റാന്നി: വാതകശ്മശാനത്തില്‍ ചിതയ്ക്ക് തീ കൊളുത്തുന്നതിനിടെ ആളിപ്പടര്‍ന്ന് മൂന്നു പേര്‍ക്ക് പൊള്ളലേറ്റു. ആരുടെയും പൊള്ളല്‍ ഗുരുതരമല്ല. പഴവങ്ങാടി പഞ്ചായത്തിന്റെ ചുമതലയിലുള്ള ജണ്ടായിക്കലിലെ വാതകശ്മശാനത്തിലാണ് അപകടം നടന്നത്. തിങ്കളാഴ്ച പകല്‍ രണ്ടരയോടെയായിരുന്നു സംഭവം. ചിരട്ടയില്‍ വച്ചിരിക്കുന്ന കര്‍പ്പൂരത്തിലേക്ക് തീ പകരുന്നതിനിടെ ആളിപ്പടരുകയായിരുന്നു.

കര്‍പൂരത്തില്‍ തീ പകരുന്നതിനു മുമ്പുതന്നെ ഗ്യാസ് സിലിണ്ടര്‍ ഓണ്‍ ചെയ്തതാണ് കാരണമെന്നും പറയുന്നുണ്ട്. റാന്നി ബ്ലോക്കുപടി ഇളംപ്ലാശേരിയില്‍ ജാനകിയമ്മയുടെ സംസ്‌കാരച്ചടങ്ങിനിടെയാണ് അപകടം. കൊച്ചുമക്കളായ ജിജോ മോന്‍(41) രാജേഷ്(40) സുഹൃത്ത് പ്രദീപ് (40) എന്നിവര്‍ക്കാണ് പൊള്ളലേറ്റത്. ഇവരെ ആശുപത്രിയില്‍ പ്രവേശിപ്പിച്ചു.

ALSO READ: ആര്യനാട് പഞ്ചായത്ത് വാര്‍ഡ് മെംബറുടെ ആത്മഹത്യ; മുമ്പും ശ്രമിച്ചിരുന്നതായി വിവരങ്ങള്‍ .

തീകൊളുത്തിയ ജിജോയ്ക്കാണ് കൂടുതലും പൊള്ളലേറ്റിരിക്കുന്നത്. ശ്മശാനം പ്രവര്‍ത്തനം തുടങ്ങിയപ്പോഴുള്ള രണ്ടുപേരാണ് അന്നും അവിടെയുണ്ടായിരുന്നത്. എന്താണ് കാരണമെന്ന് അന്വേഷിച്ചു നടപടിയെടുക്കാമെന്നാണ് റാന്നി ഗ്രാമപഞ്ചായത്ത് പ്രസിഡന്റ് പറഞ്ഞത്.

A minor fire accident occurred at the Jandaikkal gas crematorium in Ranni, under the jurisdiction of Pazhavanngadi Panchayat, during a cremation ceremony on Monday around 2:30 PM. The incident happened when fire was being lit on camphor placed in the chiratta (coconut shell) near the pyre, and the flames suddenly flared up.