ഓരോ വര്‍ഷവും കാന്‍സര്‍ മൂലം ലോകത്ത് മരിക്കുന്നത് ദശലക്ഷക്കണക്കിനാളുകളാണ്. ജീവിത ശൈലിയിലുണ്ടാകുന്ന മാറ്റവും ഉയര്‍ന്ന സമ്മര്‍ദ്ദവുമെല്ലാം ഈ രോഗത്തിന്റെ വ്യാപ്തിയും കൂട്ടുമെന്ന് ആരോഗ്യവിദഗ്ധരും പറയുന്നു.

അരമണിക്കൂര്‍ വ്യായാമം ചെയ്താല്‍ കാന്‍സര്‍ കോശങ്ങളുടെ വളര്‍ച്ചയെ 30 ശതമാനത്തോളം കുറയ്ക്കാന്‍ കഴിയുമെന്നാണ് അടുത്തിടെ നടത്തിയ പഠനവും തെളിയിച്ചത്. എഡിത്ത് കോവന്‍ യൂണിവേഴ്‌സിറ്റിയിലെ പിഎച്ച്ഡി വിദ്യാര്‍ഥിയായ ഫ്രാന്‍സെസ്‌കോ ബെറ്റാരിഗ നടത്തിയ പഠനത്തിലാണ് ഇക്കാര്യം കണ്ടെത്തിയിരിക്കുന്നത്. 

അര മണിക്കൂര്‍ നീണ്ടു നില്‍ക്കുന്ന വ്യായാമം കാന്‍സര്‍ വിരുദ്ധ പ്രോട്ടീനുകളെ പുറത്തുവിടുകയും കാന്‍സര്‍ കോശങ്ങളുടെ വളര്‍ച്ച തടയുകയും രോഗപ്രതിരോധത്തെ ശക്തിപ്പെടുത്താനും സഹായിക്കുമെന്നും പഠനത്തില്‍ പറയുന്നു. സ്തനാര്‍ബുദത്തെ അതിജീവിച്ചവരിലാണ് ഗവേഷകര്‍ പഠനം നടത്തിയത്.

 ALSO READ: കുടവയറ് കുറയുന്നില്ലെങ്കില്‍ ഈ ശീലങ്ങള്‍ ഒഴിവാക്കണം... വയറില്‍ കൊഴുപ്പ് അടിഞ്ഞു കൂടുന്നത് ആരോഗ്യത്തിന് നല്ലതല്ല

30 മിനിറ്റ് നീണ്ടുനില്‍ക്കുന്ന തീവ്രമായ വ്യായാമത്തിന് ശേഷവും അതിനു മുമ്പും അവരിലെ മയോകിന്റെ അളവ് പരിശോധിച്ചുകൊണ്ടായിരുന്നു പഠനം നടത്തിയത്. അരമണിക്കൂര്‍ വ്യായാമം നടത്തിയ ശേഷം പരിശോധിച്ച രക്തപരിശോധനയില്‍ മയോകിനുകളുടെ അളവു കൂടുന്നതായി കണ്ടെത്തി.

 പേശികളില്‍ നിന്ന് പുറത്തുവിടുന്ന ഈ പ്രോട്ടീനുകള്‍ കാന്‍സര്‍ കോശങ്ങളുടെ വ്യാപനം 20 മുതല്‍ 30 ശതമാനം വരെ കുറയ്ക്കുകയും ചെയ്യുമെന്ന് ഗവേഷകര്‍ പറയുന്നു. കാന്‍സര്‍ ചികിത്സയ്ക്കിടയിലോ ശേഷമോ മരുന്നു പോലെ തന്നെ വ്യായാമത്തിനും പ്രാധാന്യമുണ്ടെന്ന് നേരത്തേയും നിരവധി തെളിവുകളുണ്ടെന്നാണ് ഗവേഷകര്‍ പറയുന്നത്.

കാന്‍സറിനെ അതിജീവിച്ചവരില്‍ സ്ഥിരവും നിരന്തരവുമായ വ്യായാമത്തിലൂടെയും കൊഴുപ്പ് കുറയ്ക്കുന്നതിലൂടെയും ശരീരത്തിന്റെ ഭാരം വീണ്ടെടുക്കാനും സഹായിക്കുമെന്നും ഗവേഷകര്‍ പറയുന്നു. നിരന്തരമായുള്ള വ്യായാമം വീണ്ടും കാന്‍സര്‍ വരാനുള്ള സാധ്യതയെ കുറയ്ക്കുന്നതുമാണ്.

ഭക്ഷണക്രമത്തിലൂടെയും ശരീരത്തിന്റെ ഭാരം കൂടുന്നത് തടയാമെങ്കിലും പേശികളെ സംരക്ഷിക്കാന്‍ കഴിയില്ല. നിരന്തരമായ കാന്‍സര്‍ ചികിത്സകള്‍ മൂലം ശരീരത്തിന്റെ രോഗപ്രതിരോധ ശേഷിയും കുറയും, ഇതും വ്യായാമത്തിലൂടെയേ പരിഹരിക്കാനാവൂ എന്നാണ് പുതിയ പഠനങ്ങള്‍ പറയുന്നത്. 

Millions of people die globally from cancer every year. Health experts believe that lifestyle changes and increasing mental stress are contributing to the rise in cancer cases. A recent study led by PhD student Francesco Bettariga at Edith Cowan University found that just 30 minutes of exercise can reduce the growth of cancer cells by up to 30%. The research focused on breast cancer survivors and found that intense physical activity triggers the release of anti-cancer proteins called myokines from muscles, which help: Inhibit cancer cell growth. Boost the immune system