ഷാർജ: ഒരു മാസക്കാലം നീണ്ടുനിന്ന ഷാർജ ഉമ്മുൽ ഖുറാ മദ്‌റസ സമ്മർ ക്യാംപിന്  സമാപനം. സമാപന ചടങ്ങ് റഷീദ് ബാഖവിയുടെ അധ്യക്ഷതയിൽ ഫസൽ പൂക്കോയ തങ്ങൾ ഉദ്ഘാടനം ചെയ്തു. ഫാരിസ് ശിഹാബ് തങ്ങൾ, ഉമർ കാസർകോട്, എം.സി ഇസ്മായിൽ, അഷറഫ് യമാനി തുടങ്ങിയവർ സംബന്ധിച്ചു. സഫീർ ജാറംകണ്ടി സ്വാഗതവും റഊഫ് യമാനി നന്ദിയും പറഞ്ഞു.

വിനോദത്തോടപ്പം വിജ്ഞാനാവും നുകരാൻ സാധിച്ചതിനാൽ കുട്ടികൾക്ക് വേനലവധിക്കാല ക്യാംപ് നവ്യാനുഭൂതിയായി മാറി.

ഖുർആൻ പരായണം, അറബി ഭാഷാ പഠനം, അറബി-മലയാളം പഠനം, കർമശാസ്ത്ര ക്ലാസുകൾ, നിത്യ ജീവിതത്തിലെ അദ്കാറുകൾ, പ്രസംഗ-തൂലിക പരിശീലനം, പദപ്പയറ്റ്, മെമ്മറി ടെസ്റ്റ്, ഗണിത ശാസ്ത്ര പഠനം, എഴുത്ത് പരിശീലനം, മലയാള വായനാ പരിശീലനം, വ്യക്തിത്വ വികസന ക്ലാസുകൾ, എ.ഐ സാങ്കേതിക വിദ്യ തുടങ്ങിയവയിൽ വിവിധ സെഷനുകൾ നടന്നു. പ്രഗൽഭ അധ്യാപകരും പരിശീലകരും നേതൃത്വം നൽകി. ക്യാംപിൽ പങ്കെടുത്ത വിദ്യാർഥികൾക്കുള്ള സമ്മാന ദാനവും സർട്ടിഫിക്കറ്റ് വിതരണവും സമാപന ചടങ്ങിൽ നടന്നു. ഇതിന്റെ ഭാഗമായി സൗജന്യ നേത്ര പരിശോധന ക്യാംപ്, കുട്ടികൾക്കായി ക്വിസ് മത്സരം എന്നിവയും ഉണ്ടായിരുന്നു.

Sharjah Umm Al Qura Madrasa Summer Camp concludes