ന്യൂഡല്‍ഹി: കേന്ദ്ര സര്‍ക്കാര്‍ നയങ്ങളെ വിമര്‍ശിച്ച് സിവില്‍ സര്‍വീസില്‍ നിന്ന് രാജിവച്ച മുന്‍ ഐ.എ.എസ് ഉദ്യോഗസ്ഥന്‍ കണ്ണന്‍ ഗോപിനാഥന്‍ കോണ്‍ഗ്രസില്‍. ഇന്ന് രാവിലെ 11.30 ന് എ.ഐ.സി.സി ആസ്ഥാനത്ത് വച്ചാണ് പാര്‍ട്ടി അംഗത്വം സ്വീകരിച്ചത്. സംഘടന ചുമതലയുള്ള ജനറല്‍ സെക്രട്ടറി കെ.സി വേണുഗോപാല്‍ അദ്ദേഹത്തിന് അംഗത്വം നല്‍കി. 

ജമ്മുകശ്മിരിനുള്ള പ്രത്യേക അവകാശങ്ങളും ഭരണഘടനയുടെ 370ാം വകുപ്പും പിന്‍വലിച്ച സര്‍ക്കാര്‍ നിലപാടില്‍ പ്രതിഷേധാച്ചാണ് ദമന്‍ ദിയുവില്‍ സേവനം ചെയ്യുകയായിരുന്ന കണ്ണന്‍ ഗോപിനാഥന്‍ ഐ.എ.എസ് സര്‍വിസില്‍ നിന്ന് രാജിവച്ചത്. രാജിവച്ചശേഷം നിരവധി സര്‍ക്കാര്‍ വിരുദ്ധ പ്രക്ഷോഭങ്ങളില്‍ പങ്കെടുത്ത കണ്ണന്‍ ഗോപിനാഥനെ യു.പിയിലെ അലിഗഡ് മുസ്ലിം യൂനിവേഴ്സിറ്റിയിലേക്കു പോകുന്നതിനിടെ അറസ്റ്റ് ചെയ്തിരുന്നു.

English Summary: Former IAS officer Kannan Gopinathan, who resigned from civil service in protest against the Modi government's policies, has officially joined the Indian National Congress. The induction took place at the AICC headquarters in New Delhi, with Congress General Secretary K.C. Venugopal welcoming him into the party.