ദുബൈ: യുഎഇ സുന്നി കൗൺസിൽ നേതൃത്വത്തിൽ ഓഗസ്റ്റ് 30ന് സമസ്ത ഗ്രാൻഡ് മീലാദ് കോൺഫറൻസ് വിപുലമായി സംഘടിപ്പിക്കുന്നു. മത സാമൂഹിക സാംസ്കാരിക രംഗങ്ങളിൽ ഉള്ള പ്രമുഖർ പ്രോഗ്രാമിൽ സംബന്ധിക്കും. 
പരിപാടിയുടെ വിജയത്തിന് വേണ്ടി വിപുലമായ സ്വാഗതസംഘ രൂപീകരണം ദുബായ് സുന്നി സെൻററിൽ വച്ച് നടന്നു.  സുന്നി കൗൺസിൽ പ്രസിഡണ്ട് സയ്യിദ് പൂക്കോയ തങ്ങൾ ബാ അലവി ഉദ്ഘാടനം ചെയ്തു.
യുഎഇയുടെ വിവിധ ഭാഗങ്ങളിലെ സെന്റെറുകളുടെയും  സുന്നി കൗൺസിലിൽ കീഴ്ഘടകങ്ങളുടെയും നേതൃത്വത്തിൽ  ഉൽബോധന സദസ്സുകൾ, മദ്ഹ് റസൂൽ പ്രഭാഷണങ്ങൾ, വിദ്യാർത്ഥികളുടെ കലാസാഹിത്യ മത്സരങ്ങൾ, ഇശ്ഖ്  മജ്ലിസുകൾ, അന്നദാനം , പ്രവാചക ചരിത്ര ദർശനങ്ങൾ, മൗലിദ് - ബുർദ സദസ്സുകൾ  തുടങ്ങിയ വ്യത്യസ്തങ്ങളായ പരിപാടികൾ ഈ റബീഉൽ അവ്വൽ കാലയളവിൽ സംഘടിപ്പിക്കും. 

സ്വദേശികളും വിദേശികളും സംബന്ധിക്കുന്ന കോൺഫറൻസിൽ പ്രവർത്തക ക്യാമ്പ്, മദ്ഹു റസൂൽ പ്രഭാഷണം, ബുർദ പാരായണം, ആയിരങ്ങൾ പങ്കെടുക്കുന്ന മൗലിദ് സദസ്സ്, ഇശ്ഖ് മജ്‌ലിസ് എന്നിവ നടക്കും.

ദുബൈ സുന്നി സെൻ്റർ ഉപദേശക സമിതി അംഗം സയ്യിദ് അബ്ദുൽ ഹകീം തങ്ങൾ അൽ ബുഖാരി യുടെ പ്രാർത്ഥനയോടെ തുടങ്ങിയ യോഗത്തിൽ അബുദാബി സുന്നി സെൻ്റർ പ്രസിഡൻ്റ് സയ്യിദ് അബ്ദുർറഹ്മാൻ തങ്ങൾ അദ്ധ്യക്ഷത വഹിച്ചു. 
സുപ്രഭാതം സിഇഒ മുസ്തഫ മാസ്റ്റർ മുണ്ടുപാറ ആമുഖ ഭാഷണം നടത്തി. അബ്ദുൽ ജലീൽ ദാരിമി ദുബൈ, അസ്കർ അലി തങ്ങൾ കർണാടക, മൻസൂർ മൂപ്പൻ, സയ്യിദ് ഷഹീൻ തങ്ങൾ അബുദാബി, കെ ടി അബ്ദുൽ ഖാദർ ദുബൈ, ഹാരിസ് ബാഖവി അബുദാബി,ഹൈദർ ഹുദവി, കബീർ ഹുദവി അബുദാബി ,അബ്ദു റഷീദ് ദാരിമി, ശാഫി ഇരിങ്ങാവൂർ , വിവിധ സെന്ററുകളുടെ നേതാക്കൾ, ജംഇയ്യത്തുൽ മുഅല്ലിമീൻ, എസ് കെ എസ് എസ് എസ്  നേതാക്കൾ, സ്റ്റേറ്റ് ഭാരവാഹികൾ, പ്രവർത്തകർ സംബന്ധിച്ചു. 
ദുബൈ സുന്നി സെൻ്റർ ജനറൽസെക്രട്ടറി ഷൗക്കത്തലി ഹുദവി സ്വാഗതവും വൈസ് പ്രസിഡൻ്റ് ഷക്കീർ ഹുസൈൻ തങ്ങൾ ദുബൈ നന്ദിയും പറഞ്ഞു.

the samastha grand milad conference will take place in the uae on august 30, bringing together scholars and followers for a spiritual gathering and religious discourse.