കാലിഫോർണിയ: ഫാഷൻ ലോകത്തും സോഷ്യൽ മീഡിയയിലും തരംഗമായ ലബുബു പാവകൾ (Labubu) മോഷണം പോയി. ലക്ഷങ്ങൾ വിലയുള്ള പാവകളുടെ ശേഖരമാണ് കള്ളന്മാർ ഷോപ്പ് കുത്തിത്തുറന്ന് കൊണ്ടുപോയത്. ലോസ് ഏഞ്ചൽസിലെ ലാ പുയെന്റെയിലെ ഷോപ്പിലാണ് കഴിഞ്ഞ ദിവസം മോഷണം നടന്നത്. 26 ലക്ഷം രൂപയിലേറെ വിലവരുന്ന പാവകളാണ് നഷ്ടമായത്. Labubu

ബുധനാഴ്ച പുലർച്ചെയാണ് ലബുബു മോഷ്ടിക്കാൻ കുറഞ്ഞത് നാല് പേരെങ്കിലും കടയിൽ അതിക്രമിച്ച് കയറിയത്. സംഭവത്തിന്റെ സിസിടിവി ദൃശ്യങ്ങൾ പ്രചരിച്ചതോടെ ഇപ്പോൾ ഈ വാർത്ത ലോകം മുഴുവൻ പടർന്നിരിക്കുകയാണ്.

ALSO READ: GPT-5 പുറത്തിറക്കി OpenAI... ഇനി എല്ലാം അതിവേഗം, ഏറെ സവിശേഷതകൾ, കൂടുതൽ വിവരങ്ങൾ

മുൻവാതിലുകൾ തകർത്ത് അകത്തുകടന്ന മോഷ്ടാക്കൾ വിലപിടിപ്പുള്ള കളിപ്പാട്ടങ്ങളാണ് ലക്ഷ്യമിട്ടതെന്ന് ഉടമ പറഞ്ഞു. ഞങ്ങൾ ഇപ്പോഴും ഞെട്ടലിലാണ്. ഇന്ന് ഞങ്ങളെ കൊള്ളയടിച്ചു, അവർ ഞങ്ങളുടെ എല്ലാ സാധനങ്ങളും കൊണ്ടുപോയി, ഞങ്ങളുടെ കട നശിപ്പിച്ചു - കട ഉടമയായ ജോവാന അവെൻഡാനോ ഒരു ഇൻസ്റ്റാഗ്രാം പോസ്റ്റിൽ പറഞ്ഞു.

100 ലേറെ വിവിധ തരത്തിലുള്ള ലബുബു പാവകൾ ഉണ്ടെങ്കിലും അവയിൽ ഏറ്റവും ജനപ്രിയമായവയാണ് മോഷ്ടാക്കൾ കൊണ്ടുപോയത്. നൂറുകണക്കിന് ഡോളർ വിലയുള്ളവയാണ് കള്ളന്മാർ ലക്ഷ്യം വെച്ചത്. ജനപ്രിയമല്ലാത്ത വസ്തുക്കൾ മാത്രമാണ് അവർ കടയിൽ അവശേഷിപ്പിച്ചത്. സംഭവത്തിൽ പൊലിസ് അന്വേഷണം തുടങ്ങിയിട്ടുണ്ട്.

ലബുബു പാവകൾ

 

കഴിഞ്ഞ കുറച്ച് കാലമായി ഏറ്റവും കൂടുതൽ തരംഗമായ പാവകളാണ് ലബുബു പാവകൾ. വലിയ കണ്ണുകളും കോൺ ആകൃതിയിലുള്ള ചെവികളും പ്രത്യേകമായ ഒരു ചിരിയുമുള്ള ഈ പാവകൾ രാക്ഷസ പാവകൾ പോലെ തോന്നിക്കുമെങ്കിലും ഇത് ഏറെ ജനപ്രിയമാണ്. 2015-ൽ ഹോങ്കോങ്ങ് കലാകാരനായ കാസിംഗ് ലംഗ് നിർമ്മിച്ച ഈ കളിപ്പാട്ടം നേരത്തെ വിപണിയിൽ ഉണ്ടെങ്കിലും കഴിഞ്ഞ കുറച്ച് ദിവസമായി സോഷ്യൽ മീഡിയയിൽ ഏറെ ട്രെൻഡിങ്ങാണ്.

2015-ല്‍ 'ദി മോണ്‍സ്റ്റേഴ്‌സ്' എന്ന തന്റെ പുസ്തക പരമ്പരയ്ക്ക് വേണ്ടിയാണ് കാസിംഗ് ലംഗ് ഈ പാവകൾ നിർമിക്കുന്നത്. അരികുകളിൽ കൂര്‍ത്ത പല്ലുകളുള്ള ഈ കുഞ്ഞന്‍ പാവ ചിലര്‍ക്ക് ഭംഗിയുള്ളതായും മറ്റു ചിലര്‍ക്ക് ഭയപ്പെടുത്തുന്നതായും തോന്നുന്ന ഒന്നാണെങ്കിലും ലോകമാകെ ഇതിപ്പോള്‍ കോടികളുടെ ബിസിനസ്സാണ് നടത്തുന്നത്.

In Los Angeles’ La Puente area, a shop selling Labubu dolls—a sensation in the fashion world and on social media—was robbed. Thieves broke into the store and stole a collection of dolls worth over ₹26 lakh, causing a major loss to the business.