ഇലോൺ മസ്കിന്റെ ആർട്ടിഫിഷ്യൽ ഇന്റലിജൻസ് കമ്പനിയായ xAI, തങ്ങളുടെ ചാറ്റ്ബോട്ടായ 'ഗ്രോക്ക്' (Grok) എന്ന എഐയെ വീഡിയോ ഗെയിമുകൾ നിർമിക്കാനും കളിക്കാനും പരിശീലിപ്പിക്കാനുള്ള 'വീഡിയോ ഗെയിംസ് ട്യൂട്ടർ' തസ്തികയിലേക്ക് വിദഗ്ധരെ നിയമിക്കുന്നു. യു.എസ്. അധിഷ്ഠിത സമയം കണക്കാക്കി മണിക്കൂറിന് 45 മുതൽ 100 ഡോളർ (ഏകദേശം 3,800 മുതൽ 8,400 രൂപ) വരെ ശമ്പളമാണ് വാഗ്ദാനം ചെയ്യുന്നത്. ജോലി പാലോ ആൽട്ടോയിലെ ഓഫീസിൽ വച്ചോ അല്ലെങ്കിൽ പൂർണമായി വീട്ടിലിരുന്നോ (റിമോട്ട്) ചെയ്യാവുന്നതാണ്.

ALSO READ: സെൽഫിക്ക് വേണ്ടി സുരക്ഷാ കയർ അഴിച്ചു; 5,500 അടി ഉയരത്തിലുള്ള മഞ്ഞുമലയിൽ നിന്ന് വീണ് ഹൈക്കർക്ക് ദാരുണാന്ത്യം 

ഗെയിം ഡിസൈൻ, മെക്കാനിക്സ്, സ്റ്റോറിറ്റെല്ലിംഗ്, പ്ലെയർ എക്സ്പീരിയൻസ് തുടങ്ങിയ മേഖലകളിൽ നേരിട്ടുള്ള പരിശീലനമാണ് ഈ തസ്തികയിലൂടെ ഗ്രോക്ക് ലക്ഷ്യമാക്കുന്നത്. ട്യൂട്ടർമാർ പ്രത്യേക സോഫ്റ്റ്‌വെയർ ഉപയോഗിച്ച് ഗെയിം മെക്കാനിക്സ്, നറേറ്റിവ്, ഡിസൈൻ എലമെന്റുകൾ എന്നിവയ്ക്ക് ലേബലുകളും അണോട്ടേഷനുകളും നൽകി, എഐയുടെ ഗെയിം ജനറേഷൻ കഴിവുകൾ മെച്ചപ്പെടുത്തണം.

ഉപയോക്താക്കളുടെ വിനോദത്തിന് ഉപകരിക്കുന്നതിന് സഹായിക്കുന്ന ഉയർന്ന നിലവാരമുള്ള ഡാറ്റ സെറ്റുകൾ തയ്യാറാക്കുന്നതിലും ടെക്നിക്കൽ ടീമുമായി സഹകരിക്കുന്നതിലും ശ്രദ്ധ കേന്ദ്രീകരിക്കും.

ALSO READ: ഹൈവേകളിൽ 'പെട്ടുപോകുന്നവർക്ക് വേണ്ടി'; ക്യൂആർ കോഡ് സ്കാൻ ചെയ്താൽ സഹായം കൈയെത്തും ദൂരെ

 യോഗ്യതകൾ

ഗെയിം ഡിസൈൻ, കമ്പ്യൂട്ടർ സയൻസ്, ഇന്ററാക്ടീവ് മീഡിയ എന്നിവയിൽ ഉന്നത പരിജ്ഞാനം, ഇന്ത്യൻ ഗെയിം ഡെവലപ്‌മെന്റിലെ പോർട്ട്ഫോളിയോ, ഗെയിം നിലവാരം വിലയിരുത്തലിലുള്ള കഴിവ്, എഐ-ജനറേറ്റഡ് ഗെയിമുകൾ ടെസ്റ്റ് ചെയ്യാനുള്ള അനുഭവം. പ്രിഫറഡ് യോഗ്യതകൾക്ക്, എഐ-അസിസ്റ്റഡ് ഗെയിം ഡെവലപ്‌മെന്റ് അല്ലെങ്കിൽ ഇന്ത്യയിലെ പ്ലേടെസ്റ്റിംഗ് അനുഭവവും ഗെയിമുകൾ കളിച്ചിട്ടുള്ള എക്സ്പീരിയൻസും.  വിസ സ്പോൺസർഷിപ്പ് ലഭ്യമല്ല എന്ന് കമ്പനി അറിയിച്ചിട്ടുണ്ട്.

ALSO READ: ചെറിയ പേയ്മെന്റുകൾക്ക് എന്തുകൊണ്ടാണ് ഗൂ​ഗിൾ പേ ലൈറ്റ് ഉപയോ​ഗിക്കുന്നത്?

xAIയുടെ കരിയർ പേജിലൂടെയാണ് ( https://x.ai/careers) ഈ തസ്തികയുടെ വിവരങ്ങൾ പ്രസിദ്ധീകരിച്ചിരിക്കുന്നത്. ഈ നിയമനം, ഗ്രോക്കിനെ ടെക്സ്റ്റ് അടിസ്ഥാനമാക്കിയുള്ള ഇന്ററാക്ഷനുകൾക്കപ്പുറം ഗെയിം ഡിസൈനിലേക്ക് വികസിപ്പിക്കാനുള്ള മസ്കിന്റെ പദ്ധതിയുടെ ഭാഗമാണെന്ന് വിശകലനക്കാർ ചൂണ്ടിക്കാട്ടുന്നത്. 

Elon Musk's xAI is hiring video game tutors to train its AI chatbot, Grok, in creating and playing video games. The role offers up to ₹8,400 per hour and can be done remotely or from their Palo Alto office. Candidates need expertise in game design, computer science, or interactive media.