ന്യൂഡൽഹി: ഇന്ത്യയിലെ രണ്ടാമത്തെ വലിയ ബാങ്കായ ഐസിഐസിഐ ബാങ്ക് എല്ലാ ഉപഭോക്തൃ വിഭാഗങ്ങൾക്കുമുള്ള പ്രതിമാസ മിനിമം ശരാശരി ബാലൻസ് കുത്തനെ വർധിപ്പിച്ചു. ഓഗസ്റ്റ് ഒന്നിനോ അതിനുശേഷമോ സേവിംഗ്സ് അക്കൗണ്ടുകൾ തുറന്ന മെട്രോ, നഗര പ്രദേശങ്ങളിലെ ഉപഭോക്താക്കൾ പിഴ ഒഴിവാക്കാൻ പ്രതിമാസം ശരാശരി 50,000 രൂപ ബാലൻസ് നിലനിർത്തണമെന്ന് ബാങ്കിന്റെ വെബ്‌സൈറ്റിലെ ഏറ്റവും പുതിയ അറിയിപ്പ് പറയുന്നു.  ICICI Bank Minimum Balance

പഴയ ഉപഭോക്താക്കളുടെ ഏറ്റവും കുറഞ്ഞ ശരാശരി ബാലൻസ് 10,000 രൂപയായി തുടരും. അർദ്ധ നഗര പ്രദേശങ്ങളിലെ പുതിയ ഉപഭോക്താക്കൾ 25,000 രൂപയും ഗ്രാമീണ മേഖലയിലെ ഉപഭോക്താക്കൾ 10,000 രൂപയും കുറഞ്ഞത് ബാലൻസ് നിലനിർത്തേണ്ടതുണ്ട്.

ഗ്രാമപ്രദേശങ്ങളിലും അർദ്ധ നഗരപ്രദേശങ്ങളിലും പഴയ ഉപഭോക്താക്കൾക്ക് പ്രതിമാസം മിനിമം ശരാശരി ബാലൻസ് 5,000 രൂപയായി തുടരും. മിനിമം ശരാശരി ബാലൻസ് നിലനിർത്താത്ത ഉപഭോക്താക്കൾക്ക് കുറവിന്റെ 6 ശതമാനം അല്ലെങ്കിൽ 500 രൂപ, ഏതാണോ കുറവ് അത് പിഴയായി ഈടാക്കും.

അതേസമയം, സേവിംഗ്സ് അക്കൗണ്ടിലേക്ക് മൂന്ന് കോംപ്ലിമെന്ററി ക്യാഷ് ഡെപ്പോസിറ്റുകൾ മാത്രമാണ് സൗജന്യമായി അനുവദിക്കുന്നത്. അതിനുശേഷം നിങ്ങൾ ഓരോ ഇടപാടിനും 150 രൂപ നൽകണം. പ്രതിമാസം കോംപ്ലിമെന്ററി പണം പിൻവലിക്കൽ ഇടപാടുകളുടെ എണ്ണവും മൂന്നായിരിക്കും.

രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) 2020 ൽ മിനിമം ബാലൻസ് നിയമം റദ്ദാക്കിയിരുന്നു. മറ്റ് മിക്ക ബാങ്കുകളും വളരെ കുറഞ്ഞ മിനിമം ബാലൻസ് ആണ് നിലനിർത്തുന്നത്. സാധാരണയായി 2,000 രൂപയ്ക്കും 10,000 രൂപയ്ക്കും ഇടയിലാണ് മിനിമം ബാലൻസ്. സീറോ രൂപ മിനിമം ബാലൻസ് വേണ്ട അക്കൗണ്ടുകളും മറ്റുബാങ്കുകളിൽ ഉണ്ട്.

ICICI Bank has significantly increased the monthly minimum average balance requirement for all customer segments. According to the latest update on the bank’s website, new savings accounts opened on or after August 1 in metro and urban areas must maintain an average monthly balance of ₹50,000 to avoid penalties. For existing customers, the minimum average balance remains ₹10,000. In semi-urban areas, new customers must maintain ₹25,000, while in rural areas, the requirement is ₹10,000.