കോഴിക്കോട്: ഗാസയിൽ തുടരുന്ന ഇസ്‌റാഈലീ കൊടും ക്രൂരതക്കെതിരേ ശബ്ദമുയത്തിയും പീഡനമനുഭവിക്കുന്ന ഫലസ്തീൻ ജനതക്ക് ഐക്യദാർഡ്യമറിയിച്ച് കൊണ്ടും നാളെ (ഒക്ടോബർ 7 ചൊവ്വാഴ്ച) വൈകുന്നേരം 7 മണിക്ക് എസ്.കെ.എസ്.എസ്.എഫ് പ്രതിഷേധ തെരുവ് നടക്കും. 
ഗസ്സയിൽ ഇപ്പോൾ നടക്കുന്ന നരവേട്ടക്ക് തുടക്കമിട്ട് 2 വർഷം പൂർത്തിയാവുന്ന ഇന്ന് സംസ്ഥാനത്തെ ഇരുന്നൂറ് മേഖലാ കേന്ദ്രങ്ങളിലാണ്  പ്രതിഷേധ തെരുവ് നടക്കുനത്.

പരിപാടി മാനുഷിക മൂല്യങ്ങൾ ചവിട്ടിമെതിച്ച് ഇസ്‌റാഈൽ നടത്തുന്ന ക്രൂരതക്കെതിരെ ശക്തമായ മുന്നറിയിപ്പായി മാറും. ആശുപത്രികൾ ബോംബിട്ട് തകർത്തും കുട്ടികളേയും പ്രായമായവരേയും സ്ത്രീകളെയും ക്രൂരമായ നിലയിൽ കൊന്നൊടുക്കുകയും ചെയ്യുന്ന ഇസ്റാഈൽ നിലപാടിനെതിരെ തെരുവുകൾ ഉണരേണ്ടതുണ്ട്.

മേഖലാ കേന്ദ്രങ്ങളിൽ നടക്കുന്ന പ്രതിഷേധ പരിപാടിയിൽ പ്ലേ കാർഡുകകൾ ഉയർത്തിയും മദ്രാവക്യം മുഴക്കിയും ഫലസ്തീന് ഐക്യദാർഡ്യം പ്രഖ്യാപിച്ച് റാലിയും സമാപന ചടങ്ങിൽ പ്രഭാഷണവും ശാന്തിക്കായി പ്രാർത്ഥനയും നടക്കും.