ദുബൈ: രാജ്യത്തെ നിയമങ്ങളും ചട്ടങ്ങളും ലംഘിച്ചതിന് യുഎഇയിലെ ഒരു ബാങ്കിന് പുതിയ ഉപഭോക്താക്കളെ സ്വീകരിക്കുന്നതിന് ആറ് മാസത്തെ വിലക്ക് ഏര്‍പ്പെടുത്തി യുഎഇ സെന്‍ട്രല്‍ ബാങ്ക് (സിബിയുഎഇ). ഇസ്‌ലാമിക് ബാങ്കിംഗ് സേവനങ്ങളുമായി ബന്ധപ്പെട്ട ശരീഅത്ത് ഗവേണന്‍സ് ചട്ടങ്ങള്‍ പാലിക്കുന്നതില്‍ ബാങ്ക് വീഴ്ച വരുത്തിയെന്ന് മേല്‍നോട്ട പരിശോധനയില്‍ കണ്ടെത്തിയതിനെ തുടര്‍ന്നാണ് നടപടി.

ALSO READ: റാസല്‍ഖൈമയില്‍ ഉണ്ടൊരു നെല്‍ കര്‍ഷകന്‍: പ്രതിവര്‍ഷം ഉല്‍പ്പാദിപ്പിക്കുന്നത് 60 കിലോഗ്രാം നെല്ല്; നെല്‍പ്പാടത്ത് ഇന്ത്യയുടെ 'ബസുമതിയും'

കൂടാതെ, ബാങ്കിന് 3,502,214 ദിര്‍ഹം പിഴയും ചുമത്തിയതായി സിബിയുഎഇ അറിയിച്ചു. 2018ലെ ഡിക്രീറ്റല്‍ ഫെഡറല്‍ നിയമ നമ്പര്‍ (14)ലെ ആര്‍ട്ടിക്കിള്‍ 137 അനുസരിച്ചാണ് യുഎഇ സെന്‍ട്രല്‍ ബാങ്കിന്റെ നിയന്ത്രണ നടപടികള്‍. യുഎഇയിലെ ബാങ്കിംഗ് മേഖലയില്‍ സുതാര്യതയും സമഗ്രതയും ഉറപ്പാക്കാന്‍ ലൈസന്‍സുള്ള എല്ലാ ധനകാര്യ സ്ഥാപനങ്ങളും നിയമങ്ങള്‍ പാലിക്കണമെന്ന് സെന്‍ട്രല്‍ ബാങ്ക് ഊന്നിപ്പറഞ്ഞു.

ALSO READ: യുകെയിലെ പിസ്സ ഡെലിവറി ബോയ് യുഎഇയിലൊരു സാമ്രാജ്യം പണിത കഥ; ആരെയും പ്രചോദിപ്പിക്കുന്ന ജേസന്റെ ജീവിതം

സാമ്പത്തിക വ്യവസ്ഥയുടെ സ്ഥിരതയും ബാങ്കിംഗ് സ്ഥാപനങ്ങളില്‍ പൊതുജന വിശ്വാസവും നിലനിര്‍ത്താന്‍ സിബിയുഎഇ പ്രതിജ്ഞാബദ്ധമാണെന്ന് അധികൃതര്‍ വ്യക്തമാക്കി. നിയന്ത്രണ ശ്രമങ്ങള്‍ തുടര്‍ന്നും ശക്തമാക്കുമെന്നും നിയമലംഘനങ്ങള്‍ക്കെതിരെ കര്‍ശന നടപടികള്‍ സ്വീകരിക്കുമെന്നും സെന്‍ട്രല്‍ ബാങ്ക് അറിയിച്ചു.

The UAE Central Bank has imposed a six-month ban on an unnamed bank, preventing it from accepting new customers. The action follows regulatory violations related to compliance and risk management. Authorities stated that the move aims to strengthen oversight and ensure adherence to anti-money laundering and customer verification standards.