മയക്കുമരുന്ന് സാമ്രാജ്യങ്ങള്‍ നടത്തിയിരുന്ന പുരുഷന്‍മാരെ കുറിച്ചു നിരവധി കഥകള്‍ കേട്ടിട്ടുണ്ട് നമ്മള്‍. എന്നാല്‍ ലോകത്ത് കഴിഞ്ഞ ദിവസം അറസ്റ്റ് ചെയ്തത് 65 കാരിയായ സ്ത്രീയെയാണ്. ഇവരെ ഇംഗ്ലണ്ടില്‍ നിന്നാണ് അറസ്റ്റ് ചെയ്തിരിക്കുന്നത്. ഡെബോറ മേസണ്‍ എന്നാണ് ഇവരുടെ പേര്. സ്വന്തം കുടുംബത്തെ ഉപയോഗിച്ച് തന്നെയായിരുന്നു ഇവരുടെ വില്‍പനയും. 930 കോടി രൂപയുടെ മയക്കുമരുന്ന് സാമ്രാജ്യമാണ് ഇവര്‍ക്കുള്ളത്. അതും ആര്‍ക്കും ഒരു സംശയവും ഇല്ലാതെയാണ് ഇവര്‍ വില്‍പന നടത്തിക്കൊണ്ടിരുന്നത്. 

ഇംഗ്ലണ്ടിലുടനീളം പ്രവര്‍ത്തിക്കുന്ന ഒരു കുറ്റകൃത്യ കുടുംബത്തിലെ മുത്തശ്ശിയാണ് ഡെബോറ മേസണ്‍ എന്നാണ് പൊലിസുകാര്‍ പറയുന്നത്. ഇവരോടൊപ്പം കുടുംബത്തിലെ മറ്റു എട്ട് പേരെയും പൊലിസ് അറസ്റ്റ് ചെയ്തിട്ടുണ്ട്. ഇംഗ്ലണ്ടില്‍ അറസ്റ്റ് ചെയ്യപ്പെടുന്ന ഏറ്റവും വലിയ മയക്കുമരുന്ന് ശൃംഖലയാണ് ഡെബോറയുടേത്. 2023 ഏപ്രിലിലാണ് കേസിന് ആസ്പദമായ ഈ സംഭവം നടക്കുന്നത്. 

ഇംഗ്ലണ്ടിലെ എസെക്‌സിലെ ഹാര്‍വിച്ച് തുറമുഖത്തിനടുത്ത് നിന്നു പ്രായമായ ഒരു സ്ത്രീ കുറച്ച് പെട്ടികളും എടുത്ത് വാടകയ്ക്കു വിളിച്ച കാറില്‍ കയറ്റി കൊണ്ടു പോകുന്നു. രഹസ്യ പൊലിസ് ഇവരെ പിന്തുടരുകയും ചെയ്യുന്നു. ഇപ്‌സ്വിച്ചില്‍ വച്ച് ഇവര്‍ പെട്ടികള്‍ മറ്റൊരാള്‍ക്ക് കൈമാറുകയാണ് ചെയ്തത്. സംശയാസ്പദമായി ഒന്നും തോന്നിയില്ലെങ്കിലും ലഭിച്ച രഹസ്യ വിവരത്തിന്റെ അടിസ്ഥാനത്തിലായിരുന്നു രഹസ്യ പൊലിസിന്റെ നിരീക്ഷണവും. 

ആ സംഭവത്തോടെ അന്വേഷണം എത്തിനിന്നത് 'ഗ്യാങ്സ്റ്റ ഡബാസ്' എന്നും 'ക്വീന്‍ ബീ' എന്നും അറിയപ്പെട്ടിരുന്ന ഡെബോറ മേസണിന്റെ എട്ടംഗ കുടുംബത്തിലാണ്. അന്വേഷണം വ്യാപിച്ചപ്പോള്‍ ഞെട്ടിപ്പോയത് പൊലിസ്. തന്റെ നാല് മക്കളെയും സഹോദരിയെയും കുടുംബത്തിലെ ഏറ്റവും അടുത്ത ബന്ധുക്കളെയും ഒക്കെ ഉള്‍പ്പെടുത്തിയായിരുന്നു ഡെബോറ മേസണ്‍ തന്റെ 920 കോടിയുടെ മയക്കുമരുന്ന് സാമ്രാജ്യം കെട്ടിപ്പൊക്കിയത്. 

രാജ്യം മുഴുവനും കൊക്കൈയ്ന്‍ വില്‍പനയ്ക്കായി ഇറങ്ങിത്തിരിച്ചതും ഇതേ കുടുംബാംഗങ്ങള്‍ തന്നെ. ഇവരുടെ കച്ചവടം മയക്കുമരുന്നും. അത്യാഡംബര ജീവിതവുമാണ് ഇവര്‍ നയിച്ചത്. ഏറ്റവും വില കൂടിയ ബ്രാന്‍ഡഡ് ഉത്പന്നങ്ങളായിരുന്നു പൊലിസ് ഇവരുടെ വീട്ടില്‍ നിന്നു പിന്നീട് കണ്ടെത്തിയത്. ഏതാണ്ട് ഒരു വര്‍ഷം നീണ്ട രഹസ്യമായ അന്വേഷണമായിരുന്നു അത്.

ഏഴ് മാസത്തോളം നീണ്ട വീട് നിരീക്ഷണം എന്നിവയ്ക്ക് ശേഷം ഒടുവില്‍ ബ്രിട്ടിഷ് പൊലിസ് ഡെബോറ മേസണെയും അവരുടെ മയക്കുമരുന്ന് കുടുംബത്തെയും ഒന്നാകെ അറസ്റ്റ് ചെയ്തു. 65 കാരി ഡെബോറ മേസണിന് 20 വര്‍ഷത്തെ തടവാണ് കോടതി വിധിച്ചിരിക്കുന്നതത്. സംഘത്തിലെ മറ്റ് അംഗങ്ങള്‍ക്ക് 10 മുതല്‍ 15 വര്‍ഷം വരെയാണ് തടവ് ശിക്ഷ.

In a major breakthrough, UK authorities arrested 65-year-old Deborah Mason, the alleged kingpin of a massive drug trafficking operation worth nearly ₹930 crore. Contrary to the usual image of drug lords, Deborah—a grandmother—ran this vast narcotics empire discreetly, allegedly using her own family members to distribute drugs across England.