മലപ്പുറം: മലപ്പുറത്ത് മുഴുവന്‍ ക്ലാസ്മുറികളും ഫുള്‍ എയര്‍ കണ്ടീഷന്‍ ചെയ്ത് ആദ്യ സര്‍ക്കാര്‍ എല്‍പി സ്‌കൂളിന്റെ നിര്‍മാണം പൂര്‍ത്തിയായി. ഈ വരുന്ന ഞായറാഴ്ച കെട്ടിടത്തിന്റെ ഉദ്ഘാടനം ഇടി മുഹമ്മദ് ബഷീര്‍ എംപി നിര്‍വഹിക്കും. നൂറു വര്‍ഷത്തോളം പഴക്കമുള്ള സ്‌കൂള്‍ കെട്ടിടം അപകടാവസ്ഥയിലായിരുന്നു. അതുകൊണ്ട് തന്നെ വിദ്യാഭ്യാസ വകുപ്പ് അതില്‍ പ്രവേശനാനുമതി നല്‍കിയിരുന്നില്ല.

സ്‌കൂളിലെ എട്ട് പഴയ ക്ലാസ് മുറികള്‍, കംപ്യൂട്ടര്‍ ലാബ്, ലൈബ്രറി, സ്റ്റാഫ് റൂം, എച്ച്എംറൂം എന്നിവയുള്‍പ്പെടെ മുഴുവന്‍ കെട്ടിടവും എയര്‍ കണ്ടീഷന്‍ ചെയ്താണ് പൂര്‍ത്തിയാക്കിയിരിക്കുന്നത്. പതിനായിരം ചതുരശ്ര അടി വിസ്തീര്‍ണമുള്ള ഗ്രൗണ്ട് ഫ്‌ളോറിന് പുറമേ രണ്ട് നിലകളിലായാണ് പൂര്‍ണമായും എയര്‍ കണ്ടീഷന്‍ ചെയ്ത ക്ലാസ് മുറികള്‍ നിര്‍മിച്ചിരിക്കുന്നത്.

ALSO READ: കംപ്യൂട്ടര്‍ മൗസ് ക്ലിക്ക് ചെയ്യാനും സ്‌ക്രോള്‍ ചെയ്യാനും മാത്രമല്ല, സംഭാഷണങ്ങള്‍ കേള്‍ക്കുന്നുണ്ടെന്ന് പുതിയ പഠനം- ജാഗ്രത പാലിക്കുക, ക്രെഡിറ്റ് കാര്‍ഡ് വിവരങ്ങള്‍ക്കും ഭീഷണി

സാധാരണ ബെഞ്ചുകളില്‍ നിന്നും ഡെസ്‌കുകളില്‍ നിന്നും വ്യത്യസ്തമായി വിദ്യാര്‍ഥികള്‍ക്കായി ആധുനിക എഫ്ആര്‍പി ബെഞ്ചുകളും ഡെസ്‌കുകളും ആണ് ഇവിടെ ഒരുക്കിയിരിക്കുന്നത്. കൂടാതെ, ഓരോ നിലയിലും ശുദ്ധീകരിച്ച വാട്ടര്‍ കിയോസ്‌കുകളും എല്ലാ ക്ലാസ് മുറികളിലും ഡിജിറ്റല്‍ സ്‌ക്രീനുകളും സംയോജിത ശബ്ദ സംവിധാനം തുടങ്ങിയ ആധുനിക സൗകര്യങ്ങളും ഒരുക്കിയിട്ടുണ്ട്.

മലപ്പുറം മുനിസിപ്പാലിറ്റി ചെയര്‍മാന്‍ മുജീബ് കാടേരി, വാര്‍ഡ് കൗണ്‍സിലര്‍ സികെ നാജിയ ശിഹാര്‍ എന്നിവരുടെ നേതൃത്വത്തില്‍ നഗരസഭ വാങ്ങിയ സ്ഥലത്താണ് ആധുനിക കെട്ടിടത്തിന്റെ നിര്‍മാണം പൂര്‍ത്തിയാക്കിയിരിക്കുന്നത്. ക്ലാസ് മുറിയില്‍ പ്രവേശിക്കുന്നതിന് മുമ്പ് വിദ്യാര്‍ഥികള്‍ക്ക് അവരുടെ പാദരക്ഷകള്‍ സൂക്ഷിക്കാന്‍ പ്രത്യേക ഷൂ റാക്കുകളും ഓരോ ക്ലാസ് മുറിയിലും പ്രത്യേക ലൈബ്രറികളും ഉണ്ട്.

കെട്ടിടത്തിന്റെ നിര്‍മാണത്തിനായി മുനിസിപ്പാലിറ്റി അഞ്ച് കോടി രൂപയാണ് ചെലവഴിച്ചത്. എയര്‍ കണ്ടീഷനിങ്, സോളാര്‍ സിസ്റ്റം, ആധുനിക സ്‌കൂള്‍ ഫര്‍ണിച്ചര്‍, ചുറ്റുമതിലിനുള്ള സൗകര്യം, ഇന്റര്‍ലോക്ക് തുടങ്ങിയവയുടെ നിര്‍മാണത്തിനായി പി. ഉബൈദുല്ല എംഎല്‍എയുടെ ആസ്തി വികസന ഫണ്ടില്‍ നിന്ന് അമ്പത് ലക്ഷം രൂപയും അനുവദിച്ചിരുന്നു.

A government lower primary (LP) school in Malappuram, Kerala, has become the first in the state to have all its classrooms fully air-conditioned. The construction of the modern school building has been completed, and the inauguration will be conducted this coming Sunday by MP E.T. Mohammed Basheer. The earlier building, nearly 100 years old, was in a dangerous condition and had been deemed unfit for use by the education department. In response, a new multi-storey building was constructed, covering 10,000 sq ft, with two floors of fully air-conditioned classrooms.