പാലോട് ചീഫ് ഡിസീസ് ഇന്‍വെസ്റ്റിഗേഷന്‍ ഓഫീസില്‍ ഫാര്‍മസിസ്റ്റ്  (ഒന്ന്), റിസര്‍ച്ച് അസിസ്റ്റന്റ് (സെറോളജി ലാബ്)  (ഒന്ന്) റാബീസ് ആര്‍ & ഡി പ്രോജക്ട്  (ഒന്ന്), ഇലക്ട്രീഷ്യന്‍  (ഒന്ന്), ലാബോറട്ടറി അറ്റന്‍ഡന്റ്  (രണ്ട്) ഒഴിവുകളിലേക്ക് കരാര്‍ വ്യവസ്ഥയില്‍ നിയമനം നടത്തും.



ഫാര്‍മസിസ്റ്റിന്റെ യോഗ്യത എം.ഫാമും ഒരുവര്‍ഷത്തെ എച്ച്.പി.എല്‍.സി തൊഴില്‍ പരിചയം. സെപ്തംബര്‍ 27 ന് രാവിലെ പത്തിന് അഭിമുഖം. ശമ്പളം പ്രതിമാസം ഇരുപത്തിമൂവായിരം രൂപ.



സെറോളജി ലാബ് റിസര്‍ച്ച് അസിസ്റ്റന്റിന്റെ യോഗ്യത എം.എസ്.സി മൈക്രോബയോളജിയും കംപ്യൂട്ടര്‍ പ്രാവീണ്യവും വെറ്ററിനറി ലബോറട്ടറിയില്‍ ഒരുവര്‍ഷത്തെ പരിചയവും എലിസ പോലുള്ള ഇമ്യൂണോ ഡയഗ്‌നോസ്റ്റിക് ടെസ്റ്റുകളില്‍ പ്രാവീണ്യവും.



അഭിമുഖം സെപ്തംബര്‍ 27 ന് ഉച്ചയ്ക്ക് 12 ന്. ശമ്പളം പതിനയ്യായിരം രൂപ. ബയോ ടെക്‌നോളജിയില്‍ എം.എസ്.സിയും കംപ്യൂട്ടര്‍ പ്രാവീണ്യവും വെറ്ററിനറി ലബോറട്ടറിയില്‍ ഒരു വര്‍ഷത്തെ പരിചയവും പി.സി.ആര്‍ ഇമ്യൂണോ ഡയഗ്‌നോസ്റ്റിക് ടെസ്റ്റുകളിലും ഇമ്യൂണോ ഫഌറസെന്‍സിലും പ്രാവീണ്യവും ഉള്ളര്‍ക്ക് റാബീസ് ആര്‍ & ഡി പ്രൊജക്ടില്‍ റിസര്‍ച്ച് അസിസ്റ്റന്റ് തസ്തികയില്‍ അപേക്ഷിക്കാം. റാബീസ് റിസര്‍ച്ച് ലാബില്‍ പ്രവൃത്തിപരിചയം അഭിലഷണീയം. സെപ്തംബര്‍ 27 ന് ഉച്ചയ്ക്ക്‌ശേഷം രണ്ട് മണിക്കാണ് അഭിമുഖം. ശമ്പളം പതിനയ്യായിരം രൂപ.


ഇലക്ട്രിക്കല്‍ എഞ്ചിനീയറിങ്ങില്‍ ഡിപ്ലോമയോ, ഐ.ടി.ഐയോ യോഗ്യതയും ലബോറട്ടറികളിലെ ഇലക്ട്രിക്കല്‍ ജോലികളില്‍ രണ്ട് വര്‍ഷത്തെ പ്രവൃത്തിപരിചയവുമുള്ളവര്‍ സെപ്തംബര്‍ 28 ന് രാവിലെ പത്തിന് നടക്കുന്ന ഇലക്ട്രിഷ്യന്‍ തസ്തികയിലേക്കുള്ള അഭിമുഖത്തില്‍ പങ്കെടുക്കണം. ശമ്പളം പതിനാലായിരത്തി അഞ്ഞൂറ് രൂപ. ലബോറട്ടറി അറ്റന്‍ഡന്റ് തസ്തികയ്ക്കുള്ള യോഗ്യത എട്ടാം ക്ലാസ് വിജയവും മൃഗസംരക്ഷണ വകുപ്പ് സ്ഥാപനങ്ങളിലെ ലബോറട്ടറി പരിചയവും. അഭിമുഖം സെപ്തംബര്‍ 28 ന് ഉച്ചയ്ക്ക് 12 മണിക്ക്.