പത്തനംതിട്ട: ശബരിമല സ്വര്‍ണ്ണക്കൊള്ള കേസില്‍ എന്‍ വാസുവിനെ കൈവിലങ്ങ് അണിയിച്ച് 
കോടതിയില്‍ ഹാജരാക്കിയതില്‍ അന്വേഷണം. ഉദ്യോഗസ്ഥരാണ് പൂജപ്പുര സെന്‍ട്രല്‍ ജയിലില്‍ നിന്നും എന്‍ വാസുവിനെ കൈവിലങ്ങ് അണിയിച്ചുകൊണ്ട് കൊല്ലത്തെ വിജിലന്‍സ് കോടതിയില്‍ ഹാജരാക്കിയത്. ഇതില്‍ തിരുവനന്തപുരം സിറ്റി പൊലിസ് കമ്മിഷണറാണ് റിപ്പോര്‍ട്ട് തേടിയത്. തിരുവനന്തപുരം എ.ആര്‍ ക്യാംപിലെ ഡെപ്യൂട്ടി കമാന്‍ഡന്റിനോടാണ് റിപ്പോര്‍ട്ട് ഉടന്‍ നല്‍കാന്‍ നിര്‍ദ്ദേശിച്ചിരിക്കുന്നത്. വിഷയത്തില്‍ പൊലിസുകാര്‍ക്കെതിരെ നടപടിയെടുക്കാന്‍ സാധ്യതയുണ്ട്.

തിരുവനന്തപുരം പൊലിസ് കൈവിലങ്ങ് ഏതൊക്കെ പ്രതികള്‍ക്കാണ് വെക്കേണ്ടതെന്ന് ബി.എന്‍.എസ് നിയമനത്തില്‍ പ്രതിപാദിക്കുന്നതിനാല്‍ ഇത്തരത്തില്‍ കൈവിലങ്ങ് അണിയിച്ചത് വിരുദ്ധമായ നടപടിയാണെന്നാണ് സ്‌പെഷ്യല്‍ ബ്രാഞ്ച് ഡി.ജി.പിക്ക് റിപ്പോര്‍ട്ട് നല്‍കിയത്.

ഈ നടപടിയില്‍ ഡി.ജി.പിക്കും അതൃപ്തിയുണ്ട്. പ്രതിയുടെ പ്രായം, ഏതൊക്കെ കുറ്റകൃത്യങ്ങളില്‍ ഉള്‍പ്പെട്ടു എന്നിവ കണക്കിലാക്കിയാണ് കൈവിലങ്ങ് വെക്കേണ്ടതെന്നും ഈ നിയമകാര്യങ്ങള്‍ ഒന്നും പരിഗണിക്കാതെ കൈവിലങ്ങ് വെച്ചത് സര്‍ക്കാറിനും അവ മതിപ്പുണ്ടാക്കിയെന്നാണ് പറയുന്നത്. എസ്.ഐ അറിയാതെയാണ് ഉദ്യോഗസ്ഥര്‍ കൈവിലങ്ങ് ധരിപ്പിച്ചതെന്നും എആര്‍ ക്യാമ്പിലെ പൊലിസുകാര്‍ക്കെതിരെ നടപടി ഉണ്ടാകും എന്നാണ് സൂചനകള്‍.

അതേസമയം, പ്രതികളുടെ ജാമ്യാപേക്ഷ കൊല്ലം വിജിലന്‍സ് കോടതി ഇന്ന് പരിഗണിക്കും. മുന്‍ ദേവസ്വം പ്രസിഡന്റ് എന്‍ വാസു, തിരുവാഭരണം കമ്മീഷണര്‍ കെ.എസ് ബൈജുവുമാണ് ജാമ്യത്തിനായി അപേക്ഷ നല്‍കിയിട്ടുള്ളത്. കേസില്‍ സിപിഎം നേതാവ് എ പത്മകുമാറിനെ കസ്റ്റഡിയില്‍ വാങ്ങാനുള്ള എസ്‌ഐടി അപേക്ഷ നാളെയാണ് പരിഗണിക്കുന്നത്.

An inquiry has been launched into the handcuffing of N. Vasu in the Sabarimala gold heist case, allegedly violating BNS rules. The Thiruvananthapuram Police Commissioner has sought a report, and action against the officers is likely. The Vigilance Court will also hear bail pleas of N. Vasu and K.S. Baiju.