ഡെറാഡൂണ്‍: ഇന്നലെ രാവിലെ ഉത്തരാഖണ്ഡിലെ ഹല്‍ദ്വാനി പര്‍വത മേഖലയിലൂടെ കാറില്‍ സഞ്ചരിക്കുകയായിരുന്ന ആരോഗ്യവകുപ്പ് ഉദ്യോഗസ്ഥന്റെ വാഹനത്തിന് മുകളില്‍ വീണത് പടുകൂറ്റന്‍ പാറക്കല്ല്. കല്ല് വാഹനത്തിന്റെ മുന്‍ഭാഗം തകര്‍ത്തെങ്കിലും കാറിലുണ്ടായിരുന്ന രണ്ട് യാത്രക്കാരും തലനാരിഴയ്ക്ക് രക്ഷപ്പെട്ടെന്നാണ് റിപോര്‍ട്ടുകള്‍ പറയുന്നത്.

റോഡിന് നടുവില്‍ പാറക്കല്ല് വീണ് മുന്‍ഭാഗം തകര്‍ന്ന വാഹനത്തിന്റെ ദൃശ്യങ്ങള്‍ സമൂഹ മാധ്യമങ്ങളില്‍ വൈറലായിരിക്കുകയാണ്. വാഹനത്തില്‍ ഡ്രൈവറടക്കം രണ്ട് യാത്രക്കാരാണ് ഉണ്ടായിരുന്നതെന്നും സാരമായ പരിക്കേറ്റ ഇരുവരെയും അടുത്തുള്ള ആശുപത്രിയിലെത്തിച്ചെന്നും റിപോര്‍ട്ടുകള്‍ പറയുന്നു.

പര്‍വതത്തിന്റെ മുകളില്‍ നിന്നും ഉരുണ്ടിറങ്ങിയ ഭീമാകാരമായ പാറക്കല്ല് മുന്നോട്ട് നീങ്ങുകയായിരുന്ന വാഹനത്തിന്റെ മുന്‍ഭാഗത്ത് വന്ന് വീഴുകയായിരുന്നു. ഇന്നലെ രാവിലെ 8:30 ഓടെ ഭുജിയാഗട്ടിലാണ് സംഭവം നടന്നത്.

നൈനിറ്റാള്‍ ഹൈക്കോടതിയില്‍ ആരോഗ്യ പരിശോധനാ കൗണ്ടര്‍ സ്ഥാപിക്കാന്‍ പോകുകയായിരുന്ന ഹെല്‍ത്ത് ഓഫിസറാണ് അപകടത്തില്‍പ്പെട്ടതെന്നാണ് റിപ്പോര്‍ട്ടുകള്‍ പറയുന്നത്. രാവിലെ ഭുജിയഘട്ട് പര്‍വതനിരയിലൂടെ വാാഹനം കടന്നുപോകുമ്പോള്‍, ഒരു വലിയ പാറക്കല്ല് ഭൂപ്രദേശത്ത് നിന്ന് തെന്നിമാറി വാഹനത്തിനുമേല്‍ പതിക്കുകയായിരുന്നു.

ALSO READ: പാക്കിസ്താനിൽ ചാവേർ ബോംബ് സ്ഫോടനം; 11 പേർ കൊല്ലപ്പെട്ടു, 30ലേറെ പേർക്ക് പരുക്ക്

 വാഹനത്തിന്റെ മുകള്‍ഭാഗത്ത് വീണതിനാല്‍ വലിയ പരിക്കില്ലാതെ യാത്രക്കാര്‍ രക്ഷപ്പെടുകയും ചെയ്തു. ഈ സമയം പ്രദേശത്ത് മഴ പെയ്തിരുന്നെന്നും റിപോര്‍ട്ടില്‍ പറയുന്നു. ഈ വഴി പിന്നാലെയെത്തിയ മറ്റ് യാത്രക്കാര്‍ പകര്‍ത്തിയ ദൃശ്യങ്ങളാണ് സമൂഹ മാധ്യമങ്ങളില്‍ വൈറലായിരിക്കുന്നത്.

ഉത്തരാഖണ്ഡ് ഉള്‍പ്പെടുന്ന ഉത്തരേന്ത്യയില്‍ കനത്ത മഴയും പ്രളയവും രൂക്ഷമായിരിക്കുകയാണ്. വന്യജീവികള്‍ അടക്കം പ്രളയത്തില്‍ മുങ്ങി മരിച്ച ദൃശ്യങ്ങള്‍ സമൂഹ മാധ്യമങ്ങളില്‍ വൈറലുമാണ്. പഞ്ചാബില്‍ ഹെക്ടര്‍ കണക്കിന് പാടങ്ങളാണ് വെള്ളത്തിലായത്.

ഉത്തരാഖണ്ഡിലെ വിവിധ പ്രദേശങ്ങളില്‍ അതിശക്തമായ മഴയോടൊപ്പം ശക്തമായ കാറ്റും, ഇടിമിന്നലുമുണ്ടാകുമെന്ന് ഇന്ത്യന്‍ കാലാവസ്ഥാ വകുപ്പ് മുന്നറിയിപ്പും നല്‍കി. വിനോദസഞ്ചാരികളും പ്രദേശവാസികളും ജാഗ്രത പാലിക്കാനും അനാവശ്യ യാത്രകള്‍ ഒഴിവാക്കാനും മുന്നറിയിപ്പില്‍ പറയുന്നുണ്ട്.

In a terrifying incident in the hilly region of Bhujiyaghat, Haldwani (Uttarakhand), a massive boulder rolled down from a mountain and crashed onto a moving car carrying two passengers, including a health department officer. The boulder crushed the front portion of the vehicle, but both occupants narrowly escaped death, suffering minor injuries. They were quickly transported to a nearby hospital for treatment.