ഇന്ത്യൻ സൂപ്പർതാരം വിരാട് കോഹ്‌ലിയെ പ്രശംസിച്ച് മുൻ ഇന്ത്യൻ താരം സഹീർ ഖാൻ. കോഹ്‌ലിയെ ഏകദിനത്തിലെ ഏറ്റവും മികച്ച താരമെന്നാണ് സഹീർ ഖാൻ വിശേഷിപ്പിച്ചത്. ക്രിക് ബസിന് നൽകിയ അഭിമുഖത്തിൽ സംസാരിക്കുകയായിരുന്നു സഹീർ ഖാൻ. 

"സ്ഥിരതയും മത്സരങ്ങൾ വിജയിപ്പിക്കാനുള്ള കഴിവുമാണ് കോഹ്‌ലിയെ വ്യത്യസ്തനാക്കുന്നത്. മത്സരങ്ങളിൽ ഏതു സമ്മർദ്ദ സാഹചര്യങ്ങളിലും വിരാടിന്റെ ആധിപത്യം വളരെ മികച്ചതാണ്.  എക്കാലത്തെയും മികച്ച ഏകദിന ബാറ്ററായി അദ്ദേഹത്തെ മാറ്റുന്നതും ഇതുകൊണ്ടുതന്നെയാണ്"

ഓസ്ട്രേലിയക്കെതിരായ അവസാന ഏകദിനത്തിൽ അർദ്ധ സെഞ്ച്വറി നേടിയായിരുന്നു വിരാട് തിളങ്ങിയിരുന്നത്. 81 പന്തുകളിൽ നിന്നും പുറത്താവാതെ 74 റൺസ് നേടിയാണ് കോഹ്‌ലി തിളങ്ങിയത്. ഏഴ് ഫോറുകളാണ് താരത്തിന്റെ ബാറ്റിൽ നിന്നും പിറന്നത്.

പരമ്പരയിലെ ആദ്യ രണ്ട് മത്സരങ്ങളിലും റൺസ് ഒന്നും നേടാതെയാണ് കോഹ്‌ലി മടങ്ങിയത്. ചരിത്രത്തിൽ ഇതാദ്യമായാണ് കോഹ്‌ലി തന്റെ കരിയറിൽ തുടർച്ചയായ രണ്ട് ഏകദിന മത്സരങ്ങളിൽ റൺസ് പൂജ്യം റൺസിന്‌ പുറത്താവുന്നത്. എന്നാൽ അവസാന ഏകദിനത്തിൽ കോഹ്‌ലി ശക്തമായി തിരിച്ചുവരികയായിരുന്നു. 

ഇനി ഓസ്‌ട്രേലിയക്കെതിരെയുള്ള ടി-20 പരമ്പരയാണ് ഇന്ത്യയുടെ മുന്നിലുള്ളത്. അഞ്ചു മത്സരങ്ങളടങ്ങുന്ന പരമ്പര നാളെയാണ് ആരംഭിക്കുക. കദിന പരമ്പര സ്വന്തമാക്കിയ ആത്മവിശ്വാസവുമായിട്ടായിരിക്കും ഓസ്ട്രേലിയ സ്വന്തം മണ്ണിൽ ഇന്ത്യക്കെതിരെ കളിക്കാനിറങ്ങുന്നത്. എന്നാൽ ഏകദിനത്തിലേറ്റ തിരിച്ചടികളിൽ നിന്നും തിരിച്ചുവരാനായിരിക്കും ഇന്ത്യ ടി-20 പരമ്പരയിലൂടെ ലക്ഷ്യം വെക്കുക.

ഇന്ത്യ ടി-20 സ്‌ക്വാഡ്

സൂര്യകുമാർ യാദവ് ((ക്യാപ്റ്റൻ), അഭിഷേക് ശർമ, ശുഭ്‌മാൻ ഗിൽ (വൈസ് (ക്യാപ്റ്റൻ), തിലക് വർമ്മ, നിതീഷ് കുമാർ റെഡ്ഡി, ശിവം ദുബെ, അക്‌സർ പട്ടേൽ, ജിതേഷ് ശർമ (വിക്കറ്റ് കീപ്പർ), വരുൺ ചക്രവർത്തി, ജസ്പ്രീത് ബുംറ, അർഷ്ദീപ് സിംഗ്, കുൽദീപ് യാദവ്, ഹർഷിത് റാണ, സഞ്ജു സാംസൺ(വിക്കറ്റ് കീപ്പർ), റിം​ഗു സിം​ഗ്, വാഷിം​ഗ്ടൺ സുന്ദർ.

Former Indian player Zaheer Khan has praised Indian superstar Virat Kohli. Zaheer Khan has described Kohli as the best player in ODIs.