ഇംഗ്ലണ്ട് അണ്ടർ 19 ടീമിനെതിരായ ഏകദിന പരമ്പരയിൽ വെടിക്കെട്ട് ബാറ്റിങ്ങുമായി യുവതാരം വൈഭവ് സൂര്യവംശംശി. മത്സരത്തിൽ 31 പന്തിൽ 86 റൺസ് നേടിയാണ് വൈഭവ് തിളങ്ങിയത്. ആറ് ഫോറുകളും ഒമ്പത് കൂറ്റൻ അടങ്ങുന്നതായിരുന്നു താരത്തിന്റെ പ്രകടനം. ഈ വെടിക്കെട്ടോടെ ഒരു ചരിത്രവും വൈഭവ് സൃഷ്ടിച്ചു. 

അണ്ടർ 19 ഏകദിനത്തിൽ ഇന്ത്യയ്ക്ക് വേണ്ടി ഒരു മത്സരത്തിൽ ഏറ്റവും കൂടുതൽ സിക്സറുകൾ നേടുന്ന താരമായി മാറാനാണ് വൈഭവിന് സാധിച്ചിരിക്കുന്നത്. രാജ് ഭാവ, മന്ദീപ് സിംഗ് എന്നിവരെ മറികടന്നു കൊണ്ടാണ് വൈഭവ് ഈ നേട്ടത്തിലേക്കെത്തിയത്. ഇരുവരും എട്ടു സിക്സുകളാണ് ഒരു മത്സരത്തിൽ നേടിയിട്ടുള്ളത്. രാജ്‌ ഭാവ ഉഗാണ്ട അണ്ടർ 19 ടീമിനെതിരെ 2022ലാണ് എട്ട് സിക്സുകൾ നേടിയത്. 2009ൽ ഓസ്ട്രേലിയ അണ്ടർ 19 ടീമിനെതിരെയാണ് മന്ദീപ് സിംഗ് എട്ട് സിക്സുകൾ നേടിയത്.

അതേസമയം 2025 ഐപിഎല്ലിൽ  രാജസ്ഥാൻ റോയൽസിനായും വൈഭവ് മിന്നും പ്രകടനങ്ങൾ നടത്തിയിരുന്നു.2025 ഐപിഎല്ലിലെ സൂപ്പർ സ്ട്രൈക്കർ അവാർഡ് സ്വന്തമാക്കിയത് വൈഭവ് സൂര്യവംശിയായിരുന്നു. രാജസ്ഥനായി ഏഴ് മത്സരങ്ങളിൽ നിന്നും ഒരു സെഞ്ച്വറിയും ഒരു അർദ്ധ സെഞ്ച്വറിയും ഉൾപ്പെടെ 252 റൺസാണ് നേടിയത്.

ഗുജറാത്ത് ടൈറ്റൻസിനെതിരെയുള്ള മത്സരത്തിൽ ആയിരുന്നു വൈഭവ് സെഞ്ച്വറി നേടിയത്. മത്സരത്തിൽ 35 പന്തിൽ സെഞ്ച്വറി നേടിയാണ് താരം രാജസ്ഥാന്റെ വിജയ ശില്പിയായത്. ചെന്നൈക്കെതിരെ 33 പന്തിൽ നാല് വീതം ഫോറുകളും സിക്സുകളും ഉൾപ്പെടെ 57 റൺസും നേടി വൈഭവ് തിളങ്ങി. 

ലഖ്‌നൗ സൂപ്പർ ജയന്റസിനെതിരെയുള്ള മത്സരത്തിലാണ് വൈഭവ് ഈ സീസണിൽ അരങ്ങേറ്റം കുറിച്ചത്. ഐപിഎല്ലിൽ അരങ്ങേറ്റം കുറിക്കുന്ന ഏറ്റവും പ്രായം കുറഞ്ഞ താരമായും വൈഭവ് മാറിയിരുന്നു. തന്റെ 14ാം വയസിലാണ് താരം ഈ ചരിത്രനേട്ടം തന്റെ പേരിലാക്കി മാറ്റിയത്.2025 താരലേലത്തിൽ രാജസ്ഥാൻ റോയൽസ് ആയിരുന്നു വൈഭവിനെ സ്വന്തമാക്കിയിരുന്നത്. ലേലത്തിൽ 1.10 കോടി രൂപക്കായിരുന്നു ഈ 14കാരനെ രാജസ്ഥാൻ തങ്ങളുടെ തട്ടകത്തിലെത്തിച്ചത്. ഇതോടെ ഐപിഎൽ ലേലത്തിൽ ടീമിൽ ഇടം നേടുന്ന ഏറ്റവും പ്രായം കുറഞ്ഞ താരമായും വൈഭവ് മാറിയിരുന്നു. 

Youngster Vaibhav Suryavanshmi had a brilliant batting performance in the ODI series against England Under-19 team Vaibhav shone in the match by scoring 86 runs off 31 balls His performance included six fours and nine sixes