാനത്തില്‍ നിശ്ചയിക്കുക. 

ALSO READ: മഴക്കാലത്ത് പഴം കഴിച്ചാല്‍ പനിവരുമെന്ന് പറയുന്നതില്‍ യാഥാര്‍ഥ്യമുണ്ടോ..?

 

മാനേജര്‍ ആവശ്യമുണ്ടോ ?

വീട് വാടകയ്ക്കു കൊടുക്കുന്ന നാട്ടില്‍ അല്ല നിങ്ങള്‍ താമസിക്കുന്നതെങ്കില്‍ നിങ്ങള്‍ക്ക് ഒരു മാനേജറെ തീരുമാനിക്കാവുന്നതാണ്. മറ്റു ജില്ലകളിലോ അല്ലെങ്കില്‍ വിദേശത്തോ ഉള്ളവരാണെങ്കില്‍ പോയി നോക്കുക സാധ്യമല്ല. 
അറ്റകുറ്റപ്പണികള്‍, വാടകക്കാരുടെ പ്രശ്‌നങ്ങള്‍, സമൂഹവുമായി ബന്ധപ്പെട്ട മറ്റ് പ്രശ്‌നങ്ങള്‍ എന്നിവ പരിശോധിക്കാന്‍ നിങ്ങള്‍ക്ക് ഇടയ്ക്കിടെ പ്രോപ്പര്‍ട്ടി സന്ദര്‍ശിക്കാന്‍ കഴിയില്ല. അതുകൊണ്ട് ഒരു മാനേജറെ വച്ചാല്‍ നന്നായിരിക്കും. നിങ്ങളുടെ വാടകയില്‍ നിന്ന് നിങ്ങള്‍ക്ക് കുറച്ച് പണം അയാള്‍ക്ക് നല്‍കേണ്ടിവരുമെങ്കിലും അത് നിങ്ങളുടെ സമ്മര്‍ദവും സമയവും ലാഭിക്കുന്നതായിരിക്കും.

 

പ്രോപ്പര്‍ട്ടി പരിശോധിക്കുക

വീട് കൊടുക്കുമ്പോള്‍ ആവശ്യമായ അറ്റകുറ്റപ്പണികളോ അപ്‌ഗ്രേഡുകളോ നടത്തുക. വൃത്തിയുള്ളതും നന്നായി പരിപാലിക്കുന്നതുമായ വീട് മികച്ച വാടകക്കാരെ ആകര്‍ഷിക്കുന്നതാണ്. വീടിന്റെ ചോര്‍ച്ചയും തകര്‍ന്നു കിടക്കുന്നതുമായ ഫര്‍ണിച്ചറുകളുമുണ്ടെങ്കില്‍ അവ പരിഹരിക്കുകയും  പെയിന്റ് അടര്‍ന്നു പോയിട്ടുണ്ടെങ്കില്‍ പെയിന്റിങ് ചെയ്യുകയും വേണം. പരവതാനികള്‍, നിലങ്ങള്‍, ഉപകരണങ്ങള്‍ എന്നിവ നന്നായി വൃത്തിയാക്കിയിടുക. എല്ലാ ലോക്കുകളും സ്വിച്ചുകളും ശരിയായി പ്രവര്‍ത്തിക്കുന്നുണ്ടെന്നും ഉറപ്പുവരുത്തുക. പിന്നീട് സംഘര്‍ഷം ഉണ്ടാകാതിരിക്കാന്‍ സ്ഥലത്തിന്റെ ഫോട്ടോകളും എടുക്കാവുന്നതാണ്.

 
ചെക്ക്‌ലിസ്റ്റ് 

പ്രോപ്പര്‍ട്ടി കൈമാറുന്ന സമയത്ത് അതിന്റെ അവസ്ഥ രേഖപ്പെടുത്താന്‍ ഈ ചെക്ക്‌ലിസ്റ്റ് നിങ്ങളെ സഹായിക്കുന്നതാണ്. ഭാവിയില്‍ നാശനഷ്ടങ്ങള്‍ അല്ലെങ്കില്‍ സെക്യൂരിറ്റി ഡെപ്പോസിറ്റുകള്‍ സംബന്ധിച്ച തര്‍ക്കങ്ങള്‍ ഉണ്ടാകാതിരിക്കാന്‍ വേണ്ടി നിങ്ങളും വാടകക്കാരനും അതില്‍ ഒപ്പിടുകയും വേണം.

ആരും നിങ്ങളോട് ഇത് പറയില്ല

നിയമപരമായ നടപടിക്രമങ്ങളും മറ്റു പതിവ് പരിശോധനകളും മാത്രമല്ല, വാടകക്കാര്‍ നിങ്ങളുടെ സ്ഥലത്തെ നിങ്ങള്‍ പരിഗണിക്കുന്ന രീതിയില്‍ പരിഗണിക്കണമെന്നില്ല എന്നതും നിങ്ങള്‍ ഉള്‍ക്കൊള്ളണം. ഇത് സ്വീകരിക്കുകയും ബിസിനസ് മനോഭാവത്തോടെ നടപടിക്രമങ്ങളെ സമീപിക്കുകയും ചെയ്താല്‍ സമ്മര്‍ദത്തില്‍ നിന്ന് നിങ്ങള്‍ക്ക് രക്ഷപ്പെടാം.

 

 

 

Renting out a house is a popular way to earn a steady income, and many people even build homes solely for this purpose. However, the process is not as simple as it may seem—it comes with several challenges and responsibilities.