തിരുവനന്തപുരം: കണ്‍സ്യൂമര്‍ഫെഡ് ഓണച്ചന്ത ഇന്നു മുതല്‍.  സംസ്ഥാനതല ഉദ്ഘാടനം ഇന്ന് തിരുവനന്തപുരം സ്റ്റാച്യുവില്‍ വൈകിട്ട് 5ന് മുഖ്യമന്ത്രി പിണറായി വിജയന്‍ നിര്‍വഹിക്കും. ആന്ധ്ര ജയ അരി, കുറുവ അരി, മട്ട അരി, പച്ചരി, പഞ്ചസാര, ഉഴുന്ന്, ചെറുപയര്‍, കടല, തുവരപ്പരിപ്പ്, വന്‍പയര്‍, മുളക്, മല്ലി, വെളിച്ചെണ്ണ എന്നിങ്ങനെ 13 നിത്യോപയോഗ സാധനങ്ങള്‍ സര്‍ക്കാര്‍ സബ്‌സിഡിയോടെ പൊതുവിപണിയേക്കാള്‍ 30 മുതല്‍ 50 ശതമാനം വരെ വിലക്കുറവില്‍ പൊതുജനങ്ങള്‍ക്ക് ലഭിക്കുന്നതാണ്.

ദിനേശ്, റെയ്ഡ്‌കോ, മില്‍മ തുടങ്ങിയ വിവിധ സഹകരണ സ്ഥാപനങ്ങളുടെ ഉല്‍പന്നങ്ങളും പ്രത്യേകം വിലക്കുറവില്‍ ലഭിക്കുന്നതാണ്. ഓണ വിപണിയിലെ വിലക്കയറ്റം പിടിച്ചുനിര്‍ത്താനും അവശ്യസാധനങ്ങള്‍ക്ക് വിലക്കുറവ് ലഭ്യമാക്കാനുമുള്ള സര്‍ക്കാര്‍ ഇടപെടലാണ് കണ്‍സ്യൂമര്‍ഫെഡ് ഓണച്ചന്തകള്‍. ഇന്ന് മുതല്‍ സെപ്റ്റംബര്‍ നാലു വരെ ഓണച്ചന്തകള്‍ പ്രവര്‍ത്തിക്കുന്നതാണ്. ത്രിവേണി സൂപ്പര്‍മാര്‍ക്കറ്റുകളിലും സഹകരണസംഘങ്ങളിലുമാണ് ഓണച്ചന്തകള്‍ നടത്തുക.

ALSO READ: കോഴിക്കോട് പ്ലസ് ടു വിദ്യാർഥി സുഹൃത്തായ പെൺകുട്ടിയെ ഭീഷണിപ്പെടുത്തി സ്വർണവും പണവും തട്ടിയെടുത്തതായി പരാതി

സബ്‌സിഡി സാധനങ്ങളുടെ വില

ജയ അരി (8 കിലോ) 264, കുറുവ അരി (8 കിലോ)  264, കുത്തരി (8 കിലോ)  264, പച്ചരി (രണ്ട് കിലോ)  58, പഞ്ചസാര (ഒരു കിലോ.)  34.65, ചെറുപയര്‍ (ഒരു കിലോ) 90, വന്‍കടല (ഒരു കിലോ)  65, ഉഴുന്ന് (ഒരു കിലോ)  90, വന്‍പയര്‍ (ഒരു കിലോ)  70, തുവരപ്പരിപ്പ് (ഒരു കിലോ)  93, മുളക് (ഒരു കിലോ)  115.50, മല്ലി (500 ഗ്രാം)  40.95, വെളിച്ചെണ്ണ (ഒരു ലിറ്റര്‍) 349.

സംസ്ഥാന സര്‍ക്കാരിന്റെ എഎവൈ റേഷന്‍ കാര്‍ഡ് ഉടമകള്‍ക്കും ക്ഷേമ സ്ഥാപനങ്ങളിലെ അന്തേവാസികള്‍ക്കും നല്‍കുന്ന സൗജന്യ ഓണക്കിറ്റ് വിതരണവും ഇന്ന് ആരംഭിക്കും. രാവിലെ 9.30ന് തിരുവനന്തപുരം ജില്ലാ പഞ്ചായത്ത് ഹാളില്‍ ഭക്ഷ്യ പൊതുവിതരണ മന്ത്രി ജി.ആര്‍ അനില്‍ കിറ്റ് വിതരണത്തിന്റെ ഉദ്ഘാടനം നിര്‍വഹിക്കും.

പഞ്ചസാര, വെളിച്ചെണ്ണ, തുവര പരിപ്പ്, ചെറുപയര്‍ പരിപ്പ്, വന്‍ പയര്‍, കശുവണ്ടി, മില്‍മ നെയ്യ്, ഗോല്‍ഡ് ടീ, പായസം മിക്‌സ്, സാമ്പാര്‍ പൊടി, മുളകുപൊടി, മഞ്ഞള്‍പൊടി, മല്ലിപ്പൊടി, ഉപ്പ് തുടങ്ങിയ 14 ഇനം അവശ്യവസ്തുക്കള്‍ അടങ്ങിയ ഓണക്കിറ്റാണ് വിതരണം ചെയ്യുന്നത്. ഓണത്തിനു മുമ്പ് മുഴുവന്‍ എഎവൈ കാര്‍ഡ് ഉടമകള്‍ക്കും ക്ഷേമ സ്ഥാപനങ്ങളിലെ അന്തേവാസികള്‍ക്കും കിറ്റ് ലഭ്യമാക്കുമെന്നാണ് അറിയിച്ചിരിക്കുന്നത്.

The Consumerfed Onam Fair 2025 begins today across Kerala, with the state-level inauguration scheduled at 5 PM at Statue Junction, Thiruvananthapuram, by Chief Minister Pinarayi Vijayan.As part of the fair, the public can purchase 13 essential commodities — including Andhra Jaya rice, Matta rice, green gram, sugar, urad dal, toor dal, coconut oil, chili, coriander, and more — at 30% to 50% lower prices than the regular market rate, thanks to government subsidies.