കോട്ടയം: പാലായിൽ കാറും സ്കൂട്ടറും കൂട്ടിയിടിച്ച് രണ്ട് പേർക്ക് ദാരുണാന്ത്യം. പാല പ്രവിത്താനം അല്ലപ്പാറ പാലാകുഴക്കുന്നേൽ സുനിലിന്റെ ഭാര്യ ജോമോൾ (35), മേലുകാവ് നല്ലംകുഴിയിൽ സന്തോഷിന്റെ ഭാര്യ ധന്യ (38( എന്നിവരാണ് മരണപ്പെട്ടത്. പാല തൊടുപുഴ ഹൈവേയിൽ മുണ്ടാങ്കൽ പള്ളിക്ക് സമീപം ഇന്ന് രാവിലെ 9.30 ഓടെയാണ് സംഭവം നടന്നത്. 

അമിതവേഗത്തിൽ എത്തിയ സ്കൂട്ടറുകളെ ഇടിച്ച കാർ പിന്നീട് മതിൽ ഇടിച്ചു നിൽക്കുകയായിരുന്നു. അപകടത്തിൽ ജോമോളുടെ മകളായ അന്നമോൾക്ക് പരുക്കേറ്റു. അന്നമോൾ പാലായിലെ സ്വകാര്യ ആശുപത്രിയിൽ നിലവിൽ ചികിത്സയിൽ തുടരുകയാണ്. പാലയിലെ സ്വകാര്യ ബിഎഡ് കോളേജിലെ നാല് വിദ്യാർത്ഥികൾ ആണ് കാർ ഓടിച്ചിരുന്നത്. ബിഎഡ് പരിശീലനയി രാമപുരത്തേക്ക് പോവുകയായിരുന്നു ഇവർ.

സ്കൂട്ടർ യാത്രക്കാർ തൊടുപുഴയിൽ നിന്നും പാലയിലേക്ക് പോവുകയായിരുന്നു. ഇനി പൂർത്തിയാക്കാനുള്ളത് ഇവരുടെ വൈധ്യ പരിശോധനയാണ്. കാറിന്റെ അമിതമായ വേഗതയാണ് അപകടത്തിന് പിന്നിലെന്നാണ് പൊലിസിന്റെ നിഗമനം. അന്നമോളെ സ്കൂളിൽ വിടാൻ പോവുകയായിരുന്നു ജോമോൻ. ധന്യ പാലായിലെ സ്വകാര്യ ടാങ്കിലെ ജീവനക്കാരിയും ആണ്. ഇവർ ബാങ്കിലേക്ക് ജോലിക്ക് പോകുന്ന വഴിയായിരുന്നു അപകടം നടന്നത്.