ദുബൈ: യുഎഇയിലെ ഏറ്റവും കുറഞ്ഞ വിശ്വാസ്യതയുള്ളവർ ഇൻഫ്ലുവൻസർമാരാണെന്ന് പുതിയ സർവേ റിപ്പോർട്ട്. ഇൻസൈറ്റ് ഡിസ്കവറിയുടെ ഏഴാമത് ‘വേർസ്റ്റ് റെപ്യുട്ടേഷൻ ഇൻ ദി യുഎഇ’ റിപ്പോർട്ടിന്റെ ഭാ​ഗമായ 1,025 യുഎഇ നിവാസികളിൽ 21 ശതമാനം പേരും ഇൻഫ്ലുവൻസർമാരെയാണ് ഏറ്റവും കുറഞ്ഞ വിശ്വാസ്യതയുള്ളവരായി തിരഞ്ഞെടുത്തത്. ടെലിമാർക്കറ്റർമാർ, ക്രെഡിറ്റ് കാർഡ് വിതരണക്കാർ, റിയൽ എസ്റ്റേറ്റ് ബ്രോക്കർമാർ എന്നിവരെ പിന്തള്ളിയാണ് സോഷ്യൽ മീഡിയാ ഇൻഫ്ലുവൻസർമാർ ഏറ്റവും വിശ്വാസ്യത കുറഞ്ഞവരായി മാറിയത്.

ALSO READ: കണ്ടന്റ് ക്രിയറ്റർ മാർക്ക് സുവർണാവസരം; ദുബൈ എക്സ്പോ സിറ്റിയിലെ ആലിഫ് ചലഞ്ച്; 100,000 ദിർഹം സമ്മാനവും മികച്ച ജോലിയും നേടാം 

കഴിഞ്ഞ ആറ് വർഷത്തിനിടെ ക്രെഡിറ്റ് കാർഡ് ഇഷ്യൂവർമാരും റിക്രൂട്ട്മെന്റ് കമ്പനികളും വിശ്വാസ്യതയുടെ കാര്യത്തിൽ ഏറ്റവും പുറകിലായിരുന്നു. എന്നാൽ, ഇൻഫ്ലുവൻസർമാർ ഈ ‘നേട്ടം’ കൈവരിച്ചത് അവരുടെ ഇടപെടലുകളിലെ സുതാര്യതയുടെ അഭാവവും പ്രമോഷനുകളും തെറ്റിദ്ധരിപ്പിക്കുന്ന ഉപദേശങ്ങളും സംബന്ധിച്ച് പൊതുജനങ്ങളുടെ ആശങ്ക വർധിച്ചതിന്റെ തെളിവാണ്.

‘ഫിൻഫ്ലുവൻസർമാർ’ക്കെതിരെ വിമർശനം ശക്തം

“ഈ ഫലങ്ങൾ വ്യവസായത്തിന്റെ ഉണർവിന് വിളിയാണ്. പ്രേക്ഷകർക്ക് ചില ഇൻഫ്ലുവൻസർമാരുടെ പെരുമാറ്റം മടുത്തു. പ്രത്യേകിച്ച്, ‘ഫിൻഫ്ലുവൻസർമാർ’ നൽകുന്ന നിയന്ത്രണമില്ലാത്ത ഓൺലൈൻ ഉപദേശങ്ങൾ, അപകടകരമായ നിക്ഷേപ പദ്ധതികൾ പ്രോത്സാഹിപ്പിക്കുന്നത്, ജനങ്ങൾ ഇക്കാര്യങ്ങളെല്ലാം ശ്രദ്ധിക്കുന്നുണ്ട്.” ഇൻസൈറ്റ് ഡിസ്കവറിയുടെ സിഇഒ നിഗൽ സില്ലിറ്റോ പറഞ്ഞു.

