ദുബൈ: ലോകബാങ്കിന്റെ ഗ്ലോബൽ ഫൈൻഡെക്സ് 2025 റിപ്പോർട്ട് പ്രകാരം, പ്രായപൂർത്തിയായ എല്ലാവർക്കും മൊബൈൽ ഫോൺ ഉള്ള ലോകത്തെ മൂന്ന് രാജ്യങ്ങളിൽ യുഎഇയും. നോർവേ, ലിബിയ എന്നിവയാണ് മറ്റ് രണ്ട് രാജ്യങ്ങൾ. റിപ്പോർട്ട് അനുസരിച്ച്, ഗൾഫ് മേഖലയിൽ സഊദി അറേബ്യ, ബഹ്റൈൻ, ഒമാൻ എന്നീ രാജ്യങ്ങളിൽ പ്രായപൂർത്തിയായ 98 ശതമാനം പേർക്കും സ്വന്തമായി മൊബൈൽ ഫോൺ ഉണ്ട്. കുവൈത്തിൽ ഇത് 95% ആണ്.

ALSO READ: യുഎഇയിൽ ജോലി ചെയ്യുകയാണോ? നിങ്ങൾക്ക് നിയമപരമായി അർഹതയുള്ള ഒമ്പത് ശമ്പളത്തോടുകൂടിയ അവധികളെക്കുറിച്ച് അറിയാം

വികസിത രാജ്യങ്ങളിലെ കണക്കുകൾ
സ്വീഡൻ, ഐസ്‌ലൻഡ്, ഫിൻലൻഡ്, ലിത്വാനിയ, ഇറ്റലി, ഡെൻമാർക്ക്, എസ്റ്റോണിയ എന്നിവിടങ്ങളിൽ 99% മുതിർന്നവർക്കും മൊബൈൽ ഫോൺ ഉണ്ട്. അമേരിക്ക, സൈപ്രസ്, അൾജീരിയ, ഹോങ്കോങ്, ലാത്വിയ, മംഗോളിയ, വിയറ്റ്നാം എന്നിവിടങ്ങളിൽ 98% പേരും സ്വന്തമായി മൊബൈൽ ഫോൺ ഉള്ളവരാണ്. മറ്റ് വികസിത രാജ്യങ്ങളിൽ മൊബൈൽ ഉടമസ്ഥാവകാശം 90 ശതമാനത്തോടടുത്താണ്.

വികസ്വര രാജ്യങ്ങളിലെ സ്ഥിതി
വികസ്വര രാജ്യങ്ങളിൽ മൊബൈൽ ഉടമസ്ഥത താരതമ്യേന കുറവാണ്. ഇന്ത്യയിൽ 66%, പാകിസ്ഥാനിൽ 63%, ഫിലിപ്പീൻസിൽ 78%, ഈജിപ്തിൽ 85% എന്നിങ്ങനെയാണ് കണക്കുകൾ.

"ലോകമെമ്പാടും പ്രായപൂർത്തിയായ 86 ശതമാനം പേർക്കും മൊബൈൽ ഫോൺ ഉണ്ട്. കോളുകൾ, സന്ദേശങ്ങൾ, വാർത്തകൾ, ബിസിനസ്, സോഷ്യൽ മീഡിയ, പണമിടപാടുകൾ, ഗെയിമുകൾ എന്നിവയ്ക്ക് മൊബൈൽ ഫോൺ ഒഴിവാക്കാനാവാത്തതാണ്. ഡിജിറ്റൽ കണക്ടിവിറ്റി വ്യക്തികൾക്കും ബിസിനസുകൾക്കും സർക്കാരുകൾക്കും അനിവാര്യമായി മാറിയിരിക്കുന്നു." ലോകബാങ്കിന്റെ റിപ്പോർട്ടിൽ പറയുന്നു.

ഗൾഫിലെ ഇന്റർനെറ്റ് ഉപയോഗം
ഗൾഫ് സഹകരണ കൗൺസിൽ (ജിസിസി) രാജ്യങ്ങളിൽ ഇന്റർനെറ്റ് ഉപയോഗം 86% മുതൽ 99% വരെയാണ്. 2025-ലെ ഗ്ലോബൽ ഡിജിറ്റൽ ഷോപ്പിംഗ് സൂചിക പ്രകാരം, യുഎഇയിൽ 37% ഓൺലൈൻ ഷോപ്പിംങും മൊബൈൽ ഫോണുകൾ വഴിയാണ് നടക്കുന്നത്.

വിസ ആക്സെപ്റ്റൻസ് സൊല്യൂഷൻസിന്റെ പഠനം കാണിക്കുന്നത് യുഎഇയിലെ 67% ഉപഭോക്താക്കളും അവരുടെ ഏറ്റവും പുതിയ റീട്ടെയിൽ ഷോപ്പിംങിന് മൊബൈൽ ഉപയോ​ഗിക്കുന്നു എന്നാണ്. 38% ഉപഭോക്താക്കളും ഹോം ഡെലിവറിക്കായി മൊബൈൽ ഫോണോ കമ്പ്യൂട്ടറോ ആണ്  ഉപയോഗിക്കുന്നത്.

ALSO READ: ദുബൈ സമ്മർ സർപ്രൈസസ് കാമ്പെയിൻ: ജൂലൈ 20 ന് ഫെസ്റ്റിവൽ സിറ്റി മാളിൽ 3,000 സൗജന്യ ഐസ്ക്രീമുകൾ വിതരണം ചെയ്യും

"വാണിജ്യത്തിന്റെ ഭാവി കെട്ടിപ്പടുക്കാൻ എല്ലാ പങ്കാളികളും ഒന്നിച്ച് പ്രവർത്തിക്കുമ്പോൾ എന്ത് സാധ്യമാകുമെന്ന് യുഎഇ കാണിച്ചു തരുന്നു," വിസ യുഎഇയുടെ വൈസ് പ്രസിഡന്റും കൺട്രി മാനേജരുമായ സലീമ ഗുട്ടീവ പറഞ്ഞു.

ഭക്ഷ്യ വിതരണ ആപ്പുകളുടെ ആധിപത്യം
യുഎഇയിൽ റെസ്റ്റോറന്റുകളിൽ നിന്നുള്ള 75% മൊബൈൽ ഓർഡറുകളും ഹംഗർസ്റ്റേഷൻ, തലാബത്ത്, ഡെലിവറൂ തുടങ്ങിയ പ്ലാറ്റ്ഫോമുകൾ വഴിയാണെന്ന് സിർവ് മേനയുടെ പഠനം വ്യക്തമാക്കുന്നു.

UAE ranks among the only three countries globally where every adult owns a mobile phone. The other two nations on the list are Israel and South Korea, highlighting the UAE’s advanced digital connectivity.