കൊണ്ടോട്ടി, അങ്ങാടിപ്പുറം: കൊട്ടുക്കര പി.പി.എം.എച്ച്.എസ് സ്‌കൂളിലും പരിയാപുരം എ.എം.എല്‍.പി സ്‌കൂളിലും സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. കൊട്ടുക്കര പി.പി.എം.എച്ച്.എസ് സ്‌കൂളില്‍ മാനേജര്‍ എം.അബൂബക്കര്‍ ഹാജി, സ്വപ്നം പര്‍ദ്ദ ഹൗസ് എം.ഡി നാഫിഅ് തുറക്കല്‍ എന്നിവര്‍ ചേര്‍ന്ന് പദ്ധതി ഉദ്ഘാടനം ചെയ്തു. സ്റ്റാഫ് സെക്രട്ടറി എം.അബ്ദുല്‍ മജീദ്  പത്രം പരിചയപ്പെടുത്തി. സ്വപ്നം പര്‍ദ്ദ ഹൗസ് അസി.മാനേജര്‍ നാഫിഅ് അരീക്കോട്, സുപ്രഭാതം ഓര്‍ഗനൈസര്‍ യു.കെ.എം ബഷീര്‍ മൗലവി, പി.അബ്ദുറഹ്മാന്‍, വി.പി സിദ്ദീഖ്, ടി.പി സമദ്, പി.പി മുഹമ്മദ്, അബ്ദുല്‍ ലത്തീഫ്,ഡോ. അബ്ദു സലാം സല്‍മാനി, ശബീറലി, കെ.അബ്ദുറഹ്മാന്‍, അബൂ ഹാമിദ്, എ.എം ഹനീഫ്, സ്വാദിഖലി, റിയാസ് സംബന്ധിച്ചു.
പരിയാപുരം എ.എം.എല്‍.പി സ്‌കൂളില്‍ അങ്ങാടിപ്പുറം പഞ്ചായത്ത് മെമ്പര്‍ അബ്ദുസലാം ആറങ്ങോടന്‍ സ്‌കൂള്‍ ലീഡര്‍ അമലിന് പത്രം കൈമാറി ഉദ്ഘാടനം ചെയ്തു. വാക്കാട്ടില്‍ സുനില്‍ ബാബു അധ്യക്ഷനായി. എസ്.കെ.എസ്.എസ്.എഫ് ജില്ലാ വിഖായ ചെയര്‍മാന്‍ സല്‍മാന്‍ ഫൈസി തിരൂര്‍ക്കാട് പത്രം പരിചയപ്പെടുത്തി. ശമീര്‍ ഫൈസി ഒടമല, ആശിഖ് അങ്ങാടിപ്പുറം, ഗഫൂര്‍ ഫൈസി, അന്‍സാര്‍ തട്ടാരക്കാട്, അധ്യാപകരായ ആരിഫ്, റോസമ്മ, ഗൗരി, അമല്‍ സംബന്ധിച്ചു.