മലപ്പുറം: മലപ്പുറം ജില്ലയിലെ കാളികാവ് ജനവാസ മേഖലയിൽ കാട്ടുപന്നിയുടെ ജഡം കണ്ടെത്തി. പകുതി ഭക്ഷിച്ച നിലയിലായിരുന്നു പന്നിയുടെ ജഡം കണ്ടെത്തിയത്. സംഭവ സ്ഥലത്ത് നിന്നും ഒരു അജ്ഞാത ജീവി ഓടിപ്പോകുന്നത് കണ്ടുവെന്നാണ് നാട്ടുകാർ പറയുന്നത്. സംഭവം നടന്ന സ്ഥലത്ത് വനം വകുപ്പ് ഉദ്യോഗസ്ഥർ ക്യാമറകൾ സ്ഥാപിച്ചിട്ടുണ്ട്. 

 സംഭവത്തിന് പിന്നിൽ കടുവയാണെന്നാണ് നാട്ടുകാരുടെ സംശയം. കാൽപ്പാടുകൾ കണ്ടെത്തിയിട്ടുണ്ടെങ്കിലും കടുവയാണോ എന്ന കാര്യത്തിൽ ഇതുവരെ വ്യക്തത വന്നിട്ടില്ല. തോട്ടത്തിൽ പാതി ഭക്ഷിച്ച നിലയിലായിരുന്നു കാട്ടുപന്നിയുടെ ജഡം കണ്ടെത്തിയിരുന്നത്. അടുത്തിടെ കടുവയുടെ ആക്രമണത്തിൽ യുവാവ് കൊല്ലപ്പെട്ട സംഭവം നടന്ന സ്ഥലത്തിനോട് ചേർന്നുള്ള സ്ഥലത്താണ് കാട്ടുപന്നിയുടെ ജഡം കണ്ടെത്തിയത്. അതുകൊണ്ടുതന്നെ നാട്ടുകാർ വലിയ ആശങ്കയിലാണ്.

Half-eaten body of wild boar found in Kalikavu tiger suspected to be behind the incident