കണ്ണൂര്‍ കൂത്തുപറമ്പില്‍ പട്ടാപ്പകല്‍ വയോധികയുടെ മാല പൊട്ടിച്ചോടിയ സി.പി.എം കൗണ്‍സിലര്‍ പിപി രാജേഷ് അറസ്റ്റില്‍. കഴിഞ്ഞ വ്യാഴാഴ്ച ഉച്ചയ്ക്ക് പന്ത്രണ്ടരയോടെയാണ് വയോധികയുടെ ഒന്നേകാല്‍ പവന്റെ മാല പൊട്ടിച്ചത്. 

77 കാരിയായ വയോധിക ജാനകി വീട്ടില്‍ ഒറ്റക്കായിരുന്നു. വീടിന്റെ മുന്‍വാതില്‍ തുറന്നിട്ടിരിക്കുകയായിരുന്നു. അടുക്കളയില്‍ ജോലി ചെയ്യുന്ന സമയത്താണ് ഒരാള്‍ പെട്ടന്ന് അകത്തേക്ക് കയറിവരികയും മാല പൊട്ടിച്ച് ഓടുകയും ചെയ്തത്. സ്‌കൂട്ടറിലെത്തിയ ഹെല്‍മെറ്റ് ധരിച്ചയാളാണ് മോഷ്ടാവെന്ന് ജാനകി നല്‍കിയ പരാതിയില്‍ വ്യക്തമാക്കിയിരുന്നു. ബഹളം കേട്ട് നാട്ടുകാര്‍ ഓടിക്കൂടിയപ്പോഴേയ്ക്കും മോഷ്ടാവ് ഓടി രക്ഷപ്പെട്ടിരുന്നു. 

ALSO READ: കോട്ടയത്ത് കിടപ്പുരോഗിയായ ഭാര്യയെ ഭര്‍ത്താവ് കഴുത്ത് ഞെരിച്ചു കൊലപ്പെടുത്തി; ശേഷം ഭര്‍ത്താവ് ആത്മഹത്യയ്ക്ക് ശ്രമിച്ചു

പിന്നീട് സി.സി.ടി.വി കേന്ദ്രീകരിച്ച് നടത്തിയ പരിശോധനയിലാണ് വാഹനം തിരിച്ചറിയുകയും അതില്‍ നിന്നാണ് നാലാം വാര്‍ഡ് കൗണ്‍സിലറായ പി.പി രാജേഷാണ് മോഷണത്തിന് പിന്നിലെന്ന് തെളിയുകയും ചെയ്തത്. രാജേഷ് കുറ്റം സമ്മതിച്ചെന്നാണ് കൂത്തുപറമ്പ് പൊലീസ് നല്‍കുന്ന വിവരം. ഇയാളില്‍ നിന്നും മോഷ്ടിച്ച  മാല കണ്ടെടുത്തു.

English Summary: In a shocking incident, P.P. Rajesh, a CPM councillor from the 4th ward in Kuthuparamba, has been arrested for snatching a gold chain from a 77-year-old woman in broad daylight.