സേമിയ എല്ലാവര്‍ക്കും ഇഷ്ടമാണ്. പ്രത്യേകിച്ചു കുട്ടികള്‍ക്ക്. ഇതിലേക്ക് പച്ചക്കറികളും നട്‌സും ഇട്ടു കൊടുത്തുള്ള അടിപൊളി ഹെല്‍തിയായ ഒരു ഫുഡാണിത്. രാവിലെയോ അല്ലെങ്കില്‍ രാത്രിയോ ഒരു നേരത്തെ ഭക്ഷണമായി ഇതു കഴിക്കാവുന്നതാണ്. തടികുറയ്ക്കുന്നവര്‍ക്ക് പ്രത്യേകിച്ച് ഉപകാരപ്പെടും.

സേമിയ- ഒരു കപ്പ്
നെയ്യ് - 2 ടേബിള്‍ സ്പൂണ്‍
നെല്‍ക്കടല- 15
അണ്ടിപ്പരിപ്പ് -10
സവാള -1
ജിരകം- കാല്‍ ടീസ്പൂണ്‍

കായപ്പൊടി - ഒരു നുള്ള്
ബീന്‍സ്, കാപ്‌സിക്കം, കാരറ്റ് - എല്ലാം കൂടെ ഒരു കപ്പ്
മുളകു പൊടി - ഒരു സ്പൂണ്‍
മഞ്ഞള്‍പൊടി - അര സ്പൂണ്‍
ഗരം മസാല പൊടി - കാല്‍ ടീസ്പൂണ്‍
മല്ലിയില- 5 തണ്ട്
നാരങ്ങാനീര് - പകുതി

 ALSO READ: ബ്രഡ് പൊക്കൊവട... കിടിലന്‍ രുചിയില്‍ എളുപ്പത്തില്‍ തയാറാക്കാം

ഉണ്ടാക്കുന്നവിധം

ഒരു പാന്‍ ചൂടാക്കി അതിലേക്ക് ഒരു സ്പൂണ്‍ നെയ്യൊഴിച്ചു കൊടുക്കുക. ശേഷം സേമിയ ചേര്‍ത്ത് നന്നായി വഴറ്റിയെടുക്കുക. ഇത് മാറ്റിവച്ച് വേറൊരു പാനില്‍ അല്‍പം നെയ്യൊഴിച്ച് ചൂടാകുമ്പോള്‍ കടുകിട്ട് പൊട്ടിക്കുക. അതിലേക്ക് നെല്‍ക്കടല, അണ്ടിപരിപ്പ്, ജീരകം, ഒരു നുള്ള് കായപ്പൊടി, കറിവേപ്പില ഇട്ട് നന്നായി വഴറ്റുക.

സവാള അരിഞ്ഞതും പച്ചമുളകും ഇട്ട് ഒന്നു കൂടെ വഴറ്റുക. ഇതിലേക്ക് അരിഞ്ഞുവച്ച ക്യാരറ്റ്, ബീന്‍സ്, ക്യാപ്‌സിക്കം എന്നിവയിട്ട് നന്നായി വഴറ്റുക. ഇതിലേക്ക് മഞ്ഞപൊടി, മല്ലിപ്പൊടി, മുളകു പൊടി, ഗരം മസാല, ഉപ്പ് എന്നിവയിട്ട് ഇളക്കുക. ശേഷം കുറച്ച് വെള്ളമൊഴിച്ച് വീണ്ടും വേവിക്കുക. ഇതിലേക്ക് സേമിയ ഇട്ടു കൊടുക്കുക.

മൂടിവച്ച് കുറച്ചു നേരം വേവിക്കുക.  വെള്ളം വറ്റി ക്കഴിഞ്ഞാല്‍ തീ ഓഫ് ചെയ്യുക. ഇനി മുകളില്‍ മല്ലിയിലയും നാരങ്ങനീരും ഒഴിച്ച് ഇളക്കിക്കൊടുക്കുക.  അടിപൊളി രുചിയില്‍ ഹെല്‍തിയായ ഭക്ഷണമാണിത്, എല്ലാവര്‍ക്കും ഇഷ്ടമാവുകയും ചെയ്യും. 

Semiya (vermicelli) is a favorite dish for many, especially children. When prepared with vegetables and nuts, it becomes not only delicious but also a nturitious and balanced meal. This version of semiya can be enjoyed for breakfast or dinner and is particularly helpful for those aiming for weight loss, as it's light and filling.