ദുബൈ: 2025 അവസാനിക്കുന്നതിന് മുമ്പ് യുഎഇയിലെ താമസക്കാർക്ക് രണ്ട് പ്രധാന പൊതു അവധി ദിനങ്ങൾ മാത്രമാണ് ഇനി ബാക്കിയുള്ളത്. 2024-ലെ യുഎഇ കാബിനറ്റ് പ്രമേയം നമ്പർ 27 പ്രകാരം, രാജ്യത്ത് എല്ലാ വർഷവും പൊതു-സ്വകാര്യ മേഖലകൾക്കായി 12 ഔദ്യോഗിക പൊതു അവധി ദിനങ്ങളാണ് നൽകികൊണ്ടിരിക്കുന്നത്.

ALSO READ: ഫുഡ് ഡെലിവറി ആപ്പുകള്‍ക്ക് നിയന്ത്രണങ്ങള്‍ ഏര്‍പ്പെടുത്തി ദുബൈ; നടപടി ഡിജിറ്റല്‍ പ്ലാറ്റ്‌ഫോമുകളിലെ ഉപഭോക്തൃ വിശ്വാസം വര്‍ധിപ്പിക്കാന്‍ 

2025-ൽ ശേഷിക്കുന്ന പൊതു അവധി ദിനങ്ങൾ

നബി ദിനം–സെപ്റ്റംബർ 5, വെള്ളിയാഴ്ച (ഒരു ദിവസത്തെ അവധി)

പ്രവാചകന്റെ ജന്മദിനം ആഘോഷിക്കുന്ന സെപ്റ്റംബർ 5 വെള്ളിയാഴ്ച രാജ്യത്ത് ഔദ്യോഗിക പൊതു അവധിയാണ്. മാനവ വിഭവശേഷി, സ്വദേശിവൽക്കരണ മന്ത്രാലയ (MoHRE) ത്തിന്റെ അറിയിപ്പ് പ്രകാരം സ്വകാര്യ മേഖലയ്ക്കും, ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്‌സസ് അറിയിപ്പ് പ്രകാരം പൊതുമേഖലയ്ക്കും ഈ ദിനം അവധിയാണ്. ഇതോടെ താമസക്കാർക്ക് വെള്ളിയാഴ്ചയും ശനി, ഞായർ ദിവസങ്ങളും ചേർന്ന് മൂന്ന് ദിവസത്തെ നീണ്ട വാരാന്ത്യം ലഭിക്കും.

യുഎഇ ദേശീയ ദിനം (ഈദ് അൽ ഇത്തിഹാദ്) – ഡിസംബർ 2, 3 (ചൊവ്വ, ബുധൻ) 

രാജ്യത്തെ താമസക്കാർക്ക് യുഎഇ ദേശീയ ദിനം ആഘോഷിക്കാൻ ഡിസംബർ 2, 3 തീയതികളിൽ രണ്ട് ദിവസത്തെ അവധി ലഭിക്കും. ഈ ദിനങ്ങൾ 2025-ൽ ചൊവ്വ, ബുധൻ ദിവസങ്ങളിൽ വരുന്നതിനാൽ, ദൈർഘ്യമേറിയ വാരാന്ത്യം ലഭിക്കാൻ സാധ്യതയുണ്ട്. ഇത്തവണ അനുസ്മരണ ദിനം ഔദ്യോഗികമായി നവംബർ 30 ഞായറാഴ്ച ആചരിക്കുമെങ്കിലും, സാധാരണയായി ഇത് ഡിസംബർ 1 തിങ്കളാഴ്ചയാണ് ആഘോഷിക്കാറുള്ളത്. ഇതോടെ ഡിസംബർ 1 മുതൽ 4 വരെ നാല് ദിവസത്തെ വാരാന്ത്യം ലഭിച്ചേക്കാം. ഡിസംബർ 1 തിങ്കളാഴ്ച അധിക അവധി ദിനമായി പ്രഖ്യാപിച്ചാൽ, വെള്ളിയാഴ്ച മുതൽ ബുധനാഴ്ച വരെ അഞ്ച് ദിവസത്തെ നീണ്ട അവധി ലഭിക്കാനും സാധ്യതയുണ്ട്.

ALSO READ: കണ്ടന്റ് ക്രിയറ്റർ മാർക്ക് സുവർണാവസരം; ദുബൈ എക്സ്പോ സിറ്റിയിലെ ആലിഫ് ചലഞ്ച്; 100,000 ദിർഹം സമ്മാനവും മികച്ച ജോലിയും നേടാം 

പൊതു അവധി ദിനങ്ങൾ നിശ്ചയിക്കുന്ന് എങ്ങനെ?

2024-ലെ കാബിനറ്റ് പ്രമേയം നമ്പർ 27 പ്രകാരം, ഈദ് അവധികൾ ഒഴികെ മറ്റ് പൊതു അവധി ദിനങ്ങൾ ഔദ്യോഗിക പ്രമേയത്തിലൂടെ ആഴ്ചയുടെ തുടക്കത്തിലേക്കോ അവസാനത്തിലേക്കോ മാറ്റാൻ യുഎഇ മന്ത്രിസഭയ്ക്ക് അധികാരമുണ്ട്. എന്നാൽ, ഒരു പൊതു അവധി മറ്റൊരു അവധി ദിനവുമായോ വാരാന്ത്യവുമായോ ഒത്തുവന്നാൽ അത് മാറ്റാനാവില്ല.

പ്രാദേശിക സ്വയംഭരണ സ്ഥാപനങ്ങൾക്ക് പ്രത്യേക അവസരങ്ങളിലോ ഭരണപരമായ ആവശ്യങ്ങൾക്കോ വേണ്ടി അധിക അവധി ദിനങ്ങൾ പ്രഖ്യാപിക്കാനും അനുമതിയുണ്ട്.

The UAE marks its next public holiday today, with officials confirming that the remaining public holidays of 2025 will coincide with this celebration. Residents across the Emirates are preparing for extended breaks, family gatherings, and travel plans as part of the official holiday calendar.