ദുബൈ: 2025-2026 വർഷത്തേക്കുള്ള താൽക്കാലിക ശൈത്യകാല ക്യാമ്പുകൾ ബുക്ക് ചെയ്യുന്നതിനുള്ള അപേക്ഷകൾ ആരംഭിച്ച് ദുബൈ മുൻസിപ്പാലിറ്റി. 

ഇന്ന് (ഒക്ടോബർ 21) രാവിലെ 10 മണി മുതൽ അപേക്ഷകൾ സ്വീകരിക്കാൻ തുടങ്ങുമെന്നാണ് മുൻസിപ്പാലിറ്റി അറിയിച്ചിട്ടുള്ളത്. 

ALSO READ: ഷാർജയിലെ ഇൻഡസ്ട്രിയൽ ഏരിയയിൽ അൽ ഖാൻ പാലത്തിന് സമീപം തീപിടുത്തം

താൽക്കാലിക വിന്റർ ക്യാമ്പ് പെർമിറ്റിനായുള്ള അപേക്ഷകൾ 'ദുബൈ നൗ' (Dubai Now) ആപ്പ് ഉപയോഗിച്ചോ, അല്ലെങ്കിൽ ദുബൈ മുനിസിപ്പാലിറ്റിയുടെ വെബ്സൈറ്റ് (wintercamp.dm.gov.ae) വഴിയോ അപേക്ഷിക്കാം. കൂടാതെ, 'ടെമ്പററി വിന്റർ ക്യാമ്പ് പെർമിറ്റ് ആപ്ലിക്കേഷൻ സർവിസ്' ഫോം പൂരിപ്പിച്ചും അപേക്ഷിക്കാവുന്നതാണ്. 
 
അതേസമയം, പെർമിറ്റിന്റെ പകർപ്പ് സ്വീകരിക്കുക, പെർമിറ്റിന്റെ കാലാവധി നീട്ടുക, ഇൻഷുറൻസ് തുക തിരികെ ലഭിക്കാനുള്ള അപേക്ഷ തുടങ്ങിയ ഓൺലൈൻ സേവനങ്ങൾക്ക് മുനിസിപ്പാലിറ്റി പോർട്ടലിൽ ലോഗിൻ ചെയ്യേണ്ടതുണ്ട്.

വിന്റർ ക്യാമ്പ് പെർമിറ്റിന് അനുമതി നൽകുന്നതിന് മുമ്പ്, സമർപ്പിച്ച എല്ലാ അപേക്ഷകളും അവക്കൊപ്പം അറ്റാച്ച് ചെയ്ത രേഖകളും പരിശോധിക്കുന്നതായിരിക്കും.

Dubai Municipality has announced the opening of registrations for temporary winter camping permits for the 2025-2026 season. The camps will be held in designated areas, offering a secure environment for families and individuals to enjoy Dubai's desert landscape. Interested parties can apply through the Dubai Municipality website or Dubai Now app.