ബ്രസീലിയൻ ലീഗ് സീരി എയിൽ ഒന്നാം സ്ഥാനക്കാരായ ഫ്ലമംഗോയെ അട്ടിമറിച്ച് സാന്റോസ്. സൂപ്പർതാരം നെയ്‌മർ നേടിയ ഒറ്റ ഗോളാണ് മത്സരത്തിൽ സാന്റോസിന് ജയം സമ്മാനിച്ചത്. 

മത്സരത്തിന്റെ 84-ാം മിനിറ്റിൽ, ഗിൽഹെർമെ ഇടതുവശത്ത് നിന്ന് ബോക്സിലേക്ക് നൽകിയ പന്ത് നെയ്‌മർ ഗോളാക്കി മാറ്റി. പ്രതിരോധ താരങ്ങളെ വെട്ടിച്ച്‌ നെയ്‌മർ എടുത്ത ഷോട്ട് ഗോൾകീപ്പറെ നിസഹായനാക്കി വലയിലേക്ക് പോയി. 

ALSO READ: ടെസ്റ്റ് ബാറ്റിംഗ് റാങ്കിംഗിൽ ഇന്ത്യൻ ബാറ്റർമാർക്ക് തിരിച്ചടി; ജോ റൂട്ട് ഒന്നാമത്

മത്സരത്തിൽ 75 ശതമാനം പന്ത് കൈവശം വെക്കുകയും, പാസിങിൽ ആധിപത്യം പുലർത്തി നിറഞ്ഞു കളിച്ചെങ്കിലും ഫ്ലമം​ഗോക്ക് ഗോൾ നേടാൻ കഴിഞ്ഞില്ല. 13 മത്സരങ്ങളിൽ 14 പോയിന്റുമായി സാന്റോസ് ലീഗിൽ 13-ാം സ്ഥാനത്താണ്. 27 പോയിന്റുമായി ഫ്ലമംഗോ ഒന്നാം സ്ഥാനം നിലനിർത്തുന്നു. 

സഊദി പ്രോ ലീഗിൽ അൽ-ഹിലാലുമായുള്ള കരാർ അവസാനിച്ച ശേഷം, ഈ വർഷം ജനുവരിയിൽ ആറ് മാസത്തെ കരാറിൽ അദ്ദേഹം സാന്റോസിലേക്ക് മടങ്ങിയെത്തി. തുടർന്ന് അദ്ദേഹം സാന്റോസുമായുള്ള കരാർ ഡിസംബർ വരെ നീട്ടി. എഫ്‌.സി. ബാഴ്‌സലോണയിലും പി.എസ്‌.ജിയിലും കളിച്ചിട്ടുള്ള 33-കാരനായ താരം യൂറോപ്പിലേക്ക് മടങ്ങിവരുന്നതിനെക്കുറിച്ച് ചർച്ചകൾ നടത്തിയിരുന്നെങ്കിലും, ബ്രസീലിയൻ സീരി എ സീസൺ പൂർത്തിയാകുന്നതുവരെ സാന്റോസിനൊപ്പം തുടരാൻ തീരുമാനിക്കുകയായിരുന്നു. കരാർ നീട്ടാനുള്ള ഓപ്ഷനും ഉൾപ്പെടുത്തിയിട്ടുണ്ട്.

In a thrilling Brazilian Serie A match, Santos pulled off an upset against league leaders Flamengo, thanks to a solitary goal by superstar Neymar. The victory highlights Neymar’s pivotal role in the team, securing crucial points for Santos despite Flamengo’s dominance in possession.