എടക്കര: ജില്ലയിലെ മികച്ച ക്ഷീരകര്‍ഷകയ്ക്കുള്ള  ക്ഷീര സഹകാര്യ അവാര്‍ഡിന് എടക്കര ശ്രീനിലയത്തില്‍ സജിത വിജയ് അര്‍ഹയായി. 25000 രൂപയും  പ്രശസ്തി പത്രവും അടങ്ങുന്നതാണ് അവാര്‍ഡ്. പാലേമാട് ക്ഷീരോല്‍പാദക സഹകര സംഘത്തിലാണ്  ഇവര്‍. നാലു വര്‍ഷത്തോളമായി ഫാം തുടങ്ങിയിട്ട്.
വിവിധ ഇനങ്ങളില്‍പ്പെട്ട 22 പശുക്കളാണ് ഇവിടെ  ഉള്ളത്. നിത്യവും 150 ലിറ്ററോളം പാല്‍ ലഭിക്കുന്നുണ്ട്. അക്കൗണ്ട് മാനേജറായ ഭര്‍ത്താവ്  വിജയ്‌ക്കൊപ്പം ദുബായിലായിരുന്നു സജിത. നാട്ടില്‍ തിരിച്ചെത്തിയപ്പോഴാണു ഫാം എന്ന ആശയം  ചിന്തിച്ചത്. മക്കളായ ശ്രീലക്ഷ്മി, സിദ്ധാര്‍ഥ് എന്നിവരും അമ്മയ്ക്കു പിന്തുണയുമായി ഉണ്ട്.'