അബൂദബി: തിരക്കേറിയ റോഡില്‍ ഡ്രൈവര്‍മാര്‍ അശ്രദ്ധമായി വാഹനം നിര്‍ത്തുന്നത് അപകടത്തിന് കാരണമാകുമെന്ന് അബൂദബി പൊലിസ് മുന്നറിയിപ്പ് നല്‍കി. '#YourComment' എന്ന സംരംഭത്തിന്റെ ഭാഗമായി അബൂദബി പൊലിസ് പുറത്തുവിട്ട വിഡിയോയില്‍ അശ്രദ്ധമായി വാഹനമോടിക്കുന്ന ഡ്രൈവര്‍മാര്‍ പെട്ടെന്ന് ലെയ്ന്‍ മാറ്റുന്നതും അത് അപകടങ്ങള്‍ക്ക് കാരണമാകുന്നതും വ്യക്തമായി കാണാം.

ഹൈവേയുടെ വലതു വശത്തെ ലെയ്‌നിലുള്ള ഒരു ഡ്രൈവര്‍ എക്‌സിറ്റ് ഒഴിവാക്കി അവസാന നിമിഷം വലത്തേക്ക് തിരിയുകയും, നടപ്പാതയില്‍ ഇടിക്കുകയും ചെയ്യുന്നതാണ് ആദ്യ വിഡിയോ ദൃശ്യത്തിലുള്ളത്. മറ്റൊരു ദൃശ്യത്തില്‍, നാലു വരി റോഡിന്റെ ഇടതു വശത്തെ ലെയ്‌നിലുള്ള ഒരു ഡ്രൈവര്‍ വലതു ഭാഗത്തുള്ള എക്‌സിറ്റ് ഏതാണ്ട് കടന്നു പോയിട്ടും വലത്തേക്ക് നീങ്ങുന്നത് കാണാം.

#أخبارنا | بثت #شرطة_أبوظبي بالتعاون مع مركز المتابعة والتحكم وضمن مبادرة "لكم التعليق" فيديو لحوادث بسبب الانحراف المفاجئ .

التفاصيل:https://t.co/0ZAFYFv2MJ#لكم_التعليق#الانحراف_المفاجئ pic.twitter.com/V2CmObcEip

— شرطة أبوظبي (@ADPoliceHQ) August 1, 2025

കനത്ത ഗതാഗതത്തിനിടയില്‍ ലെയ്ന്‍ മാറ്റാന്‍ കഴിയാതെ വരുന്നതോടെ നിരവധി ഡ്രൈവര്‍മാര്‍ ആശയക്കുഴപ്പത്തിലാകുന്നതും, അപകട സാധ്യത ഉണ്ടാകുന്നതും കാണാം. പെട്ടെന്ന് മറ്റ് വാഹനങ്ങളെ മറികടക്കുകയോ അശ്രദ്ധമായി ഓവര്‍ ടേക്കിങ് നടത്തുകയോ ചെയ്യുന്നത് ഒഴിവാക്കണമെന്ന് പൊലിസ് ആവശ്യപ്പെട്ടു.

ലെയ്ന്‍ മറികടക്കുന്നതിനോ മാറ്റുന്നതിനോ മുമ്പ് മറ്റ് വാഹനങ്ങളില്ലെന്ന് ഉറപ്പു വരുത്തണമെന്ന് പൊലിസ് നിര്‍ദേശിച്ചു. നിയമ ലംഘകര്‍ക്കെതിരെ കടുത്ത നടപടി സ്വീകരിക്കുമെന്നും അധികൃതര്‍ മുന്നറിയിപ്പ് നല്‍കി.

Abu Dhabi Police, as part of their ‘#YourComment” initiative, have shared a video of careless drivers changing lanes suddenly, resulting in accidents.