കേരള വൊക്കേഷണൽ ഹയർ സെക്കണ്ടറി വിദ്യാഭ്യാസ വകുപ്പിന് കീഴിൽ ജോലി നേടാൻ അവസരം. ഡെപ്യൂട്ടി ഡയറക്ടർ തസ്തികയിലേക്കാണ് പുതിയ റിക്രൂട്ട്‌മെന്റ് നടക്കുന്നത്. ആകെ ഒരു ഒഴിവാണ് വന്നിട്ടുള്ളത്. കേരള പി.എസ്.സി മുഖേന നടത്തുന്ന സ്ഥിര നിയമനമാണിത്. കേരളത്തിൽ സ്ഥിര സർക്കാർ ജോലി ആഗ്രഹിക്കുന്നവർ പി.എസ്.സി വെബ്‌സൈറ്റ് മുഖേന ഓൺലൈൻ അപേക്ഷ നൽകണം. 

തസ്തികയും ഒഴിവുകളും

കേരള വൊക്കേഷണൽ ഹയർ സെക്കണ്ടറി വിദ്യാഭ്യാസ വകുപ്പിൽ (VHSE) ഡെപ്യൂട്ടി ഡയറക്ടർ. ആകെ ഒഴിവുകൾ 01.

ശമ്പളം

തെരഞ്ഞെടുക്കപ്പെടുന്നവർക്ക് പ്രതിമാസം 77200 രൂപമുതൽ 1,40,500 രൂപവരെയാണ് ശമ്പളം ലഭിക്കുക. 

പ്രായപരിധി

45 വയസിനും 50 വയസിനും ഇടയിൽ പ്രായമുള്ളവർക്ക് അപേക്ഷിക്കാം. ഉദ്യോഗാർഥികൾ 02.01.1975നും 01.01.1983നും ഇടയിൽ ജനിച്ചവരായിരിക്കണം. 

ALSO READ: യുഎഇയിലേക്ക് കേരള സർക്കാർ റിക്രൂട്ട്‌മെന്റ്; ശമ്പളത്തിന് പുറമെ താമസം, യാത്ര, ഇൻഷുറൻസ്, ടിക്കറ്റ് എന്നിവ ഫ്രീ; വേഗം അപേക്ഷിച്ചോളൂ

യോ​ഗ്യത

കേരളത്തിലെ ഏതെങ്കിലും സർവകലാശാലകളിൽ നിന്നും അമ്പത് (50) ശതമാനത്തിൽ കുറയാത്ത മാർക്കോടുകൂടി ഏതെങ്കിലും വിഷയത്തിൽ പ്രൊഫഷണൽ അല്ലെങ്കിൽ ടെക്നിക്കലിൽ നേടിയ മാസ്റ്റേഴ്സ് ബിരുദം അഥവാ തത്തുല്യ യോഗ്യത.

ഏറ്റവും കുറഞ്ഞത് 20 വർഷത്തെ ഗവണ്മെന്റ് സർവീസ് ഉണ്ടായിരിക്കണം.ഈ കാലയളവിൽ ഏറ്റവും കുറഞ്ഞത് 5 വർഷക്കാലമെങ്കിലും കേരള വൊക്കേഷണൽ ഹയർ സെക്കണ്ടറി വിദ്യാഭ്യാസ വകുപ്പിലെ അസിസ്റ്റന്റ് ഡയറക്ടർ റാങ്കിൽ കുറയാതെയുള്ള അഡ്മിനിസ്ട്രേറ്റീവ് തസ്തികയിൽ സേവനമനുഷ്ഠിച്ചിട്ടുണ്ടായിരിക്കണം.

അപേക്ഷിക്കേണ്ട വിധം

ഉദ്യോഗാർത്ഥികൾ കേരള പബ്ലിക് സർവ്വീസ് കമ്മീഷന്റെ ഔദ്യോഗിക വെബ്സൈറ്റായ www.keralapsc.gov.in വഴി 'ഒറ്റത്തവണ രജിസ്ട്രേഷൻ' പ്രകാരം രജിസ്റ്റർ ചെയ്ത ശേഷമാണ് അപേക്ഷിക്കേണ്ടത്. രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ അവരുടെ user ID യും password ഉം ഉപയോഗിച്ച് login ചെയ്ത ശേഷം സ്വന്തം profile ലൂടെ അപേക്ഷിക്കേണ്ടതാണ്. ഓരോ തസ്തികയ്ക്ക് അപേക്ഷിക്കുമ്പോഴും പ്രസ്തുത തസ്തികയോടൊപ്പം കാണുന്ന Notification Link-ലെ Apply Now -ൽ മാത്രം click ചെയ്യേണ്ടതാണ്. അപേക്ഷാ ഫീസ് നൽകേണ്ടതില്ല. ഓരോ തസ്തികയ്ക്ക് അപേക്ഷിക്കുന്നതിന് മുൻപും തന്റെ പ്രൊഫൈലിൽ ഉൾക്കൊള്ളിച്ചിരിക്കുന്ന വിവരങ്ങൾ ശരിയാണെന്ന് ഉദ്യോഗാർത്ഥി ഉറപ്പുവരുത്തേണ്ടതാണ്.

അപേക്ഷ: https://thulasi.psc.kerala.gov.in/thulasi/              

വിജ്ഞാപനം:  CLICK

കൂടുതല്‍ ജോലിയൊഴിവുകള്‍ക്ക് ഗ്രൂപ്പില്‍ ജോയിന്‍ ചെയ്യുക

Deputy Director job at Kerala Vocational Higher Secondary Education Department. 1 vacancy. apply online via the Kerala PSC website before november 19.