ചെങ്ങന്നൂർ: വിവാഹം കഴിഞ്ഞ് നാലാം ദിവസം ഭർതൃവീട്ടിൽ നിന്ന് സ്വർണവും പണവും കൈക്കലാക്കി മുങ്ങിയ യുവതിയെ ചെങ്ങന്നൂർ പൊലിസ് അറസ്റ്റ് ചെയ്തു. പാലക്കാട് ഒറ്റപ്പാലം സ്വദേശിനിയായ ശാലിനി (40) ആണ് പിടിയിലായത്.

ജനുവരി 20-ന് ചെറിയനാട് സ്വദേശിയായ യുവാവുമായി ശാലിനിയുടെ വിവാഹം നടന്നു. വിവാഹത്തിന് ശേഷം മൂന്ന് ദിവസം ഭർതൃവീട്ടിൽ താമസിച്ച ശേഷം, മഹാരാഷ്ട്രയിലെ പുണെയിൽ ജോലി ചെയ്യുന്ന സ്ഥലത്തേക്ക് പോകേണ്ടതുണ്ടെന്ന് പറഞ്ഞ് ശാലിനി സ്വർണാഭരണങ്ങളും പണവും എടുത്ത് വീട്ടിൽ നിന്ന് മുങ്ങുകയായിരുന്നു. ഭർത്താവും വീട്ടുകാരും ഫോണിൽ ബന്ധപ്പെടാൻ ശ്രമിച്ചെങ്കിലും, യുവതിയുടെ മൊബൈൽ ഫോൺ സ്വിച്ച് ഓഫ് ചെയ്ത നിലയിലായിരുന്നു.

ALSO READ: നിമിഷപ്രിയയുടെ വധശിക്ഷ റദ്ദാക്കാൻ ധാരണ; മോചന ചർച്ചകൾ തുടരും ; ഔദ്യോ​ഗികമായി സ്ഥിരീക്കരിക്കാതെ വിദേശകാര്യ മന്ത്രാലയം

സംശയം തോന്നിയ വീട്ടുകാർ നടത്തിയ അന്വേഷണത്തിനിടെ, ഭർതൃസഹോദരി യുവതിയുടെ ചിത്രം യൂട്യൂബിൽ കണ്ടെത്തി. തുടർന്നാണ് വിവാഹതട്ടിപ്പ് വെളിവായത്. 2011-ൽ സമാനമായ തട്ടിപ്പിന് ശാലിനിക്കെതിരെ ചെങ്ങന്നൂർ പൊലിസ് സ്റ്റേഷനിൽ കേസ് രജിസ്റ്റർ ചെയ്തിരുന്നതായും വിവിധ പൊലിസ് സ്റ്റേഷനുകളിൽ ഇവർക്കെതിരെ നിരവധി കേസുകൾ നിലവിലുണ്ടെന്നും അന്വേഷണത്തിൽ വ്യക്തമായി.

ALSO READ: ശരീരത്തിനുള്ളിൽ ആമകളെ ഒളിപ്പിച്ച് കടത്താൻ ശ്രമിച്ച സ്ത്രീ പിടിയിൽ

തുടർന്ന് നടത്തിയ അന്വേഷണത്തിൽ, ശാലിനി അരൂരിൽ വാടകവീട്ടിൽ വൈക്കം സ്വദേശിയോടൊപ്പം താമസിക്കുന്നതായി വിവരം ലഭിച്ചു. പൊലീസ് നടത്തിയ റെയ്ഡിൽ ഇവിടെ നിന്നാണ് പ്രതിയെ പിടികൂടിയത്. ശാലിനിയെ ചെങ്ങന്നൂർ ജുഡീഷ്യൽ ഒന്നാം ക്ലാസ് മജിസ്ട്രേട്ട് കോടതിയിൽ ഹാജരാക്കി. സബ് ഇൻസ്പെക്ടർ പ്രദീപ് എസ്., അസിസ്റ്റന്റ് സബ് ഇൻസ്പെക്ടർമാരായ ഹരികുമാർ, ശ്രീകല, സിപിഒമാരായ മിഥിലാജ്, ഹരീഷ്, അജീഷ് കരീം എന്നിവർ അടങ്ങിയ സംഘമാണ് അന്വേഷണം നടത്തിയത്.

In Chengannur, a woman named Shalini (40) from Palakkad was arrested for a marriage scam. Just four days after her wedding on January 20 to a man from Cheriyanad, she fled with gold and money, claiming she had to return to her job in Pune. When her phone was found switched off, suspicions arose