മനാമ: സമൂഹമാധ്യമ അക്കൗണ്ടുകള്‍ ദുരുപയോഗം ചെയ്യുകയും പൊതു ധാര്‍മികതയ്ക്കും സാമൂഹിക മൂല്യങ്ങള്‍ക്കും എതിരായി പോസ്റ്റുകള്‍ പങ്കുവയ്ക്കുകയും ചെയ്ത കേസില്‍ രണ്ടുപേര്‍ക്ക് തടവും പിഴയും. ബഹ്‌റൈന്‍ മൂന്നാം മൈനര്‍ ക്രിമിനല്‍ കോടതിയാണ് രണ്ട് സോഷ്യല്‍മീഡിയ ഉപഭോക്താക്കള്‍ക്ക് ആറുമാസം തടവും 200 ദിനാറും (അരലക്ഷത്തിലേറെ രൂപ) വീതം ശിക്ഷ വിധിച്ചത്. ഇവരുടെ മൊബൈല്‍ ഫോണുകള്‍ കണ്ടുകെട്ടാനും കോടതി ഉത്തരവിട്ടു. പ്രതികളുടെ വിവരങ്ങള്‍ പുറത്തുവിട്ടിട്ടില്ല.

പ്രതികളിലൊരാളെ അധാര്‍മിക പെരുമാറ്റത്തിന് പ്രേരിപ്പിച്ചതുമായി ബന്ധപ്പെട്ട അധിക കുറ്റത്തില്‍ നിന്ന് കുറ്റവിമുക്തനാക്കി. രാജ്യത്തിന്റെ നിയമപരവും ധാര്‍മികവുമായ മാനദണ്ഡങ്ങള്‍ക്ക് വിരുദ്ധമായി സന്ദേശങ്ങള്‍ പ്രചരിപ്പിക്കുന്നത് നിരീക്ഷിക്കുന്ന ആഭ്യന്തര മന്ത്രാലയത്തിന്റെ സൈബര്‍ കുറ്റകൃത്യ വിരുദ്ധ വകുപ്പില്‍നിന്ന് പബ്ലിക് പ്രോസിക്യൂഷന് ലഭിച്ച റിപ്പോര്‍ട്ടുകളുടെ അടിസ്ഥാനത്തിലാണ് നടപടി സ്വീകരിച്ചത്. ചോദ്യം ചെയ്യലില്‍ ഇവര്‍ കുറ്റം സമ്മതിക്കുകയുണ്ടായി.

രണ്ട് കേസുകളും പരസ്പര ബന്ധമില്ലാത്തവയാണെങ്കിലും രണ്ടിലും വ്യാപകമായി പിന്തുടരുന്ന സോഷ്യല്‍ മീഡിയ അക്കൗണ്ടുകളില്‍ അനുചിതമായ ഉള്ളടക്കം പരസ്യമായി പങ്കിടുന്നത് ഉള്‍പ്പെടുന്നവെന്നും ഈ ഉള്ളടക്കം ബഹ്‌റൈനിലെ പൊതു മാന്യത മാനദണ്ഡങ്ങള്‍ക്ക് വിരുദ്ധമാണെന്നും ബാധകമായ നിയമങ്ങള്‍ ലംഘിക്കുന്നുവെന്നും ആഭ്യന്തരമന്ത്രാലയം പറഞ്ഞു.

ശിക്ഷകള്‍ ബന്ധപ്പെട്ട വ്യക്തികള്‍ക്ക് മാത്രമല്ല, അനുചിതമായ ഉള്ളടക്കം പങ്കിടാന്‍ പൊതു പ്ലാറ്റ്‌ഫോമുകള്‍ ഉപയോഗിക്കുന്നത് പരിഗണിച്ചേക്കാവുന്ന മറ്റുള്ളവര്‍ക്കും പാഠമാണെന്നും സൈബര്‍ ക്രൈം പ്രോസിക്യൂഷന്‍ മേധാവി മുന്നറിയിപ്പ് നല്‍കി. സോഷ്യല്‍ മീഡിയ ഉപയോഗിക്കുന്നത് നിയമപരവും ധാര്‍മ്മികവുമായ ഉത്തരവാദിത്തങ്ങളുമായി വരുന്നതാണെന്നും എല്ലാവരും നിയമം പാലിക്കണമെന്നും ബഹ്‌റൈന്‍ സമൂഹത്തിന്റെ മൂല്യങ്ങളെ മാനിക്കണമെന്നും അവര്‍ പൊതുജനങ്ങളെ ഓര്‍മ്മിപ്പിച്ചു.

ALSO READ: മുസ്ലിം നേതാക്കളുമായി ഡല്‍ഹിയില്‍ കൂടിക്കാഴ്ച നടത്തി മോഹന്‍ ഭാഗവത്; ചര്‍ച്ചയ്‌ക്കെത്തിയവരെല്ലാം സംഘ്പരിവാരുമായി അടുപ്പമുള്ളവര്‍

Bahrain’s Third Minor Criminal Court has sentenced two individuals to six months in prison and fined each BD 200 for misusing their public social media accounts by posting content deemed offensive to public morals and societal values.