കൊച്ചി: തൃശൂര്‍ പാലിയേക്കരയില്‍ ടോള്‍ പുനരാരംഭിക്കുന്നത് സംബന്ധിച്ച് ഇടക്കാല ഉത്തരവ് ഇന്ന് പുറപ്പെടുവിക്കുന്നില്ലെന്ന് ഹൈക്കോടതി. ടോള്‍ പിരിവ് പുരാരംഭിക്കുന്നതിലെ ഉത്തരവ് ഹൈക്കോടതി നീട്ടി. മുരിങ്ങൂരിലെ സര്‍വീസ് റോഡ് തകര്‍ന്നത് ചൂണ്ടിക്കാട്ടിയാണ് ഹൈക്കോടതി ഡിവിഷന്‍ ബെഞ്ചിന്റെ നടപടി. ഹരജികള്‍ വീണ്ടും വ്യാഴാഴ്ച പരിഗണിക്കും.

മുരിങ്ങൂരിലെ പ്രശ്‌നം പരിഹരിച്ചു വരികയാണെന്നും താല്‍ക്കാലിക റോഡിലൂടെ ഗതാഗതമുണ്ടെന്നും ദേശീയപാത അതോറിറ്റി അറിയിച്ചു.മുരിങ്ങൂരിലെ പ്രശ്‌നം പരിഹരിച്ചെങ്കിലും ഇക്കാര്യത്തില്‍ കളക്ടര്‍ റിപ്പോര്‍ട്ട് നല്‍കണം. ഇത് പരിശോധിച്ച് നല്‍കുന്ന റിപ്പോര്‍ട്ടിന്റെ അടിസ്ഥാനത്തില്‍ വിധി പറയാമെന്ന് കോടതി വ്യക്തമാക്കി. 

ടോള്‍ പിരിവ് പുനരാരംഭിക്കാന്‍ ദേശീയപാത അതോറിറ്റി സുപ്രീംകോടതിയെ സമീപിച്ചെങ്കിലും അനുകൂല ഉത്തരവുകള്‍ ഉണ്ടാവാതിരിക്കുകയായിരുന്നു. കടുത്ത ഗതാഗതക്കുരുക്ക് നേരിട്ട് സര്‍വീസ് റോഡുകള്‍ അടക്കം അറ്റകുറ്റപ്പണികള്‍ അവസാനഘട്ടത്തിലാണെന്ന് തൃശൂര്‍ ജില്ലാ കളക്ടര്‍ കഴിഞ്ഞദിവസം കോടതിയെ അറിയിച്ചിരുന്നു.

ദേശീയപാതയിലെ അറ്റകുറ്റപ്പണികള്‍ മൂലമുണ്ടായ ഗതാഗതക്കുരുക്കിന്റെ പശ്ചാത്തലത്തില്‍ 2025 ആഗസ്റ്റ് 6-ന് ഹൈക്കോടതി ഡിവിഷന്‍ ബെഞ്ച് പാലിയേക്കരയിലെ ടോള്‍ പിരിവ് നാലാഴ്ചത്തേക്ക് നിര്‍ത്തിവെക്കണമെന്ന് ഉത്തരവിട്ടിരുന്നു, ഇത് സുപ്രിം കോടതിയും ശരിവെച്ചു. പിന്നീട്, ടോള്‍ പിരിവ് 2025 സെപ്റ്റംബര്‍ 9 വരെ നീട്ടുകയായിരുന്നു. എന്നാല്‍, ഹരജിയില്‍ അന്തിമ തീരുമാനം വരുന്നതുവരെ ടോള്‍ പിരിവ് പുനഃസ്ഥാപിക്കില്ലെന്ന് കോടതി വ്യക്തമാക്കിയിരുന്നു.