ദുബൈ: ദുബൈ സിവില്‍ ഏവിയേഷന്‍ അതോറിറ്റി ചെയര്‍മാനും ദുബൈ എയര്‍പോര്‍ട്‌സ് ചെയര്‍മാനും എമിറേറ്റ്‌സ് എയര്‍ലൈന്‍ ആന്‍ഡ് ഗ്രൂപ് ചെയര്‍മാനും സി.ഇ.ഒയുമായ ശൈഖ് അഹമ്മദ് ബിന്‍ സഈദ് അല്‍ മക്തൂമിന്റെ രക്ഷാകര്‍തൃത്വത്തില്‍ ആക്‌സസ് എബിലിറ്റീസ് എക്‌സ്‌പോ 2025ന്റെ ഏഴാം പതിപ്പ് ദുബൈ വേള്‍ഡ് ട്രേഡ് സെന്ററില്‍ ആരംഭിച്ചു.
ശൈഖ് മന്‍സൂര്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം ഉദ്ഘാടനം ചെയ്തു. നിശ്ചയ ദാര്‍ഢ്യ (ഭിന്നശേഷി) മേഖലയിലെ ഏറ്റവും വലിയ പരിപാടിയാണിത്. 50 രാജ്യങ്ങളില്‍ നിന്നുള്ള 270 പ്രദര്‍ശകര്‍ പങ്കെടുക്കുന്ന പ്രദര്‍ശനത്തില്‍ 70 രാജ്യങ്ങളില്‍ നിന്നുള്ള 15,000 സന്ദര്‍ശകരെ സംഘാടകര്‍ പ്രതീക്ഷിക്കുന്നു.

ശാരീരിക കാഴ്ചാ ബുദ്ധിപരമായ വൈകല്യങ്ങളുള്ള വ്യക്തികളെയും ഓട്ടിസം സ്‌പെക്ട്രത്തിലുള്ളവരെയും പിന്തുണയ്ക്കാനായി രൂപകല്‍പന ചെയ്ത എക്‌സ്‌പോയില്‍ ധരിക്കാവുന്ന ഉപകരണങ്ങള്‍, സ്മാര്‍ട്ട് സിസ്റ്റങ്ങള്‍, ഇന്ററാക്ടിവ് ആപ്ലിക്കേഷനുകള്‍, നൂതന പ്രോസ്‌തെറ്റിക്‌സ് എന്നിവയുള്‍പ്പെടെയുള്ള സഹായക സാങ്കേതിക വിദ്യകളുടെയും നൂതനാശയങ്ങളുടെയും വിപുല ശ്രേണിയുണ്ട്. നിശ്ചയദാര്‍ഢ്യ ആളുകളുടെ ജീവിത നിലവാരം ഉയര്‍ത്താന്‍ ലക്ഷ്യമിട്ടുള്ള സംരംഭങ്ങള്‍, സേവനങ്ങള്‍, നൂതനാശയങ്ങള്‍ എന്നിവ എക്‌സ്‌പോയിലെ പങ്കാളിത്ത സര്‍ക്കാര്‍ സ്ഥാപനങ്ങള്‍, സംഘടനകള്‍, പ്രത്യേക കേന്ദ്രങ്ങള്‍ എന്നിവ എടുത്തു കാണിക്കുന്നു.

ALSO READ: സൗദി: ഖിബ്‌ലതൈന്‍ മസ്ജിദ് 24 മണിക്കൂറും തുറന്നുകിടക്കും; വിശ്വാസികള്‍ക്ക് ഏത് സമയത്തും ആരാധന നിര്‍വഹിക്കാം

The AccessAbilities Expo 2025, the region’s premier platform for assistive technologies and accessibility solutions, opened today at the Dubai World Trade Centre and will run until October 8. Held under the patronage of Sheikh Ahmed bin Saeed Al Maktoum, the event brings together more than 270 exhibitors from 50 countries, connecting trade professionals, buyers, and the community of People of Determination( Divyangjan).