സർവേ പ്രകാരം, 19 ശതമാനം നെഗറ്റീവ് റേറ്റിംഗോടെ ടെലിമാർക്കറ്റർമാരും കോൾ സെന്ററുകളും രണ്ടാം സ്ഥാനത്തെത്തി. ക്രെഡിറ്റ് കാർഡ് വിതരണക്കാർ (13 ശതമാനം), റിക്രൂട്ട്മെന്റ് കമ്പനികൾ (11 ശതമാനം), റിയൽ എസ്റ്റേറ്റ് ഏജന്റുമാർ (8 ശതമാനം) എന്നിവരാണ് ടെലിമാർക്കറ്റർമാർക്ക് പിന്നിൽ. 10 ശതമാനം പേരാണ് റിയൽ എസ്റ്റേറ്റ് ഏജന്റുമാർക്ക് പ്രതികൂല റേറ്റിംഗ് നൽകിയത്.

പാശ്ചാത്യർ, അറബ് പ്രവാസികൾ, ഇമാറാത്തികൾ എന്നിവർ ഇൻഫ്ലുവൻസർമാരെ ഏറ്റവും കുറഞ്ഞ വിശ്വാസ്യതയുള്ളവരായി കണക്കാക്കിയപ്പോൾ, ഏഷ്യക്കാർ ടെലിമാർക്കറ്റർമാരെയാണ് ഏറ്റവും വിശ്വാസ്യത കുറഞ്ഞവരായി തിരഞ്ഞെടുത്തത്. സാമ്പത്തിക ഉപദേഷ്ടാക്കൾ ഇമാറാത്തികൾക്കിടയിൽ 9 ശതമാനവും അബൂദബി നിവാസികൾക്കിടയിൽ 8 ശതമാനവുമാണ് നേടിയത്. 

ALSO READ: ഫുഡ് ഡെലിവറി ആപ്പുകള്‍ക്ക് നിയന്ത്രണങ്ങള്‍ ഏര്‍പ്പെടുത്തി ദുബൈ; നടപടി ഡിജിറ്റല്‍ പ്ലാറ്റ്‌ഫോമുകളിലെ ഉപഭോക്തൃ വിശ്വാസം വര്‍ധിപ്പിക്കാന്‍ 

ആഡംബര ഇൻഫ്ലുവൻസർമാരുടെ യുഗം അവസാനിക്കുകയാണോ?

‘നമ്മൾ എത്ര സമ്പന്നരാണ്’ എന്ന് പ്രഘോഷിക്കുന്ന ആഡംബര ഇൻഫ്ലുവൻസർമാരുടെ യുഗം മങ്ങുന്നതായി റിപ്പോർട്ടുകൾ വ്യക്തമാക്കുന്നു. 

“കഴിഞ്ഞ കുറച്ച് വർഷങ്ങളായി ഒരു വലിയ മാറ്റം ഞങ്ങൾ ശ്രദ്ധിക്കുകയാണ്. വൈവിധ്യത്തിന്റെയും എല്ലാവരെയും ഉൾക്കൊള്ളുന്നതിന്റെയും അഭാവം, സുസ്ഥിരതയെക്കുറിച്ചുള്ള ആശങ്കകൾ എന്നിവ ഇൻഫ്ലുവൻസർമാർക്കെതിരായ വിമർശനങ്ങൾക്ക് കാരണമായിട്ടുണ്ട്.” മാർക്കറ്റിംഗ്, മീഡിയ വ്യവസായ പ്രസിദ്ധീകരണമായ ദി ഡ്രമ്മിനോട് ദി ഗോട്ട് ഏജൻസിയിലെ കാമ്പെയ്ൻസ് ഇഎംഇഎ മേധാവി എമിലി ഹാൾ പറഞ്ഞു.

A new survey has revealed the least trustworthy job in the UAE, sparking debate among residents and professionals. The findings shed light on public perceptions of honesty and reliability in various sectors, raising questions about ethics, transparency, and workplace trust across the Emirates.