ദോഹയിലേക്ക് കടത്താനായി എത്തിച്ച ലഹരിമരുന്ന് പിടികൂടി കുവൈത്ത് ജനറൽ ഡിപ്പാർട്ട്മെന്റ് ഫോർ ഡ്രഗ് കൺട്രോൾ. പിടിച്ചെടുത്ത വസ്തുക്കളിൽ കഞ്ചാവ്, ഒരു ത്രാസ്, നിരവധി ശൂന്യമായ ബാഗുകൾ എന്നിവ ഉൾപ്പെടുന്നു.

മയക്കുമരുന്ന് കൈവശം വച്ചതിന് അറസ്റ്റിലായവർ

1) അബ്ദുല്ല ഗാലി സ്നൈദ് അൽ-ഖസീലി - കുവൈത്ത് നീതിന്യായ മന്ത്രാലയ ജീവനക്കാരൻ (കോടതി സെക്രട്ടറി). 

2) അഹമ്മദ് അബ്ദുൽ അസീസ് ഖാസിം അൽ-മത്രൂദ് - കുവൈത്ത് നീതിന്യായ മന്ത്രാലയ ജീവനക്കാരൻ.

3) ഹജ്റഫ് മുബാറക് സൈഫ് ഹബീബ് - കുവൈത്ത് നീതിന്യായ മന്ത്രാലയ ജീവനക്കാരൻ.

ALSO READ: വീണ്ടും ഫ്ലീറ്റ് വിപുലീകരണവുമായി ഖത്തർ എയർവേയ്സ്; 2025 അവസാനത്തോടെ വിവിധ റൂട്ടുകളിൽ 236 സീറ്റുകളുള്ള A321neo സർവിസ് ആരംഭിക്കും

അബ്ദുല്ല അൽ-ഖസീലിയുടെ വീട്ടിൽ നടത്തിയ തിരച്ചിലിനിടെ പ്രതിയുടെ കുടുംബാംഗങ്ങൾ സുരക്ഷാ ഉദ്യോഗസ്ഥരെ ശാരീരികമായി ആക്രമിച്ചു. അബ്ദുല്ലയുടെ അമ്മയും രണ്ട് സഹോദരിമാരും ഉദ്യോഗസ്ഥരെ ആക്രമിച്ചു. മറ്റൊരു സഹോദരി ഒരു ഗ്ലാസ് വാതിൽ ബലമായി തുറന്നതിനെ തുടർന്ന്, റെയ്ഡിനെത്തിയ ഉദ്യോഗസ്ഥന്റെ കൈയ്ക്ക് ഗുരുതരമായ മുറിവേറ്റു. പരുക്കേറ്റ ഉദ്യോഗസ്ഥനെ ആശുപത്രിയിൽ പ്രവേശിപ്പിച്ചു.

സുരക്ഷാ ഉദ്യോഗസ്ഥരെ ആക്രമിച്ചവർ

1) ഫാത്തിമ ഗാലി സ്നൈദ് അൽ-ഖസീലി - കുവൈത്ത് വിദ്യാഭ്യാസ മന്ത്രാലയ ജീവനക്കാരി.

2) അഹൂദ് ഗാലി സ്നൈദ് അൽ-ഖസീലി - കുവൈത്ത് പബ്ലിക് അതോറിറ്റി ഫോർ കൊമേഴ്സ് ആൻഡ് ഇൻഡസ്ട്രി ജീവനക്കാരി.

3) കരീമ അബ്ദുൽ റസാഖ് ഹസൻ - വീട്ടമ്മ.

ALSO READ: യുഎഇയിൽ ചാറ്റ് ഫീച്ചറുകൾ താൽക്കാലികമായി നിർത്തിവച്ച് റോബ്ലോക്സ്; തീരുമാനം കുട്ടികളുടെ ഡിജിറ്റൽ സുരക്ഷ വർധിപ്പിക്കാൻ

ഇവർ നടത്തിയത് ഗുരുതരമായ കുറ്റകൃത്യമാണെന്നും പ്രതികൾക്കെതിരെ ലഹരിക്കേസുകൾ മാത്രമല്ല ആക്രമണത്തിനും കേസെടുക്കുമെന്ന് ആഭ്യന്തര മന്ത്രാലയം വ്യക്തമാക്കി. സമൂഹത്തിന്റെ സുരക്ഷ ഉറപ്പാക്കാനും നിയമവാഴ്ച നിലനിർത്താനും സംഭവത്തിൽ ഉൾപ്പെട്ട എല്ലാവർക്കുമെതിരെ കർശനമായ നടപടികൾ സ്വീകരിക്കുമെന്ന് ആഭ്യന്തര മന്ത്രാലയം വ്യക്തമാക്കി.

The Kuwait General Department for Drug Control has successfully seized a consignment of drugs, including cannabis, meant for trade in Doha. The seized items also included a scale and several empty bags, suggesting an attempt to distribute the illicit substances.