പ്രമേഹം ഇന്ന് ദശലക്ഷക്കണക്കിന് ആളുകളെ ബാധിക്കുന്ന ഒരു സാധാരണ രോഗമായിരിക്കുന്നു. എന്നില്‍ ഇതിന്റെ ലക്ഷണങ്ങള്‍ സ്ത്രീകളിലും പുരുഷന്‍മാരിലും വ്യത്യാസമായാണ് കാണപ്പെടുന്നത്. നമുക്ക് പുരുഷന്‍മാരില്‍ കാണപ്പെടുന്ന രോഗലക്ഷണങ്ങള്‍ എന്തൊക്കെയാണെന്നു നോക്കാം.

എപ്പോഴും മൂത്രമൊഴിക്കാന്‍ തോന്നുന്നുണ്ടോ..? ഇങ്ങനെയുണ്ടെങ്കില്‍ ഇത് പ്രമേഹത്തിന്റെ ആദ്യ സൂചനയാവാം. ഇടയ്ക്കിടെ ഈ തോന്നല്‍ ഉണ്ടാവുന്നുണ്ടോ എന്ന് ശ്രദ്ധിക്കുക. പ്രത്യേകിച്ച് രാത്രിയില്‍ ഇത് കൂടുതലായി ഉണ്ടോ എന്നതും ശ്രദ്ധിക്കുക.  

വിശപ്പ് കൂടുകയും ദാഹം കൂടുകയും ചെയ്യാറുണ്ടോ...? ഇതു രണ്ടുമുണ്ടെങ്കില്‍ അതായത് അമിത വിശപ്പും ദാഹവും തോന്നുന്നുണ്ടെങ്കില്‍ ഇത് പ്രമേഹത്തിന്റെ സൂചനായാവാം. അതുകൊണ്ട് ഇതും ശ്രദ്ധിക്കുക. 

അമിത ക്ഷീണവും ബലഹീനതയും തോന്നുന്നുണ്ടെങ്കില്‍ ഇതും ശ്രദ്ധിക്കുക. ഇങ്ങനെയുണ്ടാവുന്നുണ്ടെങ്കില്‍ പ്രമേഹത്തിന്റെ ലക്ഷണമാവാം. 
ഭാരം പെട്ടെന്നു കുറയുന്നപോലെ തോന്നുക. ശരീരത്തിന്റെ ഭാരം പെട്ടെന്നു കുറയുന്നുണ്ടോ എന്നു ശ്രദ്ധിക്കുക. പെട്ടെന്ന് മെലിയുന്നതും പ്രമേഹത്തിന്റെ ലക്ഷണമാവാം. 

കാഴ്ചയ്ക്കു മങ്ങല്‍. നിങ്ങളുടെ കാഴ്ചയ്ക്കു മങ്ങലുണ്ടെന്നു തോന്നുന്നുവെങ്കില്‍ തീര്‍ച്ചയായും ഇത് പ്രമേഹത്തിന്റെ സൂചനയാവാം. അതുപോലെ കൈയിലോ കാലിലോ എവിടെയെങ്കിലും മുറിവുണ്ടെങ്കില്‍ അത് പതുക്കെയാണ് ഉണങ്ങുന്നതെങ്കില്‍ ഇതും പ്രമേഹത്തിന്റെ സൂചനയാവാം. 

ALSO READ: ഓടുന്ന ബൈക്കിന്റെയോ കാറിന്റെയോ പിന്നാലെ നായ്ക്കള്‍ ഓടുന്നത് എന്തിനാണ്...?  യഥാര്‍ഥ കാരണം നിങ്ങള്‍ക്ക് അറിയുമോ..?

കൈകാലുകളില്‍ മരവിപ്പ് തോന്നാറുണ്ടോ..? നിങ്ങളുടെ കൈകാലുകലില്‍ മരവിപ്പ് അനുഭവപ്പെടാറുണ്ടോ? അതുപോലെ ഭക്ഷണം കഴിച്ചു കഴിഞ്ഞാല്‍ അതിയായ ആഗ്രഹം തോന്നാറുണ്ടോ മധുരം കഴിക്കാന്‍ ? ഇങ്ങനെ മധുരമോഹമുണ്ടെങ്കില്‍ നിങ്ങള്‍ക്ക് പ്രമേഹമുണ്ടാവാം. 

വരണ്ട ചര്‍മം ആണോ നിങ്ങളുടേത്. വരണ്ട ചര്‍മമുണ്ടെങ്കില്‍ ചര്‍മത്തില്‍ പാടുകള്‍ ഉണ്ടാവുന്നുണ്ടോ എന്നു ശ്രദ്ധിക്കുക. എന്തെങ്കിലും കളര്‍വ്യത്യാസത്തിലുള്ള നിറമാറ്റം കണ്ടാല്‍ ഇവയും ശ്രദ്ധിക്കുക. ഇതും പ്രമേഹത്തിന്റെ ലക്ഷണമാവാം. 

ക്ഷീണം തോന്നല്‍. പുരുഷന്‍മാരിലെ മറ്റൊരു ലക്ഷണമാണിത്. നിരന്തരമായി ക്ഷീണം തോന്നുന്നുണ്ടെങ്കില്‍ നിങ്ങളുടെ ശരീരത്തിന് ഊര്‍ജത്തിനായി ഗ്ലൂക്കോസ് കാര്യക്ഷമമായി പ്രവര്‍ത്തിപ്പിക്കാന്‍ കഴിയാതെ വരുമ്പോള്‍ ഇത് കൊഴുപ്പാവുകയും ഈ അവസ്ഥ നിങ്ങള്‍ക്ക് ക്ഷീണം നല്‍കുകയും ചെയ്യുന്നു.

ഇത്തരം രോഗലക്ഷണങ്ങള്‍  കണ്ടാലുടനെ സ്വയം രോഗനിര്‍ണയത്തിനു നില്‍ക്കാതെ നിര്‍ബന്ധമായും ഒരു ഡോക്ടറെ കാണുക. ഇതിനു ശേഷമേ രോഗം സ്ഥിരീകരിക്കാവൂ.