കൊച്ചി: നെടുമ്പാശ്ശേരി വിമാനത്താവളത്തില്‍ വന്‍ ലഹരി വേട്ട. ആറു കോടി രൂപയുടെ ഹൈബ്രിഡ് കഞ്ചാവാണ് പിടികൂടിയത്. ബാങ്കോക്കില്‍ നിന്ന് സിംഗപ്പൂര്‍ വഴി ഹൈബ്രിഡ് കഞ്ചാവ് കടത്തുകയായിരുന്നു. കൊടുങ്ങല്ലൂര്‍ സ്വദേശി അബ്ദുല്‍ ജലീല്‍ ജസ്മാനാണ് പിടിയിലായത്. ഇന്ന് പുലര്‍ച്ചെയാണ് ഫാഷന്‍ ഡിസൈനറായ അബ്ദുല്‍ ജലീല്‍ ജസ്മാന്‍ കസ്റ്റംസിന്റെ പിടിയിലാകുന്നത്.

ബാഗില്‍ പ്രത്യേക അറകളിലായാണ് കഞ്ചാവ് സൂക്ഷിച്ചുവച്ചിരുന്നത്. രഹസ്യവിവരം ലഭിച്ചതിന്റെ അടിസ്ഥാനത്തിലായിരുന്നു പരിശോധന. ഇയാളെ കസ്റ്റഡിയിലെടുത്ത് ചോദ്യം ചെയ്തുവരികയാണ്. ജസ്മാന്റെ കൈയില്‍ നിന്ന് കഞ്ചാവ് വാങ്ങാനായി മറ്റൊരു സംഘം വിമാനത്താവളത്തില്‍ എത്തിയിരുന്നതായും കസ്റ്റംസ് സംശയിക്കുന്നുണ്ട്.

 ALSO READ: മരം വെട്ടുന്നതിനിടെ ഇടിമിന്നലേറ്റ് ആലപ്പുഴയില്‍ തൊഴിലാളി മരിച്ചു; ഒരാള്‍ക്ക് ഗുരുതരമായി പരിക്കേറ്റു

എന്നാല്‍ തിരുവനന്തപുരം കോവളത്ത് 190 ഗ്രാം എംഡിഎംഎയുമായി സഹോദരങ്ങളും പിടിയിലായി. ശ്രീകാര്യം സ്വദേശികളായ സാബു, രമ്യ എന്നിവരാണ് പിടിയിലായിരിക്കുന്നത്. ഡാന്‍സാഫ് സംഘത്തിന്റെ പരിശോധനയിലാണ് ഇരുവരും അറസ്റ്റിലായത്.

In a major drug seizure at Nedumbassery (Cochin International Airport), customs officials confiscated hybrid cannabis worth ₹6 crore. The contraband was smuggled in from Bangkok via Singapore. The accused, Abdul Jaleel Jasman, a fashion designer from Kodungallur, was caught early today. The cannabis was concealed in specially designed compartments in his luggage. Acting on a tip-off, customs officers conducted a thorough inspection and discovered the hidden drugs.