ലഖ്നൗ: ഉത്തർപ്രദേശിലെ ലളിത്പൂരിൽ ലിവ്-ഇൻ റിലേഷൻഷിപ്പിൽ ഉണ്ടായിരുന്ന യുവതിയെ വിഷം കലർത്തിയ ശീതള പാനീയം നൽകി കൊലപ്പെടുത്തിയ ശേഷം മൃതദേഹം പുഴയിൽ എറിഞ്ഞ യുവാവിനെ പൊലിസ് അറസ്റ്റ് ചെയ്തു. ജഗദീഷ് റായ്ക്വാർ എന്ന യുവാവാണ് കുറ്റകൃത്യം നടത്തിയത്.

കൊല്ലപ്പെട്ട യുവതി റാണി, ജഗദീഷിനൊപ്പം ലളിത്പൂരിൽ വാടക വീട്ടിൽ താമസിച്ചു വരികയായിരുന്നു. റാണി തന്റെ ഭർത്താവ് നരേന്ദ്രനെ ഉപേക്ഷിച്ചാണ് ജഗദീഷിനൊപ്പം താമസം തുടങ്ങിയത്. അതിനിടെ, ജഗദീഷ് മറ്റൊരു യുവതിയുമായി വിവാഹം ഉറപ്പിച്ചിരുന്നു. എന്നാൽ, തന്റെ ഭാവി വധുവിനൊപ്പം റാണിയും ഒരുമിച്ച് താമസിക്കണമെന്ന് ജഗദീഷ് ആഗ്രഹിച്ചു. ഈ നിർദ്ദേശം റാണി തള്ളിക്കളഞ്ഞ് ജഗദീഷിനെ ഉപേക്ഷിച്ച് പോവുകയും ചെയ്തു.

റാണിയുടെ തീരുമാനത്തിൽ ദേഷ്യപ്പെട്ട ജഗദീഷ്, വിഷം കലർത്തിയ ശീതള പാനീയം നൽകി അവളെ കൊലപ്പെടുത്തി. മൃതദേഹം പുഴയിൽ എറിഞ്ഞ ശേഷം രക്ഷപ്പെടാൻ ശ്രമിക്കവേ പോലീസ് ഇയാളെ പിടികൂടി. “അവൾ മരിക്കാൻ ആഗ്രഹിച്ചു, അതിനാലാണ് ഞാൻ അവളെ കൊന്നത്,” എന്നാണ് ജഗദീഷ് പോലീസിനോട് പറഞ്ഞത്. കുറ്റകൃത്യത്തിൽ പശ്ചാത്താപമില്ലെന്ന് പൊലിസ്  വ്യക്തമാക്കി.

പൊലിസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. ജഗദീഷിനെ ചോദ്യം ചെയ്ത് കേസിന്റെ കൂടുതൽ വിശദാംശങ്ങൾ ശേഖരിക്കുന്നുണ്ട്.

In Lalitpur, Uttar Pradesh, Jagdish Raikwar was arrested for killing his live-in partner, Rani, by giving her a poisoned soft drink and dumping her body in a river. Rani, who left her husband to live with Jagdish, refused his demand to live with both him and his fiancée. Showing no remorse, Jagdish admitted to the crime. Police are investigating further.