നോയിഡ: 36 ലക്ഷം രൂപ സ്ത്രീധനമായി വേണമെന്നാവശ്യപ്പെട്ട് യുവതിയെ ഭർത്താവും ഭർതൃവീട്ടുകാരും ചേർന്ന് മർദ്ദിച്ച് അവശയാക്കിയ ശേഷം തീകൊളുത്തി കൊലപ്പെടുത്തി. ഗ്രേറ്റർ നോയിഡയിലെ സിർസ ഗ്രാമത്തിൽ വ്യാഴാഴ്ച രാത്രിയാണ് ഞെട്ടിക്കുന്ന സംഭവം. നിക്കി എന്ന യുവതിയാണ് ഭർത്താവിന്റെയും ഭർതൃവീട്ടുകാരുടെയും ക്രൂര ആക്രമണത്തിന് ഇരയായി കൊല്ലപ്പെട്ടത്. മകന്റെ മുന്നിൽ വെച്ചാണ് യുവതിയെ തീകൊളുത്തി കൊലപ്പെടുത്തിയത്. സംഭവത്തിൽ യുവതിയുടെ ഭർത്താവ് വിപിനെ പൊലിസ് അറസ്റ്റ് ചെയ്തു. 

സംഭവത്തിന് ശേഷം ഒളിവിൽ പോയ വിപിന്റെ വീട്ടുകാർക്കായി പൊലിസ് തിരച്ചിൽ ആരംഭിച്ചു. ഗുരുതരമായി പൊള്ളലേറ്റ യുവതിയെ ആദ്യം പ്രവേശിപ്പിച്ച ആശുപത്രിയിൽ നിന്ന് ഡൽഹിയിലെ സഫ്ദർജംഗ് ആശുപത്രിയിലേക്ക് അടിയന്തര ചികിത്സയ്ക്കായി റഫർ ചെയ്തെങ്കിലും യാത്രാമധ്യേ മരണപ്പെടുകയായിരുന്നു. കൊല്ലപ്പെട്ട യുവതിയുടെ സഹോദരി ഭർതൃവീട്ടുകാർക്കെതിരെ വിശദമായ മൊഴി നൽകിയിട്ടുണ്ട്. കൊലപാതകത്തിൽ സഹോദരിയുടെ പരാതിയുടെ അടിസ്ഥാനത്തിലാണ് കേസ് രജിസ്റ്റർ ചെയ്തതെന്ന് അഡീഷണൽ ഡെപ്യൂട്ടി കമ്മീഷണർ സുധീർ കുമാർ പറഞ്ഞു.

ALSO READ: വാഹന ഉടമകൾ ശ്രദ്ധിക്കുക: ആധാറുമായി ബന്ധിപ്പിച്ച മൊബൈൽ നമ്പർ പരിവാഹൻ പോർട്ടലിൽ അപ്ഡേറ്റ് ചെയ്യണം 

പരാതിയിൽ യുവതിയുടെ ഭർത്താവിന്റെ സഹോദരി രോഹിത് ഭാട്ടി, വിപിന്റെ അമ്മ ദയ, പിതാവ് സത്വീർ എന്നിവർക്കെതിരെ കസ്ന പൊലിസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്. യുവതിയെ തീകൊളുത്തി കൊലപ്പെടുത്തുന്നതിന്റെ ‍ഞെട്ടിക്കുന്ന വീഡിയോ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. എന്നാൽ ദൃശ്യം പകർത്തിയത് ആരാണെന്നതിനെ കുറിച്ചുള്ള വിവരങ്ങൾ ലഭ്യമല്ല. 

വീഡിയോയിൽ യുവതിയെ ഭർത്താവ് വിപിനും മറ്റൊരു സ്ത്രീയും മുടിവലിച്ച് ആക്രമിക്കുന്നത് കാണാം. ഭർത്താവിന്റെ വയറ്റിലും പുറത്തും രക്തപ്പാടുകൾ ഉള്ളതും ദൃശ്യങ്ങളിൽ വ്യക്തമാണ്. അതേസമയം വീടിന്റെ മുകൾ നിലയിൽ നിന്നായിരിക്കാം യുവതിയെ കൊലപ്പെടുത്തിയത് എന്ന സംശയവും ഉയരുന്നുണ്ട്, കാരണം തീപിടിച്ച നിലയിൽ യുവതി പടികൾ ഇറങ്ങി താഴേക്ക് ചാടുന്നതും, പൊള്ളലേറ്റ് കിടക്കുന്നതും ദൃശ്യങ്ങളിൽ കാണാം.

ALSO READ: റാഗിംങ്: വയനാട്ടിൽ എട്ടാം ക്ലാസ് വിദ്യാർഥിയ്ക്ക് നേരെ പ്ലസ് വൺ വിദ്യാർഥികളുടെ ക്രൂര മർദനം

2016-ലാണ് യുവതിയുടെയും വിപിന്റെയും വിവാഹം നടന്നത്. അതേസമയം യുവതിയുടെ സഹോദരിയും വിപിന്റെ സഹോദരനുമായും വിവാഹം നടന്നിരുന്നതും ശ്രദ്ധേയമാണ്. വിവാഹം കഴിഞ്ഞ് ആറ് മാസത്തിനുള്ളിൽ ഭർതൃവീട്ടുകാർ സ്ത്രീധനത്തിന്റെ പേരിൽ പീഡനം ആരംഭിച്ചതായി സഹോദരി പറയുന്നു. തന്നെയും മർദിക്കാറുണ്ടായിരുന്നതായും സഹോദരി പൊലിസിന് മുമ്പാകെ മൊഴി നൽകി നൽകിയിട്ടുണ്ട്. സംഭവത്തിൽ പ്രതികളെ ഉടൻ അറസ്റ്റ് ചെയ്യണമെന്നാവശ്യപ്പെട്ട് പൊലിസ് സ്റ്റേഷന് മുന്നിൽ പ്രതിഷേധം നടന്നു.

In Greater Noida. a woman named Nikki was brutally beaten and set on fire by her husband. and in-laws over dowry demands. in front of her son. Disturbing videos show her burning and collapsing. Her husband, Vipin, has been arrested, while other in-laws are absconding