പാലക്കാട്: രാഹുല്‍ മാങ്കൂട്ടത്തിലിനെതിരായ കേസിന്റെ എഫ്.ഐ.ആര്‍ പുറത്ത്. രാഹുല്‍ മാങ്കൂട്ടത്തില്‍ ഗര്‍ഭഛിദ്രത്തിന് നിര്‍ബന്ധിച്ചെന്നാണ് എഫ്.ഐ.ആറില്‍ പറയുന്നത്.  അഞ്ച് പേരുടെ പരാതിയിലാണ് എഫ്.ഐ.ആര്‍ രജിസ്റ്റര്‍ ചെയ്തിരിക്കുന്നതെന്നാണ് സൂചന. അഞ്ച് പേരും മൂന്നാം കക്ഷികളാണ്. 18നും 60നും ഇടയില്‍ പ്രായമുള്ളവരാണ് ഇരകളെന്നും പൊലിസ് വ്യക്തമാക്കി. പത്ത് പരാതികള്‍ ലഭിച്ചിട്ടുണ്ടെന്നും പലതും ഗുരുതരമാണെന്നും പൊലിസ് പറഞ്ഞു.

സ്ത്രീകളെ നിരന്തരം ശല്യം ചെയ്തെന്ന വകുപ്പു ചുമത്തിയാണ് കഴിഞ്ഞ ദിവസം രാഹുല്‍ മാങ്കൂട്ടത്തിലിനെതിരെ ക്രൈംബ്രാഞ്ച് കേസെടുത്തത്. ഡി.ജി.പിക്കും വിവിധ സ്റ്റേഷനകളിലും ലഭിച്ച നിരവധി പരാതികളുടെ അടിസ്ഥാനത്തിലായിരുന്നു കേസ് രജിസ്റ്റര്‍ ചെയ്തത്.

ALSO READ: കുന്നംകുളത്ത് യൂത്ത് കോൺഗ്രസ് നേതാവിനെ പൊലിസ് മർദിച്ച സംഭവം: പ്രതികളായ പൊലിസുകാർക്ക് രക്ഷപ്പെടാൻ വഴിയൊരുക്കി പൊലിസ്, ദുർബല വകുപ്പുകൾ മാത്രം

ആരോപണങ്ങളുടെ പശ്ചാത്തലത്തില്‍ രാഹുല്‍ മാങ്കൂട്ടത്തിലിനെ കോണ്‍ഗ്രസ് തങ്ങളുടെ പ്രാഥമികാംഗത്വത്തില്‍ നിന്നും പുറത്താക്കിയിട്ടുണ്ട്. എന്നാല്‍  എം.എല്‍.എ സ്ഥാനം രാജിവെച്ചിട്ടില്ല. ഇതിനൊപ്പം പാര്‍ലമെന്ററി പാര്‍ട്ടിയില്‍ നിന്നും രാഹുലിനെ ഒഴിവാക്കുമെന്ന് റിപ്പോര്‍ട്ടുകളുണ്ട്. വരുന്ന തെരഞ്ഞെടുപ്പില്‍ രാഹുലിന് സീറ്റ് നല്‍കാതിരിക്കാനും തീരുമാനമായിട്ടുണ്ട്.

അംഗത്വം നഷ്ടമായതോടെ കോണ്‍ഗ്രസിനെ പ്രതിനിധീകരിച്ച് നിയമസഭയില്‍ പങ്കെടുക്കാന്‍ രാഹുല്‍ മാങ്കൂട്ടത്തിലിന് സാധിക്കില്ല. വ്യക്തിപരമായി രാജിവെക്കാത്തിടത്തോളം രാഹുലിന് സ്വതന്ത്ര എം.എല്‍.എയായി തുടരേണ്ടി വരും. രാഹുലുമായി ബന്ധപ്പെട്ട ഒരു വിവാദങ്ങളിലും മറുപടി പറയാനുള്ള ഉത്തരവാദിത്തവും ഇനി മുതല്‍ പാര്‍ട്ടിക്കില്ല. നിലവിലുള്ള ആരോപണങ്ങളിലെ നിയമനടപടി ഉള്‍പ്പെടെ രാഹുല്‍ മാങ്കൂട്ടത്തില്‍ വ്യക്തിപരമായി കൈകാര്യം ചെയ്യേണ്ടി വരും.

ALSO READ: രാഹുല്‍ മാങ്കൂട്ടത്തിലിന് നിയമസഭയിലെത്താം; നിലവില്‍ തടസങ്ങളില്ലെന്ന് സ്പീക്കര്‍

ALSO READ: ഇനിയും സംരക്ഷിച്ചാല്‍ തിരിച്ചടിയാകുമെന്ന് ആശങ്ക, രാഹുലിന്റെ രാജിക്കായി പാര്‍ട്ടിക്കുള്ളിലും സമ്മര്‍ദ്ദമെന്ന് സൂചന; ചെന്നിത്തലയും വി.ഡി സതീശനുമുള്‍പെടെ കൈവിട്ടു?