മംഗളുരു: ധര്‍മസ്ഥലയില്‍ നിന്ന് വീണ്ടും അസ്ഥികള്‍ കണ്ടെത്തി. പതിനൊന്നാം സ്‌പോട്ടില്‍ നിന്ന് മാറി വനത്തിലാണ് അസ്ഥികള്‍ കണ്ടെത്തിയത്. താടിയെല്ലുകളും മറ്റ് അസ്ഥിഭാഗങ്ങളുമാണ് പരിശോധനയില്‍ കണ്ടെത്തിയതെന്നാണ് വിവരം. 

ധര്‍മസ്ഥലയിലെ ഇന്നത്തെ തിരച്ചില്‍ പൂര്‍ത്തിയായി. മൂന്ന് സ്‌പോട്ടുകളിലാണ് ഉദ്യോഗസ്ഥര്‍ ഇന്ന് തിരച്ചില്‍ നടത്തിയത്. ഇന്നലെ ഞായറാഴ്ച ആയിരുന്നതിനാല്‍ പൊലിസ് ഉദ്യോഗസ്ഥര്‍ പരിശോധനയ്ക്ക് എത്തിയിരുന്നില്ല.

ALSO READ: ധർമ്മസ്ഥല കൂട്ടശവസംസ്കാര കേസ്: എസ്‌ഐടി ഉദ്യോഗസ്ഥനെതിരെ ഗുരുതര ആരോപണം; വിസിൽബ്ലോവറെ ഭീഷണിപ്പെടുത്തിയതായി പരാതി

ഇന്നത്തെ തിരച്ചിലോടെ 13 സ്ഥലങ്ങളിലേയും തിരച്ചില്‍ പൂര്‍ത്തിയാക്കാനായിരുന്നു ഉദ്യോഗസ്ഥര്‍ തീരുമാനിച്ചിരുന്നത്. അസിസ്റ്റന്റ് കമ്മീഷണര്‍ സെറ്റല്ല വര്‍ഗീസിന്റെ നേതൃത്വത്തിലാണ് തിരച്ചില്‍ നടക്കുന്നത്. ഇതിനിടെ കേസിലെ സാക്ഷിയെ ഭീഷണിപ്പടുത്തിയ എസ്‌ഐടി സംഘത്തിലെ പൊലിസ് ഓഫീസറെ മാറ്റാത്തത്തില്‍ വിവിധ കോണുകളില്‍ നിന്ന് പ്രതിഷേധം ഉയരുന്നുണ്ട്.

1995-നും 2014-നും ഇടയിൽ ധർമ്മസ്ഥലയിൽ നടന്നെന്ന് ആരോപിക്കപ്പെടുന്ന നൂറുകണക്കിന് അനധികൃത ശവസംസ്കാരങ്ങളെക്കുറിച്ച് അന്വേഷിക്കുന്ന പ്രത്യേക അന്വേഷണ സംഘം (എസ്‌ഐടി) ഈ കാലയളവിലെ അസ്വാഭാവിക മരണ റിപ്പോർട്ടുകളുടെ രേഖകൾ ശേഖരിച്ചതായി വൃത്തങ്ങൾ അറിയിച്ചു. എസ്‌ഐടി രൂപീകരണത്തിന് ശേഷം ഡിജിപി മൊഹന്തിയുടെ നിർദേശപ്രകാരം ബെൽത്തങ്ങാടി പൊലിസ് ആർക്കൈവുകളിൽ നിന്ന് ചില രേഖകൾ തിരുത്തപ്പെട്ടതോ കാണാതായതോ ആയ രീതിയിലാണെങ്കിലും നിർണായക തെളിവുകൾ സംരക്ഷിക്കാൻ കഴിഞ്ഞതായാണ് വിവരം.

അസ്ഥികൂട അവശിഷ്ടങ്ങൾ ഫോറൻസിക് സയൻസ് ലബോറട്ടറിയിലേക്ക് അയച്ചതായി പൊലിസ് ഉദ്യോഗസ്ഥർ വെളിപ്പെടുത്തി. ഇവയുടെ പ്രായം, ലിംഗഭേദം, മരണകാരണം എന്നിവ നിർണയിക്കാനാണ് നടപടി. കഴിഞ്ഞ രണ്ട് പതിറ്റാണ്ടുകളായി ധർമ്മസ്ഥലയിൽ കൂട്ടക്കൊല, ബലാത്സംഗം, അനധികൃത ശവസംസ്കാരങ്ങൾ എന്നിവ നടന്നതായുള്ള ആരോപണങ്ങളെ തുടർന്നാണ് സംസ്ഥാന സർക്കാർ എസ്‌ഐടി രൂപീകരിച്ചത്.

ALSO READ: ധർമസ്ഥലയിൽ നാലാം ദിവസത്തെ തിരച്ചിലിൽ ഫലം കണ്ടില്ല; പരിശോധന നാളെയും തുടരും

1995-നും 2014-നും ഇടയിൽ ധർമ്മസ്ഥലയിൽ ശുചിത്വ തൊഴിലാളിയായി ജോലി ചെയ്തിരുന്ന ഒരു വ്യക്തി ഗുരുതരമായ ആരോപണങ്ങൾ ഉന്നയിച്ചിരുന്നു. സ്ത്രീകളുടെയും പ്രായപൂർത്തിയാകാത്തവരുടെയും മൃതദേഹങ്ങൾ ഉൾപ്പെടെ നിരവധി മൃതദേഹങ്ങൾ അനധികൃതമായി സംസ്കരിക്കാൻ തന്നെ നിർബന്ധിച്ചതായി അദ്ദേഹം ആരോപിച്ചിരുന്നു. ചില മൃതദേഹങ്ങളിൽ ലൈംഗികാതിക്രമത്തിന്റെ ലക്ഷണങ്ങൾ ഉണ്ടായിരുന്നുവെന്നും ഇയാൾ വെളിപ്പെടുത്തിയിരുന്നു. 

another human skeleton has been discovered at dharmasthala, with initial findings suggesting the bones could be from more than one person.