ചെന്നൈ: തമിഴ്‌നാട്ടിലെ കള്ളക്കുറിച്ചി തിരുക്കോവിലൂരില്‍ ഓടിക്കൊണ്ടിരുന്ന കാറിന്റെ ടയര്‍ പൊട്ടിത്തെറിച്ച് ഒരു കുടുംബത്തിലെ 4 പേര്‍ക്ക് ദാരുണാന്ത്യം. പൊലിസ് ഉദ്യോഗസ്ഥനായ മാധവനും കുടുംബവും സഞ്ചരിച്ച എസ്‌യു വിയാണ് അപകടത്തില്‍ പെട്ടത്.

മരിച്ചവരില്‍ മൂന്നു പേര്‍ സ്ത്രീകളായിരുന്നു. 5 പേരെ പരിക്കുകളോടെ തിരുവണ്ണാമലൈ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. തിരുവണ്ണാമലൈയിലേക്കുള്ള യാത്രയ്ക്കിടെയാണ് അത്തിപ്പാക്കത്ത് വച്ച് അപകടമുണ്ടായത്.