ചൈന: വിയറ്റ്നാമിലെ ഹാലോങ് ഉൾക്കടലിൽ വിനോദസഞ്ചാര ബോട്ട് മറിഞ്ഞ് അപകടത്തിൽ മരണസംഖ്യ 38 ആയി ഉയർന്നതായി സർക്കാർ അറിയിച്ചു. 48 വിനോദസഞ്ചാരികളും അഞ്ച് ജീവനക്കാരും സഞ്ചരിച്ച ബോട്ടാണ് മറിഞ്ഞത്. നിരവധി പേരെ ഇപ്പോഴും കാണാതായിട്ടുണ്ടെന്നും, രക്ഷാപ്രവർത്തനം തുടരുകയാണെന്നും അധികൃതർ വ്യക്തമാക്കി. ശനിയാഴ്ച പ്രാദേശിക സമയം ഉച്ചയ്ക്ക് 2 മണിയോടെ (0700 GMT) ടൈഫൂൺ വിഫ ദക്ഷിണ ചൈനാ കടലിൽ പ്രവേശിച്ചതിന് പിന്നാലെയാണ് അപകടം. ശക്തമായ കാറ്റ്, കനത്ത മഴ, ഇടിമിന്നൽ എന്നിവ അപകടസമയത്ത് പ്രദേശത്ത് ഉണ്ടായിരുന്നതായി അധികൃതർ റിപ്പോർട്ട് ചെയ്തു. എന്നാൽ, ചുഴലിക്കാറ്റിന്റെ നേരിട്ടുള്ള സ്വാധീനമല്ല, വടക്കൻ മേഖലയിലെ കാറ്റിന്റെ രീതികളാണ് അപകടത്തിന് കാരണമെന്ന് അധികൃതർ വ്യക്തമാക്കി.

ബോട്ടിലുണ്ടായിരുന്നവരിൽ 38 പേർ മരിച്ചതായും 10 പേരെ രക്ഷപ്പെടുത്തിയതായും സ്ഥിരീകരിച്ചിട്ടുണ്ട്," വിയറ്റ്നാം സർക്കാർ പ്രസ്താവനയിൽ വ്യക്തമാക്കി. മരിച്ചവരിൽ നാല് പേരെ ഇതുവരെ തിരിച്ചറിഞ്ഞിട്ടില്ല. യാത്രക്കാരിൽ ഭൂരിഭാഗവും ഹനോയിയിൽ നിന്നെത്തിയ വിയറ്റ്നാമീസ് കുടുംബങ്ങളാണ്. സംഘത്തിൽ 20-ലധികം കുട്ടികളും ഉൾപ്പെട്ടിരുന്നതായി വിയറ്റ്നാം വാർത്താ ഏജൻസിയായ വിഎൻഎക്സ്പ്രസ് റിപ്പോർട്ട് ചെയ്തു.

ALSO READ: റഷ്യയുടെ തീരത്ത് ശക്തമായ ഭൂകമ്പങ്ങൾ; സുനാമി മുന്നറിയിപ്പ്  

അതിർത്തി സുരക്ഷ ഉദ്യോ​ഗസ്ഥർ, നാവികസേന, പൊലിസ്, മുങ്ങൽ വിദഗ്ധർ എന്നിവർ ഉൾപ്പെടെ ഡസൻ കണക്കിന് രക്ഷാപ്രവർത്തകർ സ്ഥലത്ത് വിന്യസിച്ചിട്ടുണ്ട്. കടൽ ശാന്തമായിരുന്നെങ്കിലും, പ്രതികൂല കാലാവസ്ഥ രക്ഷാപ്രവർത്തനത്തെ ബുദ്ധിമുട്ടിലാക്കി. മുങ്ങിയ ബോട്ട് വീണ്ടെടുക്കാൻ രക്ഷാപ്രവർത്തകർക്ക് കഴിഞ്ഞതായി സർക്കാർ അറിയിച്ചിട്ടുണ്ട്.

നാഷണൽ സെന്റർ ഫോർ ഹൈഡ്രോമെറ്റീരിയോളജിക്കൽ ഫോർകാസ്റ്റിംഗ് പറയുന്നതനുസരിച്ച്, മേഖലയിലെ അസ്ഥിരമായ കാലാവസ്ഥ, മൂന്ന് ദിവസത്തെ ചൂടിനൊപ്പം, കനത്ത കൊടുങ്കാറ്റുകൾക്ക് കാരണമായി. ടൈഫൂൺ വിഫ അടുത്ത ആഴ്ച ആദ്യം വിയറ്റ്നാമിന്റെ വടക്കൻ തീരത്ത് കരതൊടുമെന്ന് പ്രവചിക്കപ്പെടുന്നു.

ALSO READ: ഷാർജയിൽ മലയാളി യുവതിയുടെ ആത്മഹത്യ: ഭർത്താവിനെതിരെ ഗുരുതര ആരോപണങ്ങളുമായി മാതാവ്; കൊലക്കുറ്റം ചുമത്തി കേസെടുത്ത് പൊലിസ്   

ചൈനയിലെ ഹനോയിൽ നിന്ന് 200 കിലോമീറ്റർ വടക്കുകിഴക്കായി സ്ഥിതി ചെയ്യുന്ന ഹാലോങ് ഉൾക്കടൽ, വർഷംതോറും ദശലക്ഷക്കണക്കിന് വിനോദസഞ്ചാരികളെ ആകർഷിക്കുന്ന വിനോദസഞ്ചാര കേന്ദ്രമാണ്.  2011-ൽ ഇവിടെ ഉണ്ടായ ഒരു ബോട്ട് അപകടത്തിൽ 12 പേർ മരിച്ചിരുന്നു.

A tourist boat carrying 48 passengers and 5 crew members capsized in Vietnam's Halong Bay on Saturday, killing 38 people. Rescue operations continue amid Typhoon Wipha's approach, with several still missing. Ten survivors, including children, were rescued, and the boat has been recovered