കോട്ടയം: കിടങ്ങൂരില്‍ കിടപ്പുരോഗിയായ ഭാര്യയെ ഭര്‍ത്താവ് കഴുത്ത് ഞെരിച്ച് കൊലപ്പെടുത്തി. കിടങ്ങൂര്‍ എലക്കോടത്ത് കെ.എസ്. രമണി(70)യാണ് മരിച്ചത്. സംഭവത്തില്‍ ഭര്‍ത്താവ് ഇ.കെ. സോമ(74)നെ പൊലിസ് അറസ്റ്റ് ചെയ്തു.

സോമന്‍ രണ്ടാമത്തെ മകനെയും കഴുത്ത് ഞെരിച്ചു കൊലപ്പെടുത്താന്‍ ശ്രമിച്ചെങ്കിലും മൂത്ത മകന്‍ രക്ഷപ്പെടുത്തുകയായിരുന്നു. പിന്നാലെ സോമന്‍ ആത്മഹത്യയ്ക്ക ശ്രമിക്കുകയായിരുന്നു. പഞ്ചായത്തംഗം വിളിച്ചറിയിച്ചതിനെ തുടര്‍ന്നു കിടങ്ങൂര്‍ പൊലിസ് സ്ഥലത്തെത്തി. സോമനെ കസ്റ്റഡിയിലെടുത്ത് സ്റ്റേഷനിലേക്ക് കൊണ്ടുപോയി.

മൃതദേഹം ആശുപത്രിയിലേക്ക് മാറ്റി. പൊലിസ് സ്ഥലത്തെത്തി അന്വേഷണം ആരംഭിച്ചു. 

English Summary: In a shocking incident in Kidangoor, a 74-year-old man allegedly strangled his bedridden wife to death and later attempted suicide.