ദുബൈ: ദുബൈയിലെ ടോൾ ഓപ്പറേറ്ററായ സാലിക്, റോഡ് ടോൾ ഫീസിൽ നിന്ന് ഇളവ് ലഭിക്കാൻ യോഗ്യതയുള്ള നാല് തരം വൈകല്യങ്ങളെക്കുറിച്ച് അവരുടെ വെബ്സൈറ്റിൽ വ്യക്തമാക്കി. ബുദ്ധിമാന്ദ്യം, ശാരീരിക വൈകല്യം, ഓട്ടിസം, കാഴ്ച വൈകല്യം എന്നിവയുള്ള വ്യക്തികൾക്കാണ് ഈ ഇളവ് ബാധകമാകുക.

ഇളവിന് അർഹത ലഭിക്കണമെങ്കിൽ, അപേക്ഷകൻ വാഹനത്തിന്റെ ഉടമസ്ഥനാകണം അല്ലെങ്കിൽ വാഹന ഉടമയുമായി നേരിട്ട് ബന്ധുബന്ധമുള്ളയാളായിരിക്കണം.

യോഗ്യതയുള്ള കുടുംബ ബന്ധങ്ങളിൽ മാതാപിതാക്കൾ, പങ്കാളികൾ (വിവാഹ സർട്ടിഫിക്കറ്റ് സഹിതം), മക്കൾ (ജനന സർട്ടിഫിക്കറ്റ് സഹിതം), മുത്തശ്ശിമാർ, സഹോദരങ്ങൾ, ചെറുമക്കൾ എന്നിവർ ഉൾപ്പെടുന്നു.

ALSO READ: ടാക്‌സി മേഖലയുടെ നിലവാരം മെച്ചപ്പെടുത്തണം; ഡ്രൈവർമാർക്കും, കമ്പനികൾക്കുമായി 8 മില്യൺ ദിർഹത്തിന്റെ സമ്മാന പദ്ധതി പ്രഖ്യാപിച്ച് ആർടിഎ

ഇളവിന് അപേക്ഷിക്കാൻ ആവശ്യമായ രേഖകൾ

1. വാഹന രജിസ്ട്രേഷൻ: അപേക്ഷകന്റെ അല്ലെങ്കിൽ ഒന്നാം അല്ലെങ്കിൽ രണ്ടാം ഡിഗ്രി ബന്ധുവിന്റെ (മാതാപിതാക്കൾ, പങ്കാളികൾ, മക്കൾ, മുത്തശ്ശിമാർ, സഹോദരങ്ങൾ, ചെറുമക്കൾ) പേര് വാഹന രജിസ്ട്രേഷനിൽ ഉണ്ടായിരിക്കണം.

2. എമിറേറ്റ്സ് ഐഡി: അപേക്ഷകന്റെ എമിറേറ്റ്സ് ഐഡിയുടെ പകർപ്പ്.

3. “പീപ്പിൾ ഓഫ് ഡിറ്റർമിനേഷൻ” കാർഡ് അല്ലെങ്കിൽ “സനദ് കാർഡ്”: മിനിസ്ട്രി ഓഫ് കമ്മ്യൂണിറ്റി ഡെവലപ്മെന്റ് അല്ലെങ്കിൽ ദുബൈ കമ്മ്യൂണിറ്റി ഡെവലപ്മെന്റ് അതോറിറ്റി നൽകുന്ന കാർഡ്.

4. കുടുംബ ബന്ധത്തിന്റെ തെളിവ്: വാഹനം അപേക്ഷകന്റെ ഉടമസ്ഥതയിലല്ലെങ്കിൽ, വിവാഹ സർട്ടിഫിക്കറ്റ് (പങ്കാളികൾക്ക്) അല്ലെങ്കിൽ ജനന സർട്ടിഫിക്കറ്റ് (മക്കൾക്ക്) പോലുള്ള രേഖകൾ ബന്ധം തെളിയിക്കാൻ സമർപ്പിക്കണം.

ALSO READ: വിമാനത്തിനുള്ളിൽ പവർബാങ്കുകൾ നിരോധിച്ചു; പേടിക്കേണ്ട, ഒരു കേബിൾ കയ്യിലുണ്ടോ? ചാർജിം​ഗ് ഇനി ഈസി

അപേക്ഷിക്കേണ്ട വിധം
1) സാലിക് വെബ്സൈറ്റ് സന്ദർശിക്കുക.
2) “സാലിക് സർവിസസ്” തിരഞ്ഞെടുക്കുക.
3) “ടോൾ എക്സംപ്ഷൻ റിക്വസ്റ്റ്” ഫോം പൂർത്തിയാക്കി സമർപ്പിക്കുക.

ആവശ്യമായ രേഖകൾ

ആവശ്യമായ രേഖകൾ [email protected] എന്ന ഇമെയിൽ വഴി അയക്കാം. കൂടുതൽ സഹായത്തിന്, 24 മണിക്കൂർ പ്രവർത്തിക്കുന്ന സാലിക് ഹോട്ട്‌ലൈനിൽ  നമ്പറിൽ ബന്ധപ്പെടാവുന്നതാണ്.
നമ്പർ: 800-72545

നിലവിൽ, ദുബൈയിൽ ഷെയ്ഖ് സായിദ് റോഡ്, അൽ ഖൈൽ റോഡ്, അൽ മക്തൂം പാലം, അൽ ഗർഹൗദ് പാലം, അൽ ഇത്തിഹാദ് റോഡ്, ബെയ്റൂട്ട് സ്ട്രീറ്റ്, ജബൽ അലി എന്നിവിടങ്ങളിലായി 10 സാലിക് ടോൾ ഗേറ്റുകളാണുള്ളത്. 

Dubai's toll operator, Salik, has introduced a toll fee exemption program for individuals with specific disabilities, promoting inclusivity and accessibility. The exemption applies to four categories of disabilities