മലപ്പുറം: ഫോൺ ചോർത്തലിൽ മുൻ എംഎൽഎ പി വി അൻവറിനെതിരെ കേസെടുത്ത് പൊലീസ്. ഇൻഫർമേഷൻ ടെക്‌നോളജി ആക്ട്, ടെലികമ്യൂണിക്കേഷൻ ആക്ട് എന്നിവ പ്രകാരമാണ് കേസെടുത്തത്. പിവി അൻവറിനെ പ്രതിചേർത്ത് കേസെടുക്കണമെന്ന് ഹെെക്കോടതി നേരത്തെ ഉത്തരവിട്ടിരുന്നു.  കൊല്ലം സ്വദേശി മുരുഗേഷ് നരേന്ദ്രന്റെ പരാതിയിലാണ് നടപടി. 

കഴിഞ്ഞ സെപ്തംബർ 1ന് മലപ്പുറം ഗസ്റ്റ് ഹൗസിൽ  നടത്തിയ വാർത്താസമ്മേളനത്തിൽ താൻ പോലീസ് ഉദ്യോഗസ്ഥരുടെ അടക്കം പലരുടെയും ഫോൺ കോളുകൾ ചോർത്തിയിട്ടുണ്ടെന്ന് പി വി അൻവർ വെളിപ്പെടുത്തിയിരുന്നു. ഇതിന് പിന്നാലെയാണ് അൻവറിന്റെ നിയമവിരുദ്ധ പ്രവർത്തനങ്ങൾക്കെതിരെ പരാതി നൽകിയതിനാൽ തന്റെ ഫോണും ചേർത്തിയിട്ടുണ്ടെന്നും, അൻവറിനെതിരെ കേസെടുത്ത് അന്വേഷണം നടത്തണമെന്നും ആവശ്യപ്പെട്ട് മുരുഗേഷ് നരേന്ദ്രൻ പോലീസിനെ സമീപിച്ചത്. എന്നാൽ പരാതിയിൽ കാര്യമായ നടപടി പൊലിസിന്റെ ഭാ​ഗത്ത് നിന്നുണ്ടായില്ല.

തുടർന്ന് പരാതിക്കാരൻ ഹെെക്കോടതിയിൽ ഹരജി നൽകി. കോടതി അൻവറിനെതിരെ കേസെടുക്കാൻ പൊലിസിന് നിർദേശം നൽകുകയും ചെയ്തു. വ്യക്തികളുടെ അനുമതിയില്ലാതെ ഭരണഘടന പൗരന് നൽകുന്ന മൗലികാവകാശമായ സ്വകാര്യത ലംഘിച്ച് നിയമവിരുദ്ധമായി ഫോൺ ചോർത്തിയത് കേസെടുക്കാവുന്ന ഗൗരവകരമായ കുറ്റകൃത്യമാണെന്ന് കോടതി നീരിക്ഷിച്ചു. 

ALSO READ: അങ്കണവാടിയിലെ ഷെൽഫിൽ മൂർഖൻ പാമ്പ്; ടീച്ചറുടെ ഇടപെടൽ ഒഴിവാക്കിയത് വലിയ അപകടം  

മുന്‍പ് ഹൈക്കോടതിയില്‍ നല്‍കിയ റിപ്പോര്‍ട്ടില്‍ അന്‍വറിനെതിരെ കേസെടുക്കാന്‍ തെളിവില്ലെന്നാണ് പൊലിസ് പറഞ്ഞത്. ഡിവൈഎസ്പി നടത്തിയ പ്രാഥമിക അന്വേഷണത്തില്‍ കേസെടുക്കാവുന്ന ഒന്നും കണ്ടെത്താനായില്ലെന്നാണ് പൊലിസ് മുന്‍പ് പറഞ്ഞത്. 

സ്വര്‍ണകടത്ത്, കൊലപാതകം ഉള്‍പ്പെടെയുള്ള ക്രിമിനല്‍ പ്രവര്‍ത്തനങ്ങള്‍ പുറത്തുകൊണ്ടുവരാനാണ് ഫോണ്‍ ചോര്‍ത്തിയതെന്നായിരുന്നു അന്‍വറിന്റെ ന്യായീകരണം.

Police have registered a case against former MLA P.V. Anwar for alleged phone tapping, based on a complaint from Kollam resident Murugesh Narendra. The case is filed under the IT Act and Telecommunication Act, following a High Court order.